Things I Like To Whisper About

Would You Hear Me Whispering

تساؤلات....


هالموضوع الي فتره بفكر فيه و حابه اكتب عنه, لكن ولاول مره بحس حالي مش عارفه اعبر ولا عارفه ابدأ!!

الموضوع عباره عن سؤال

كم فرق العمر اللي ممكن نحكي عنه مناسب بين الشخصين علشان يرتبطو؟؟؟
هل بترضي ترتبطي بواحد اصغر منك؟؟ واذا اه اصغر بكم سنه ؟؟
هل بترضي ترتبطي بواحد اكبر منك بكتير؟؟؟ وحددي الكتير بالنسبه الك؟؟

ونفس الاسئله للشباب

ممكن تتزوج وحده اكبر منك؟؟ واذا اه بكم سنه عالاكثر؟؟
مع النظر لموضوع ان التركيب الجسدي للبنت بتأثر بالعمر, من ناحيه الشكل و النفسيه وحتى الانجاب...

انا خالي متزوج وحده اكبر منه ب 17 سنه , ارمله اخوه وعندها 3 اولاد, و تزوجها بناءا على محبته الها مش واجب, وتزوجها مع رفض كل العيله,وعايش معها احلى عيشه, بحبها و بتحبه, وهلأ الهم 35 سنه متزوجين و لهلأ بحبها و بخاف عليها, لهلأ بعاملها كأنها خطيبته.

و عنا بالشغل 2 متزوجين ستات اكبر منهم بسنه او سنتين و التنين بدورو على عرايس لانهم من وجهه نظرهم غلطو باختيارهم وما عاشو حياتهم وحقهم يتزوجو وحده صغيره, بعد 11 سنه زواج و اولاد وعيله...


اللّي اثار الموضوع في بالي, انه تقدملي شخص اكبر مني ب 16 سنه..

الكل استاء من رفضي, واعتبر كلامي حجج بحجج...واتهموني باني انا متطلبه وما بعجبني العجب, وان انا حاطه معايير كتير عاليه, مع ان الرفض اجا عالعمر , حكيتلهم مواصفات الشخص ممتازه وما بنكر انه شكلا مش مبين عليه العمر بالمره, لكن العمر مش مناسب اطلاقا, بعرف اني مش صغيره و بعرف اني -وكأي بنت بالعالم- بتتمنى يصير عندي بيبي, لكن ما اعتقد اني المفروض ارمي حالي بدوامه انا من اولها مش مقتنعه فيها علشان يكون اسمي تزوجت والسلام ...

انا ما شكيت للحظه بقراري , لكن بدي اشوف هل اللي حوالي بحكو هيك علشان بنظرهم انهم بدهم يسترو علي و يزوجوني,لانه اهم اشي بحياه البنت الزواج - طبعا هيك رأيهم - ويلا فعلا هيك رأي مجموعه من الناس؟؟؟


32 التعليقات :

I think that it is OK to marry someone younger or older as long as it doesn't exceed 5years difference. Pls note that both males and females get affected differently by age and growing old..Women might experience the points you mentioned and men are no different, they will change also physically, mentally and face their own issues too.

I think that you have made the right decision by saying no, a 16years difference is great. You have to look down the road when you are both older and not only the here and now. If you are 27 at this time and he is 43, you might not feel the difference as much as when you reach 35 and he will be 51 !! You will grow apart in every way. You will be at your prime and he is already facing his first mid life crisis..Don't get me wrong, I am not putting men down, I am simply stating facts of life, we will all grow old and wrinkly but it would be nice for married couple to grow together.
You have mentioned kids, the same thing apply. Is it fair to your boy or girl to be 15years old with a 60years old father ?? There will be a big gap to fill too. He will be ready to slow down and retire and your kids are ready to take off in life and planning for college and future ??

That is not to say that marriages with big difference don't work, it really depends on the couple involved. There might be no difference in age at all, and the marriage still fail. So no one can really predict. What am saying is with bigger difference the risk of failing is greater.
Good luck to you sweety and don't feel guilty, I think you have made the right decision. Marriage is a lifetime commitment.

 

Me too I think 5 years older is very good, but I don't like my husband to be younger than me :S
I tried to convince my self once before, and it showed that it was not a very good idea :D

yeah sure both will have many change in their body's, but I think usually women stop seeing their husbands from outside and depend in what inside, what I mean that if she love him she will take his as he is , but usually men depends on the outside part more :S

Al7amdolellah I prayed "2este5ara" many times and I felt it was the right decision too
I'm with u in that 100%, and as u said it will effect the childrens too

I'm totally with all what u said, thanks ya amar :)

 

هلا هدول اللي عندك بالشغل بعد 11 سنة استوعبوا مممممم هاي حجة جديدة لكل متزوج اصغر او اكبر منو او يمكن عندهم حق
الشغلة بتحكمها الظروف و التقلبات اللي بعيشها الشخص
نحكي جد
انا شخصيا من المستحيل اتزوج شخص اصغر مني ولو بيوم واحد بالعكس بفضل انو يكون اكبر بفترة على الاقل 7 سنين هادا على الاقل
يمكن انا نظرتي للزواج و الاستقرار بتعني الي شخصيا اني اتزوج شخص واعي و مجرب و انسان ممكن يتحمل مسؤوليتي
و مسؤولية البيت
انا كمان مش صغيرة بس بعتقد انو الرجال الكبير لما يتزوج رح تكون افكاروا و استعدادوا واعي اكتر بكتير
او يمكن انا بحب دلل حالي
بس المهم الاقتناع و اذا انت مش مقتنعة ما توافقي لانك رح تضلي تفكري بالخيار التاني على انو افضل الك
حكيت كتير
بس بتمنى انو تكون الفكرة وصلت ؟

 

والله موضوع في مكانه الصحيح!!

العمر موضوع مأرقني شوي انا كمان

بصراحه بحبش الفرق الكبير كتير وبقتنعش انو ما بيأثر؛ العمر بيلعب دور كبير في التفكير

هلأ صار معي انو اتقدمولي ناس وكان الفرق تقريبا 11 سنه كنت اشوفو كتير ويحكولي عادي

ومره اتقدملي شب وما رجع لاني كنت اكبر منه ب 6 اشهر:)

في من قريباتي اللي متجوزين بفرق 14 سنه تقريبا وبيحكوا العمر مشكله

وفي اللي مش فارقه معهم

بس على فكره موضه هلأ البنات الكبار يتجوزوا اصغر منهم مش عارفه ليه؟:)

بالنهايه عزيزتي اذا الشب خايف اذا مرته تحكمه اذا كان اصغر منها بحب اطمنه

على جميع الحالات المره بتداري كبيره كانت او صغيره:)
هي هي يعني:)

 

oh my god we've got another couple of posts over here
i need to think about it more ..i will not comment now i need one more day
ثانك يو افري بدي آي ويل كام باك ليتر

هاف أ نايس دي ويسبر

 

ممممممم

و الله شوفي بصراحة... بالشكل العام العمر مو مهم ازا كان الشب و البنت بيعرفو بعض منيح و بدهم بعض بحيث انو يصفي موضوع العمر مو مهم

لكن لما يكون عريس "متقدم"، يعني زواج تقليدي، يعني ما بتعرفيه من قبل، فالموضوع مرفوض جملة و تفصيلاً!!

هلأ كتير من هاد الموضوع بيرجع للبنت... يعني انا بشوف انو احسن فرق بيبدا من انو الشب يكون اكبر مني بسنة، و و بيصير احلى اشي عند اربع او خمس سنين، و بينتهي تماااااماً بسبعة!!

و موضوع اللي ازغر مني مرفوض تماماً

انا جربت التنين

تقدملي واحد اكبر بـ13 سنة، و واحد ازغر مني بـ3 سنين

الأكبر مني ما كنت مقتنعة بالموضوع اطلاقاً، بس كوني بسمع نفس نوعية الحكي اللي بتسمعيه "اللي بيسر الخاطر طبعاً، مفهوم :-) " فحاولت اقنع حالي و اشوفو... كانت بس تاني مرة بحياتي بجرب العرسان التقليديين و بعديها حرررررمت... لأنو حكالي: ازا من الأول عمري مش عاجبك، ليش رضيتي تشوفيني؟

التاني اللي ازغر مني اختصرت و قلت ما بدي واحد اربيه بعزّي... و هدول تلت سنين مش قلال... فلما حكو للشب راح دور عليّ على فايسبوك و ما لقاني، لقى اختي فسألها ازني عالفيس بوك "طبعاً انا عندي اكاونت كزابي بس بلعب فيو غيمز، ما فيو معلومات عني ولا هو باسمي" و ضافني... قلت الشب شكلو بيعرفني و جد شاريني... بس حكيت معو شوي عالفيس بوك اكتشفت انو عب... طالما ازغر مني خلص... عنجد زغير يا همسة!! ما بيروح من بالك و انتي بتحكي معو :-)

و بس! و سلامتك...

يللا كلو عالنوم شو بتساوي اونلاين لهسّا، آآآآ؟

 

Noura is right espically about the kids part

 

انا من وجهت نظري انه العمر ما اله تأثير في الحياة الزوجيه المهم التفاهم والقدره على التواصل والاستيعاب انا باعرف ناس كتير تزوجوا باختلاف عمري كبير لكن في النهايه عاشوا حياة سعيده
في النهايه تعتمد على الشخص وبالنسبه اللي بدوروا على العرسان اللي بدهم يعيشوا حياتهم هدول مش بسبب انهم ما عاشوا حياتهم مع زوجاتهم هدول والاغلب عينيهم زايغه وبدها خزق لا وفي النهايه بياخدواوحده دربيهم العمر ويحرموا الجيزه ويلعنوها

 

عزيزتي

حسب رايي المتواضع بعتقد انو الشب لازم يكون اكبر من الصبيه ب5-7 سنوات حتى يكون ناضج فكريا وماديا. اما اكثر من هيك بتوقع يكون بينهم فجوه بالتفكير والانسجام ومعضم الحالات الى شفتها على الواقع بتاكد هالحكي. اما انو الشب يكون اصغر من البنت فمهما حاولوا يتظاهرو انو الوضع طبيعي رح يتاثروا بنظرة المجتمع ورح تنعكس سلبيا على حياتهم بالمستقبل


زيد

 

Well, I do agree with you. I think that there should be a maximum limit to the difference in age. and 16 is a lot! the difference between me and my fiance is 4 years, so I guess that's the maximum I can think of.
Sorry for not being able to comment on your past posts, but I was following

 

i agree with noura 100% ,dont compare ur age now , but think of it in the future .

for me i wouldnt mind getting married to a younger though its not common but still i would consider the age difference issue , at last for me 5-7 yrs is the most suitable age for a guy to be older than a girl .

allah yewafe2 el-jamee3 :)

 

Jafra

شايفه بالله, هلأ صحيو بعد ما صارو ولادهم طولهم, ال حقهم !!!!

وجهه نظرك صح 100% لكن ما بننكر ان في اكبر منك ب 10 سنين كمان و بتحسيهم لسا مراهقين...
القصد ان موضوع الوعي و تحمل المسؤوليه بتعتمد عالشخص وطريقه تفكيره ومستوى تفكيره ومش كتير بتعتمد عالعمر...

الكل صار يحكيلي بكره بدللك...بس انا تخيلت ان حياتنا راح تكون بس انا وهو لانه وصل عمر مكتفي بنفسه و بده يستقر, وانا ما بقدر اعيش بعيده عن الناس :$

ان شاء الله وصلت :)

مياسي

زكرتيني بوحده شافتني بالشغل, ال الهم قريب بدو عروس نفس مواصفاتي - يا الله شو بكره هالكلمه - اول شي سألتها عن العمر طلع اصغر مني بسنه, ال والله مش مبين عليكي خلص صغري حالك واحكيله انك اصغر منه و خلص!!! ما قدرت اجاوب غير اني اضحك :)

بالنسبه للموضه, فانا ملاحظه هالشي برضه :$
هاد موضوع في بالي اكتب عنه
ان الشباب بفكرو البنت بتحب تحكم زوجها وما بعرفو ان البنات بكرهو هالشي

ثائر جبر

اوك بت دونت بي لايت ويذ يور كومينت
2enoo la t6awel y3nee :D

 

Naryat

هاي فيها وجهة نظر, معك حق اذا بعرفو بعض منيح العمر ببطل اله تأثير

شكله كلنا بنعاني من نفس الحكي من اللي حوالينا :(

يا الله شو بكره هالموضوع بس شو بدك تعملي بس الاهل مرات ما يتفهمو شو بعني الموضوع الك

اذا هولسا مش انسان ناضج و بتحمل المسؤوليه ومش مسؤوليتك تتحملي هيك شي :)

الله يسلم قلبك يا رب
شفتي ما اشطرني نمت قبل ما تحكيلي كمان :)

Anonymous

I'm with both of u in that :D

Sozan

اذا الموضوع بعتمد على نضوج الطرفين...
همه بالزبط هيك, وكمان شو بحكو ال بدهم يتزوجو من البنات اللي مش متزوجين عنا بالشغل وانا من ضمن القائمه طبعا, مش فاهمين كيف شايفينهم احنا :$

 

Zaid

اهلا اهلا بزيد...زمااان ما علّقت بالمدونه :)

انا بنظري يكون ناضج فكريا اهم بكتير مع ان الماده بهالايام مش اساسيه بس عدم وجودها بأثر على الحياه والسعاده ..للاسف طبعا

انا هاد اللي كنت شايفته ان في فجوه كبيره بكل شي راح يكون باسلوب التفكير و بطريقه الحياه اجمالا

Tha2ir

2ahlan bel3areees :D

4 is good, 4 is very good :P

yalla...we forgive you because we all can't wait till the big day, for sure we are all invited!!! sa7 :D

ĐàŋdŎöŅёH

sa7 I'm with both of u in that

most of the commenter's gave nearly the same age difference 5-7 and I think it's the best

Ameen ya rab

 

يعتي اكيد ما رح اجيب حكي جديد بس ما حبيت اقرا التدوينة وما اعلق
بس الفكرة انو .. الزواج مش خطوة سهلة
يعني بقول انو ما في داعي نهائيا للواحد انو يغامر خاصة لو حاسس انو الوضع مش مناسب
لانو هون الغلطة ممكن يستمر تأثيرها طول العمر
وبس :)

 

شوفي يا ست ويسبر الأهم من العمر و الفارق هو القناعة بالقرار ...القناعة هو وحي السعادة بالوافع حتى لو كنا محتاجين لشيء فهذا ما ببرر انه ناخد قرارات تجعل من مستقبلنا غامض
أحيانا الظروف بتكون فوق ارادتنا في هاي الحالة ممكن الواحد يطخي شوي علشان يمر طبعا في هيك حالة يجب أن المعطيات تكون واضحة بمعني أنه الواحد يختار الأنسب من بين الأسوء
بمعنى "ولا تلقوا بأيديكم الى التهلكة"

بالنسبة للأولاد و الأستقرار هالشي اتركيه على الله و ما تخلطي حاجتك بقناعتك
أختي انسجنت عند اسرائيل سنتين و قلقنا من ناحية الزواج لكن بعمر 28 طلبها واحد عمره 26 و اتزوجها
و مبسوطين

بعدين نصيحة يا ست ويسبر
خلي حملك على الله بطريقة ما و من ناحية تانية ما تخلي الأمور تحدث من حواليك بدون ما تدخلي ممكن يكون الحل لأي مشكلة بإيدك و انت مش منتبه

يا ريت اني كون أفدت
والسلام عليكم

 

نسيت أسأل كيف أنا بالأنجليزي؟؟
فلته مش هبك.....يعني لولا شكلي ما بتعرفوا اني عربي ...
ما شا الله علي

 

نسيت أسأل البنت اللي قاعده على سيل الزرقا اللي في الصورة و معاها لاب توب إلها مدونة؟؟

 

شوفي خلينا نحكي بصراحة البنات و لا بلاش الصبايا بكبروا أسرع من الشباب نتيجة الهرمونات و الخلفة اشي مهم برضو يعني أكثر اللي تتزوجوا بدهم ولاد و لولا الولاد كان في عيل كثير من زمان انتهت و بما أني بدرس طب و عمري 26 سنة وعشان أقدر أتزوج راح يصير عمري بحدود ال32 فمين راح ترضى !!!

بعدين في مشكلة أهم انه الفرق بالعمر راح يأثر بموضوع التفاهم مع الاولاد فلو افترضنا انه واحد عمره 24 سنة تزوج و خلف بعد سنة فإذا ابنه صار بالجامعة فارح يكون عمره 44 سنة غير لونه واحد اتزوج وعمره 33 و دخل ابنه الجامعة و كان عمر أبوه 55 التفاهم راح يكون أصعب بنهم بدل ما يكون الفرق 20 سنة جيلين يعني راح يكون أربع أجيال ، شايفة على المشكلة بس بالأخير بنرجع لمشكلة الفلوس و هي سبب كل المشاكل في حياتنا

 

همسه

لازم تعلقي, انا دائما بسعدني تعليقك :)

انا معك بهالشي, مع انو ممكن يتراجع الشخص عن هالخطوه مش نهايه الحياه يعني, لكن زي ما حكيتي راح يضل تأثيرها طول العمر
نورتيني :)

ثائر جبر

كلاام كبير مقدرش اقول حاجه عنّه
فعلا اهم شي يكون في قناعه و اقتناع, وبعدها كل شي بهون وببطل اساسي

والنعم بالله, انا دائما متوكله على الله و متأكده ان كل شي بحياتنا هو من عند الله وربنا مقررلنا وقت كل شيء و احنا المفروض ما نحمل هم شي

الله يهدّي بالها ويسعدهم يا رب :)

----------------
بالنسبه للانجليزي فانت ابداااااااااااع ..ليش الحكي

و حتى بالصوره يعني لولا انك جبت سيره سيل الزرقا كان حكيت هالشب انجليزي اكيد..

سيل الزرقا!!!!!
الله يسامحك
كل هالرومنطيقيه اللي قاعده فيها هالبنت و بتحكيلي سيل الزرقا....لو حكيت وادي شعيب كان مشيتها بس سيل الزرقا!!!!

 

Anonymous

انا معك بالي بتحكيه
التغير اللي بصير بالصبايا الخارجي والداخلي كتير مهم, و معروف ان البنت بتكبر قبل الشب زي ما بحكو

حسب ما فهمت انك شب, وعمر 32 للشب مش كبير عالزواج, والانسجام راح يكون موجود مع الاولاد لانهم راح يكونو بعمر واصلين لمرحله نضوج عقلي منيح ولكن بضل بدهم كم تجربه بالحياه العمليه بتصقلهم منيح

اهااااا الفلوس
هاد هو الموضوع اللي ما بقل اهميه عن العمر...

اهلا وسهلا فيك ان كانت اول زياره او كانت زياره جديده لمدونتي المتواضعه :)

 

Anonymous

بعرف ان اللي كتبته كلام علمي بحت, لكن :$ سامحني على عدم النشر


"و اهم شي الاطفال و وجود صديق مع الشخص"
وانا معك 100% بهالشي

 

هلق شوفي ... برأيي العمر مش مشكلة نهائيا في حال وجود التفاهم ... اللي رح يوجد السعادة و الاستقرار .... والحب تحصيل حاصل بهالحالة


بالنسبة الك ... وللشخص اللي تقدملك , اذا انتي ما رتحتيله من اول مرة ... انا بوافق رفضك
لكن , ان كنتي شايفة انه مواصفاته 100% وممتاز ... ما عدا العمر ... برأيي لازم توافقي

واهم شرط برأيي ... انه ما يكون سبق وتزوج

++++++++++++++

بنت خالي تقريبا ضلت لسن كبيرة وما رضيت تتزوج ... وبتقدري تقولي فاتها قطار الزواج
من قريب السنتين تزوجت واحد اكبر منها بحدود 15 سنة

وما بتتصوري قديشها مبسوطة وقديشه هني ... عنده حنية مش طبيعية ... ما اظن انها موجودة بشباب هالأيام

بكفي انه هني ومش نكدي

تقبلي مروري ... وآسف للازعاج

 

Ahmad

لا مش متزوج من قبل وهاد اللي خلّى الكل يلومني ...

مواصفاته كانت ممتازه بس زي ما انت حكيت ما ارتحت, وحكولي اني لو قعدت معه اكتر من مره ممكن يتغير هالشعور, بس انا ما رضيت لانه بما اني رافضه ليش اخلي شخص بعمره يضل رايح جاي...

الله يهنّيها و يتمم عليهم السعاده, كتير سمعت قصص زي هيك, لكن انا بأنمن ان الموضوع قسمه ونصيب واللي ربنا كاتبه راح نشوفه

ازعاج؟؟؟؟
بالعكس دائما بتسعدني تعليقاتك :)

 

keefek whisper, ana awal marra baktob hon, bs bi hada il mawdoo3 specifically olt lazim a7ki..
ana 3umri 24 o ma kont batkhayyal inno mumkin afakker bil khotbeh hal 3umur,ana arait fati7ti bil 3eed il zgheer, khateebi 3umro 35 o akhadto 3n 7ub... ili b3rifo min santain o shway min il shoghol kan mudeeri.. ahli kano rafdeen 7awali saneh o nos mshan il 3umur o inno mutalliq o 3indo walad zgheer 3ayesh 3ind marto il qadeemeh... 3umri ma 7assait inno fee fare2 3umur bainatna, o sara7a ba7ib at3amal ma3 wa7ad akbar bi 7-8 years o tali3 mshan shabab hal ayyam (m3 i7tirami il shadeed) 3a2ilhom zgheer o mu jadiyyeen... hada ma byi3ni inno ana wiyya ma mnitsalla sawa. mnitla3, mnrikab bicycles, mnil3ab playstation (hehe), mnirkod, ka2inno s7ab 3omor... o ahli kan mistas3ibeen inno 35 bs lamma shafoo ra7 hada il 7ajez... fa hiyyeh btinbana 3al shakhsiyyeh...
zaman kan mumkin a2ollik inno 10 sneen kteer bs hala2 ba2ool la kol 7ada yi3ti forsa yi3raf il shakhs ili odddamo mshan fe nas bil 30 shiklhom 3ajayez o nas tanyeh kolhom shabab...
hada ra2yi... o very nice blog :D

 

Tamara

2walan welcome to my blog w nawatene be ur comment :D
thanyan 2alf mabrook 3al5o6beh w 3o2bal elfar7a elkbeereh

fe sha3'leh kteer mohemmeh
halla2 24 w 35 kteer 3'ear 3an 30 w 41 w kteer 3'ear 3an 35 w 46 , 2asdee m3 2enhom still 11 saneh laken m3 elwa2et beser elfare2

halla2 mawdoo3 2ennek t3rafeh men 2abel kteer behawen el sha3'leh

w ana 7akeet la baba 2eno law ana 20 w ho 36 w kberna m3 ba3ad kteer bekon elwade3 3'ear, bs lamma ho ykoon kbeer w ana kbeereh ma bezbo6 elwade3 :$

w ana ma b3ammem 2akeed

ana m3ek 2enno fe halla2 nas bel 30's w 3a2elhom zay 16 saneh la befhamo wala nadjeen wala bet7amalo mas2olyeh

allah yhanekom w yoktobelkom kull el5ear ya rab :D

btw zakartene be old friend 2esemha Tamara allah ysahel 3aleha fag2a 2e5tafat :(

thanks Tamara :D

 

Allah Ybarek feeki, o 3o2balik nshAlla.. mazboot kalamek, il 3umur bifre2, o iza 3rifti il shakhs abel ma yit2addamlk ghair 3n lamma ykoon taqleedi, mshan lamma ti3rafi il shab bti2dari to7komi iza far2 il 3omor 7ajez aw la2....
nshalla tla2i il shab illi biray7ik o t3eeshi m3o a7la ayyam 7aytik... o btw ana min wa2t ma katabt il comment la hala2 ba2ra bil posts ta3oonik, 7abbait taree2et sardek lal mawaqef illi bitseer ma3ek... ;)... fa tool ma inti btnazli posts nshalla ma bakhtafi zay Tamara il tanyeh hehe..

 

Tamara

Ahaa w ana ba2ool leash el blog mnawer kteer elayleh, 2ataree Tamara mnawretnee :D

thanks ya amar, 5alas halla2 kul youm beddy 2aktob post gdeed 3alashan tes3edene be t3le2ek :D

 

بعتقد انه بعتمد على طبيعة الانسان و شخصيته .. الشب و الفتاة أكيد

و كمان بعتمد على العمر اللي بتزوج فيه الشب أو البنت و طبعا ضمن حدود معينة

ما تنسي انه عمر الزواج ارتفع بشكل كبير لكلا الجنسين

 

امجد

صح, فرق العمر لمّا يكونو الطرفين كبار كتي بكون غير و مؤثر اكتر

ممكن الوضع الاقتصادي الو تأثر كبير على موضوع ارتفاع عمر الزواج

 

ana men ra2ye el sha5se el zalameh yofaddal ykon akbar.. be 8 sneen maximum...
bs ana 3azef... 3n elzawaj :P
bokra betla2oni tzawajt.. bs 3azef! :S

 

Ahmad Merie

I think more than 8 years beseer fe gap benhom fe el2afkar wel2ehtememat

2ana ba2ool 2eza mosser te3zef faaaa 2eshtaree Guitar w tzawaj :D