Things I Like To Whisper About

Would You Hear Me Whispering

الحمد لله الذي عافانا....

راكبه سيارتها الجديده و بتحكي مع صاحبتها عالموبايل, بدهم يتفقو باي مطعم يتلاقو علشان يتغدو سوا
الهم فتره بخططو ومش زابطه معهم, مشغولين من الشغل للنادي للصالون وبالليل الا ما يكون عندهم سهره, هالمره بما ان النادي مسكر علشان التصليحات لقو فرصه يتغدو مع بعض, وقفت عالاشاره , سكرت الموبايل بعد ما اتفقو على مطعم كتير اكله طيب, و هي واقفه بتشوف شب ماشي بعكازتين و بعرج, بتحكي في بالها....الحمد لله الذي عافانا مما ابتلى فيه غيرنا

"
يلااا شوي و بخلص الربع الساعه اللي حددلي اياها الدكتور اقطعها علشان الين المفاصل"
هيك كان بقنع حاله وهو متألم , قبل كم من شهر عمل حادث بالسياره ,انصاب عموده الفقري و تكسرو رجليه, الدكاتره حكوله بعد مرور فتره من العمليات و التجبير وزراعه المفاصل ,لازم تداوم عالعلاج الطبيعي ولازم تلين المفصل لانه ممكن مع عدم الحركه يتكلس و ما تقدر تتحرك وهو ماشي لمح زلمه كبير بالعمر ماشي و حاطط السيجاره بتمه و حاطط ايديه ورا ظهره و واضح انه بفكر او مهموم , حكا بباله.....الحمد لله الذي عافانا مما ابتلى فيه غيرنا


"الله يرحمك يا امنه ما عشتي لتشوفي بنت ابنك امنه اللي سماها عاسمك, زي القمر الكل بحكي انها بتشبهك"
هيك كان يحكي لحاله الزلمه الكبير و هو ماشي باتجاه المستشفى بعد ما اتصل فيه ابنه وخبره بوصول اول حفيده اله على الدنيا
ما عرف شو يعمل, سكر الخط وطلع يوقف تكسي, بعدين انتبه انه بالبيجاما رجع عالبيت, غير اواعيه و لبس الكندره, و طلع يدور عتكسي يوديه عالمستشفى, و بعد مدّه من علوقه بالازمه قرر يكمل باقي الطريق مشي, وتزكر المرحومه ام محمد كانت تحب المشي بهيك جو, وهو ماشي شاف ولد صغير ببيع فاين عالاشاره, الولد مبهدل و بنتقل من سياره لسياره و الكل بسكر الشباك بوجهه , حكا بباله...الحمد لله الذي عافانا مما ابتلى فيه غيرنا

"ايه هاي شكلها محرزه خليني اروح اقززها بركي اشترت مني كم من بكيت فاين"
وراح للبنت اللي بالسياره, لقاها معليه صوت المسجل عالاخر و بتحكي بالتلفون, سمعها شو بتحكي لللي معها عالتلفون, وفهم انها بدها تروح تتغدى بالمطعم, ضلو يلف و يدور يلف ويدور "ويا اشتري مني.....الله يخليلك حبايبك.... الله يوصلك لاهلك بالسلامه....منشان الله اشتري مني.....والله لسا ما استفتحت, طب التنين بنص, احكيلك ال 3 ب 75 وانا الخسران"
اتطلعت عليه وصرخت عليه وبهدلته لانه وسخ السياره و سألته عن اهله وينهم عنه ما يضبوه من الشوارع,و حلفت لتبلغ قريبها المسؤول بالامن عنه وعن صحابه المنتشرين بالمنطقه, فتحت الاشاره و مشيت السياره, وقف عالرصيف و اتفرج عالسياره من ورا و ضحك و حكا بباله .....الحمد لله الذي عافانا مما ابتلى فيه غيرنا

24 التعليقات :

همسة عن جد رائعة, بس توقعت النهاية شي تاني, بس فعلا الحمدلله الذي عافانا مما ابتلى فيه غيرنا

 

عن جد ... الحمدلله الذي عافانا

 

Ahmad Hamdan
جد اسعدتني بان المحاوله عجبتك
بعرف ان في شويه او كتير ركاكه طبيعيه باول محاوله :')

النهايه ماكانت واضحه عندي :$
ما حبيت اتركها مفتوحه وبنفس الوقت ما عرفت انهيها منيح

اذا في نهايه في بالك ابعتلي اياها وبضيفها :)
شكرا جزيلا عالدعم

 

Ahmad Al Mahrouq
دائما وابدا الحمد لله
ما حكيتلي
شو رأيك بهالشخبطات الويسبريه :')
عادي خود راحتك لسا اول محاوله :)

 

ولك شو هـاد؟؟

كتير حلوه جد حبيتها:)

روعه
من وين لك هالمواهب آه؟

 

ضحكتيني بس كانت ضحكه ختفيه الم وراها انه احنا ناس بطلنا نحس وصرنا نحكي لكل شي الحمدلله اللي عافانا من اللي ابتلى هذا بدل من ساعد وصلح من حال المبتلي

 

في الحقيقة رائعه و انا لا أتفق ان النهاية غير مناسبة بل بالعكس الطفل قال الحمد لله الذي عافانا لأنها"البنت" هي مبتلية بعقلها و بطريقة تفكيرها
النهاية مقنعة و بليغة و البنت تستحق أن تكون بهذه المنزلة العقلية الرديئة لأنها خافت على سيارتها من طفل يبحث عن قروش ليسد رمق أمه أو اخوته أو ليدخن أبوه بما يكسب
لأعطيكي معلومة على هامش نقدي القطعة الأدبية هي مثل المخلوق الطبيعي لا يمكن الأضافة عليه أو تغير جزء أو استبداله يمكن تجميله بما يشبه الميك أب أو التشخيص ببعض التعديلات الطفيفة على النص أما الفكرة فهي مكتملة خلقيا و ممتلئة جمالا
أحييكي على هذا الإثراء في الحقيقة هذا سكيتش رائع لو كنت مخرج لصنعت منه حلقة جميلة

 

مياسي

جد ...ياااااااااااي :")
والله هي محاولات و كتير ترددت احطها بالمدونه :$
شكرا يا قمر

سوزان

بالزبط, بنفكر حالنا بنحس بغيرنا وعند المواقف الحقيقيه في ناس بطلعو ما بحسو بالمره :$
وبكتفو بالحكي بس

ثائر جبر

انا هاد كان قصدي, بس حسيت بشويه ركاكه بالنهايه :$ او كنت بتمنى تكون اقوى
مش عارفه

كلامك كتير حلوه بتفسير النقد :)

شكرا شكرا ثائر
الله يسعدك يا رب
رفعت من معنوياتي :)

 

وصلك صوت التصفيق
هاي انا :)
عن جد حلوة
تيجي نالف كم كتاب :))))

تحية

 

الحمد لله الذي عافانا مما ابتلى فيه غيرنا

 

Jafra

::blushing::

جد احرجتيني...هيك بكبر راسي

انا وانت!!!
وين كتاباتك الرائعه و وين محاولاتي المبتدأه
الله يسعدو رافع المعنويات يا رب :)

SimSim

امين يا رب العالمين :)

 

Amazing Post
I liked very much
everyone have a problem, Thanks Allah for everything

 

سراج الماضي

Thanks for the nice compliment :')
Always al7amdolellah for every thing

Welcome to my blog :D

I liked your nick name

 

مغزى جميل وتسلسل رائع للقصه

 

Jaraad

شكرا شكرا
جدا سعيده انها اعجبتك :)
اهلا وسهلا فيك بمدونتي المتواضعه :)

 

عودة للكتابة بالعربي
مدونة جميلة وتعبر عن الكثير من التناقضات بين الناس
لو كل شخص فينا رضي بحاله كان كل الناس ارتاحت
وعلى فكرة هذه الجملة
"اللهم عافنا مما أبتليت به عبدك هذا"
لها وزنها عند الله سبحانه وتعالى
فكلنا مبتلى ولكن
اللي بيشوف مصيبة غيره بتهون عليه مصيبته وبيعرف قديش هو عايش بنعمة

 

سراج الماضي


المشكله ان في ناس بحكوها بدون ما يعرفو معناها بالزبط, و بتصير عاده بدون احساس حقيقي بالكلمه

اللي ربنا بحبه ببتليه بالدنيا
فالحمد لله على كل حال

اهلا وسهلا مره تانيه :)

 

لا والله حلوة كتير ويسبر

والحمدلله الذي عافانا

 

ana hl2 2reet al-story 4 times bs ma fhmet mnha shi =S =S

 

Ahmad Al Mahrouq

:) شكرا شكرا احمد
امين يا رب

Jehaaaaaaan

yeeeee ....leaaaaaash ???? :"(

elfekra 2enno elnas sarat t7kee halgomleh w hommeh mesh 7asenha
w 2eno elly beshoof msebet elnas bet-hoon 3aleh msebto
w 2eno mesh dayman elmazaher el5argeh betdel 3ala elwaqe3 :D

yalla read it again w 2e7kelee ra2yek :)

 

haaaaaaaaaay 3njad 7lweh kteeeer 3jbtni bt32d ,, f3lan ani habla keef ma fhmtha ma abl !!?? =S =S
wallh ank 5a6eera ;) ,, yla bnstna story tania a7la mn hay ,, =)

 

Jehan

2aywa heak :D
thanks ya amar :)

 

al 7mdella 3la kel shi :)
be3a2ed el mawdoo3 Whisper :]

 

Jumana

da2eman w 2abadan al7amdolellah :)

Thanks ya amar, allah yogbor be5a6rek ya rab :D