Things I Like To Whisper About

Would You Hear Me Whispering

مطارنا العزيز....



اليوم اخوي تسهّل على العين, وكعادتنا العيله بالليله بنروح عالمطار, طريق المطار ما بدي احكي عنه لاني حكيت اكتر من مره بهالموضوع و لكن للاسف ما في اشي بتغير على مر السنين, الاشي الوحيد اللي متغير هو ان افي جزء صغير من طريق المطار وانت باتجاه السابع مزفّت, نعم واخيرا زفتو الشارع اللي لو مشيت عالمسرب اليمين او الشمال السياره بتاكل هوا, اي نعم جزء بسيط من الشارع مش كل الشارع بس يلا ولا البلاش, ما بتعرفو مين سكن جديد بهالشارع و اضطرو يزبطولو قدام بيته, او يمكن جد بدايه التزبيطات بطريق المطار, مع انهم بدو من الوسط...


وبرضه من عاده العيله انّا نستنى بالمطار لحد ما نتأكد ان امور اللي بدو يسافر كلها تمام و يطلع عالدرج المتحرك ويحكيلنا باي من فوق, والحمد لله ولا مره حد احتاج اشي الا المره الوحيده اللي اخوي سافر فيها عالفجرو و اصر ان ما حد يوصله عالمطار غير اخوي الصغير, واللي وصّله و روّح و وهو بنص الطريق اتصل فيه اخوي اللي بدو يسافر " ارجع طلع معي وزن زياده و مش حامل فلوس اردني و الصرّاف اللي بالمطار ابصر وين رايح ومش موجود :$ "

و احنا قاعدين بنستنى و انظارنا كلها عنهايه الدرج المتحرك اللي يا دوب مبين علشان نحكي لاخوي اخر باي لتوديعه مع انّا متفقين معه انه يرن علينا بس يخلّص كل اموره ,كان قاعد جنبنا زلمه كبير بالعمر ماسك السيجاره بايده و مخبيها زي اولاد المدارس اللي بهربو عالفرصه من المدرسه وبوقفو يدخنو , المهم نرجع للعمو اللي قاعد بدخن و ولا حد من الامن منتبهله وهو مطنش اشاره ممنوع التدخين اللي مليه المطار, العمو خلص السيجاره و رماها بسله الزباله و مشي , شوي الا الدخنه معبيه المكان, طلع مش طافيها منيح و اللي بنظفو حاطين كيس نايلون جوا السله و هب الكيس, الكل هجم و مسكوها وكبو عليها قنينه مي و مسكوها وطلعوها برّه القاعه

كانت معنا بالمطار مره اخوي وبنته فرووحه اللي بدهم يلحقو اخوي بعد 3 اسابيع, فرووحه احتاجت ان مامتها تغيرلها البامبرز, لفلفنا المطار ان نلاقي تواليت واحد فيه مكان لغيار البيبي ابدا....معقول مش مجهزين المطار بهيك اشي مهم؟؟؟ جد استغربت يعني المفروض في اشياء ستاندرد تكون موجوده بهيك موقع لانه اكيد الناس راح يحتاجوها, ولما سألنا اللي مسؤوله عن التواليت ونظافته بتأشرلنا على مكان كأنه متوضأ و رابطين كيس عالحنفيه و ال المفروض هاد مكان غيار البيبي!!!!!

رجعنا لعند اهلي ما لقينا بابا معهم, بسأل اخوي عنه بأشرلي الا بابا واقف مع العمو اللي حكيت عنّه فوق, طلع الاخ منتقل لمكان تاني و بادي يدخن واللي كانو قاعدين جنبه اجو قعدو جنب اهلي و بشكو منه ومن دخانه, بابا كالعاده بهيك مواقف ما بسكت لانه بعتبر السكوت سلبيه, راح و ابصر شو حكاله - لانه لما سألناه شو حكيتله بحكيلنا فهمته غلطه وما رضي يحكي التفاصيل - بس واضح ان بابا بحكي بانفعال والزلمه مش عارف شو يرد, المهم كان بدو يطفي السيجاره زي اول مرّه بس بابا حكاله اشي و طلع بره طفاها.

يعني مش عارفه ايمتا بدها الناس تستوعب ان القانون قانون وانه ما انحط بس علشان يحدّ من حريتك - بعرف ان في قوانين محطوطه بس علشان تخنقنا يلااا مشولي اياها هالمره :)

25 التعليقات :

والله أبوك روعة :).. يعني مش عملة يرمي السيجارة بدون ما يطفيها..وماداموا كثير هاموا الدخان ومش قادر يصبر ما يطلع يدخن برة حتى يشبع وبعدين يرجع يقعد ويستنى اللي بستناهم

 

يعني هلا يا ويسبر المدخنين هم اللي خانقين البشر
يا ستي اذا وقفت عليهم كويس
تعي احكيلي من وين بدو يجيب النبات
co2
لياكل ؟
لعلمك التدخين الو فوائد ههه بس اللي خانق المطار و الشعب شي تاني :)
على فكرة عادة انو نستنى لحد ما المسافر يعمل باي من على الدرج طلعت شائعة كنت مفكرتها حكر على عيليتنا بس :)

 

يعني اجيتي ع الوجع والله, موضوعك ببالي من فترة, بس انا ازا بدي اكتب بدي اخبص صح, لانه مقهور بشكل مش طبيعي, ع كل حال, موضوعك ح يكمل موضوعي, انا عم بطبخ بموضوع بدي انزلة بكرة عشان افش غلي معاكي

فعلا اشي ببكي, ع امل انه المطار الجديد يكون احسن مش زي العروس الي لابسة بوط رياضة, يا مين شايف مطار مكلف ملايين وكله اغلاط

موضوع التدخين, هاي مشكلة بشعبنا احنا, انه ما بنحترم القانون ولا بنحط اعتبار لاي حد, واكيد لانه زلمة كبير الكل بستحي يقلة استحي ع دمك ولا تدخن جوا المطار, ولو حد حكالة بتروح بالمخاجلة منشان الله يا عمو لا تدخن ومش عارف شو

موضوعك اثارني جدا
مشكورة كتيرن كتيرن :)

 

Dreamy Villager

بابا بجنن :)
شفتي بالله عليكي...وكل هاد و اشاره ممنوع التدخين قد البلد قدامه
الله يهديه شو بدنا نحكي

Jafra

هههه على رأيك :)

من تنفيخنا و تفششنا و غليان دماغنا بياخد النبات كل اشي :$

لااا انتو كمان!!!
انا كنت مفكره ان احنا بس اللي بنعمل هيك :)

ASKdenia


اهلن اهلن بعريسنا عامر :)

للاسف مش متفائله كتير بالمطار الجديد :(


يلا لا تطول علينا بالموضوع
انت طريقه كتابتك بتكون اكثر دقه وتوضيح
و بتوصل لناس اكتر :)

 

المطار وضعه كله غلط ، يعني في الدول الثانية في المطارات بكون في زجاج بطل على المكان اللي بستنى فيه الركاب قبل الدخول إلى الطائرةو الكل بشوف بعضه بدون مشاكل بس عنا الله أعلم

 

Anonymous

هاد اشي تاني بقهرني
ليش بعملو الموضوع كأنه منفى وكأنا اذا شفنا واطمنا على اللي بدو يسافر اشي كتير خطير :$

دائما اهلا وسهلا :)

 

I'm sorry whisper, but I didn't pay too much attention to the post, what caught my attention was the photo of the little kid smoking. How old is the kid, 5, 6? OMG......what is happening to this world?

 
أزال أحد مشرفي المدونة هذا التعليق.
 
أزال أحد مشرفي المدونة هذا التعليق.
 

yemenia68

When I searched for the picture I found a lot of smoking kids pictures even younger than this one :$

 

الدكتور بيدخن تحت لافتة ممنوع التدخين في المستشفى
ورجل الأمن بيدخن تحت لافتة ممنوع التدخين في المطار أو اي مكان مغلق بحكم انه اصلا فوق اي قانون
الطالب بيدخن في الحرم الجامعي حتى في اي مكان ممنوع التدخين فيه
والطالبة كانت تدخن زمان في الحمام
وهلا الحرية المزيفة سمحتلها تدخنها قدام كل العالم بحجة انه شيء فري و كلاس
الحجة تدخن فوق رأس الطفل الصغير بحجة انها جدته وتعرف مصلحته وكذلك الجد
من كل ثلاثة اردنين الآن تجد اربعة مدخنين بينهم
ومن لم يحصل على شرف التدخين المباشر فهو حتما مدخن سلبي مع كل ما يحتويه الهواء من سموم

التدخين شيء اصيل في مجتمعنا للأسف
بنفس أصالة حب تخطي القانون وكسره لأن هذا يعتبر شطارة على رايهم و فهلوة
يرى الطفل من نعومة اظافره والده يتخطى النظام يوميا

الله يعينا جميعا
ويصلح حال الأمة المنتهية

 

سراج الماضي

معك حق, مشكلتنا الرئيسيه ان اللي المفروض يكون قدوه بموقعه للناس هو اول واحد بخالف القانون وبخالف الاشياء اللي المفروض ينادي فيها ....

زي الاب اللي بعطي ابنه محاضره عن مخاطر التدخين و هو بايده سيجاره
او اللي بعاقب ابنه بس يكزب و بس يطلبه حد عالتلفون بخلي ابنه يكزب و يحكي بابا مش هون...

امين يا رب العالمين
---------------
لا تطول علينا بافتتاح مدونتك :)

 

looolz bal-nsbeh ll-td5een zkrtini b-my 29a sart b-Jordan ,, kna rai7in njeeb my cuzn mn Egypt cuz hwa bdrs 6b henak w a7na henak my cuzn al-tani sh3'l al-cigarette w bda yd5n jnb al-lafteh tb3t mmno3 al-td5een ,, la w t9wer jnbha kaman =S =S ,, yomha ahrni kteeer w al-zn5 w2f jnbi w nf5 bwjhi w ana 3ndy t7ss mn al-d5an a3dt 2 weeks ma a7ki m3ah,, bs bal-nsbeh lamawdoo3 al-pampers la t3lee8 =S =S

 

Jehan

ya allah sho bte2hrnee hal7arakaaat,y3ne mesh bs be5alef elqawaneen kaman betfash5ar bhalshee

me too ana kaman 3ende ta7assos men el do5an :$ dmoo3 w t36ees w waga3 ras damaaaar :(

 

yaaa ,, ana bjiblk 899 mn w7l al-wa83 b2ked al-kalam aly 2lty X-)
aslan my cuzn had kteer 7lw l2no blond w 3yono hazel w zki w bjnn bs kteeer shaif 7alo
BTW: 76 hay al-photo al-profile pic tb3to bal-FB =S =S
ya w wj3 al-ras mo 6bi3i bt7si 7alk bdk tf23i

 

yaaa ,, ana bjiblk 899 mn w7l al-wa83 b2ked al-kalam aly 2lty X-)
aslan my cuzn had kteer 7lw l2no blond w 3yono hazel w zki w bjnn bs kteeer shaif 7alo
BTW: 76 hay al-photo al-profile pic tb3to bal-FB =S =S
ya w wj3 al-ras mo 6bi3i bt7si 7alk bdk tf23i

 

Blond !!
He is not my type at allll :S

allah yehdee elnas w tba6el tad5een w 2awalhom 2e5wanee :(

 

istmt3t kteer w ana 3m b2ra :)
7aset 7ali 3m b7ki m3 rfe2ti 3al cellphone w 3m t2li..

t3asi eza 3njd ma fi changing table!!!! yalla medo 3al ard w '3ayroo ;P looool. hay mwjodi hon fi kel mkan :) wallahi funny amten bdna net2adam b ishya baseta w ramzeeh mtl diaper changing station wl street signs el 3adeeh,w special parking spots lel 7awamel :S fi hek she b amman???? 3ala hawa 7akeek ma zanet :D
tla2i el 7amel btkoun wa2fi sa3a ma fi 7ad radi ymr2ha.. had iza ma shafata w tayara :D :D

3njd Sooooo Funny :) bs mndal n7b bladna law shu ma kan :P Allah yhdehoun :D

 

Jumana

Really ::hug:: ::hug::

bsara7a 2ensadamet bs ma l2ena diaper changing table, y3nee mesh 2eshe 5a6eeer bsara7a law 7a6olhom w7deh :$

2akeeed , 2e7na bne7kee men 2aherna men el3alam 2elly bet5areb belbalad la2enna bedna 2yah ykoon 2a7la w 27san shee feldenya :D

 

حبيبتي ويسبر احكي عني مجنونة او
ناقصة عقل .. أنا حبيتك من قلبي
اذا عالمطار انسي موضوعه المرة قبل الاخيرة كانت اللي بتنظف الحمامت مسكينة بتعبي سطل و بتدلقة في الحمامات لانه السيفون ما بشتغل .. اسفة جدا عالمصطلحات .. و بتحكيلي طاولة تغيير حفاظات .. هدا لسه اختراع ما وصل
.. على فكرة بهنيك عالمدونه بتطير العقل .. بهنيك عماستك و استغلالك لحرية التعبير قبل ما تتجوزي و تصيري تخاف تكتبي الكلمة او تحكيها حتى مع حالك .. استمتعي بحياتك حبيبتي والله يخليلك ابوكي صحيح .. زكرتيني في بابا :)

 

Anonymous

الله يسعدك يا رب جد رفعتي من معنوياتي... بس ليش ناقصه عقل!!!
:) بعيد عنك يا قمر

ييييييييي كمان ابسط اشي المفروض يتواجد بالحمام الطبيعي مش موجود:$

شكرا شكرا
لكن ليش بتعتقدي اني راح افقد حرّيه التعبير اذا ربنا كاتبلي اتزوج؟؟؟؟

المفروض في اشياء اساسيه في البنت ما تتغير بعد الزواج و حريه التعبير منهم...هيك المفروض :(

تسلمي يا رب و يخليلك عمو وكل اللي بتحبيهم :)


يا ريت تكتبيلي اسمك او عالقليله اي اسم علشان اعرف ان انت اللي علّقتي :)

 

أوكي حبيبتي اسمي هديل
اردنية من يافا :) و اتزوجت قبل 6 سنين و طلعت عالسعودية و تحديدا الرياض .. كنت زهقانه كتير لما شفت مدونتك حسيت الله بعتلي حدا لاحكي معو .. اشتغلت سنتين بعمان .. بس هون الامور اصعب .. محدودية الحركة و الشغل و الغلا بخلي الاشياء اصعب خاصة للبنات اللي عندهم طموح .. مشان هيك انت زكرتيني بحالي .. البنت الطموحة و الي بتحب الحركة صعب تعيش في مكان بخلي المرأء شي مهمش تماما .. و بالنسبة للزواج نصيحة تأني كويس و اتاكدي انه اللي بتاخديه فاهم طموحك و تقديرك لحريتك و بقدر يعرف اديش انت بتحترمي عقلك و طاقتك
سلام :)

 

اهلا وسهلا فيكي هديل :)

عرفت ليش بتحبيني...لانه شكلنا قرايب :)

انا اردنيه والاصل من يافا كمان :)

السعوديهالمشكله فيها ان الحياه الاجتماعيه تقريبا معدونه خصوصا للمغتربين
الله يعينك و يهونها عليكي

معك حق كتير صعب يكون اللي بدك تكملي معه حياتك مش فاهمك ولا عارف شو اللي ببسطك بحياتك

الله يوفق الجميع وكتير سعيده بتعليقاتك ودائما بتنوريني :)

 

laaaaaaaaaaa
bas hassa waaaaaaaaaaain

t3'ayyarit l 2omoor

:eiiiiiiiiiiiih:

ta7iyyeah gawiyyeah la l walid

3ajabny Wallah

:)

 

اه هسا كتير احسن خصوصي بس ترفع شنطتك مترين لتعمللها سكاننج :$ ما بتوصل الجوازات الا انت مش قادر توقف و كتافك مهدودين :$

اعظم تحيه للبابا
اسكت نفسي اصور و اسمع كم كلمه بالعظم للي بدخنو بالمولات هون
جد المول كله دخان و اشارات ممنوع التدخين معلقه فوق روسهم ولا كانه في شي :$