Things I Like To Whisper About

Would You Hear Me Whispering

احلى عيد بحياتي :)

من اول العيد وانا مبسوطه ومش عارفه ليش, من زمان فقدت المعنى الحقيقي للعيد وصار العيد بالنسبه الي واجبات وزيارات و تضييف و التزام و مجاملات...

العيد هاد غير, انا عزيت الموضوع للطقس, الطقس بنقدر نحكي ربيعي اكتر منه خريفي, يعني الشمس طالعه و الدنيا بترشرش و نسمه هوا عليله معبيه الدنيا :)

لكن ولله الحمد في احداث كتيره صارت هالعيد خلته من احلى الاعياد اللي مرت علي من فتره, ومع ان مزاجي ما كان مزبوط عالاخر اله فتره, لكن اليوم كتير انعدل و لله الحمد :)

بتعرفو بخطبه صلاه العيد دائما وابدا بحكو عن صله الرحم و عن زياره الناس لبعضها وعن عقوبه قاطع الارحام .
خالي وخالتي الهم مقاطعين بعض 17 سنه!!! وطبعا على اشي مش محرز لدرجه ان ما حد متزكر شو السبب الاساسي لهالمقاطعه, خالي حج يمكن 5 مرات و رجل ملتزم دينيا و اجتماعيا وبكل شي , حتى انه هو اللي بصحي امام المسجد على بعض الصلوات لانه من اللي بروحو عالمسجد قبل النداء, وخالتي برضه حجه كبيره و ملتزمه , التنين من المثقفين والمتعلمين بالرغم من كبر عمرهم, المختصر انهم مش جاهلين و بعرفو معنى مقاطعتهم لبعض منيح و بعرفو عواقبها وخصوصا الدينيه.

كل اللي بالعيله حاول يصلح ولكن للاسف بدون فائده, و اكتر من مره توصل انه بدها تصير مقاطعات تانيه بالعيله من موضوع الاصلاح, و قبل 10 سنين تقريبا اقتنعت خالتي و راحت تصالح خالي و مع المعاتبات و تدخل شخص معين باضافه كم من كلمه خربت الموضوع وزادت الطين بله - الله يسامحه بس لو انه ما اتدخل - المهم امبارح كنا قاعدين بالبيت فجأه رن التلفون, انا رديت طلع ابن خالي ,حكى مع ماما و حكالها ان في ضيف عزيز جاي يزورنا و بابا بدو كل خواته يجتمعو عنده, كلنا بنفس الوقت حكينا اسم خالتي اللي مقاطعها, بحكيلنا اه هيها عنا و بابا بدو الكل يجتمع عنا, خالي ساكن قريب علينا و كانت عنا بنت خالتي وزوجها جايين يعيدو علينا فورا قمنا و بخمس دقايق كنا هناك, ياااااااااااااااااااااااااا الله شو انبسطت :)
والله في اشي بوجه خالي متغير, كأنه منور , ضحكه على وجهه اول مره بشوفها , الحمد لله يا رب والله كنت خايفه يصير لحد منهم اشي لا سمح الله وهمه مش متصالحين, الموضوع باختصار ان ابن خالي الله يجزيه كل الخير - اللي للاسف قبل بيوم كنا نحكي عليه وعلى تصرفاته اللي مش راكزه , يا رب سامحنا :$ - ابن خالي اله من اول رمضان شغال زن ونق على الطرفين و بقرب وجهات النظر ومش حاكي لحد بالعيله وهاد الصح , هو اللي جمعهم :)

يا رب اي تنين اخوان , خوات, صحاب اي تنين بالدنيا في بينهم مقاطعه او مشكله الله يصلح الامور بينهم و يهدي بالهم يا رب.

الاشي التاني اللي خلى العيد احلى , ان بالجمعه الكبيره واحنا عند خالي اجت وحده من بنات خالتي متحجبه :) يا الله شو انبسطت انصدمت لاني ما كنت احس ان الحجاب ببالها و فرحت من قلبي والله, وما شاء الله بجنن عليها الحجاب, وبسألها ان شو رأي زوجها بتحكيلي انه هو اللي شجعها, استغربت بصراحه لان زوجها ما بحسه ملتزم دينيا و خصوصا انه ما بصلي, وانا كتير كتير كتير بنقهر بس اشوف شب او بنت وخصوصا اللي اخلاقهم عاليه و بتحسهم نظاف من جوا وما يكونو ملتزمين بالصلاه, انا ما بحكم على حد بس بفكر وبحكي ان امر الصلاه واضح تماما بالقرأن فليش ما بلتزمو , وبعرف انه مش نوع من الكفر لانهم بكونو بعرفو ان الصلاه واجبه بس نوع من الكسل, المهم الخبر الثالث اللي خلاني ما امسك حالي و ابكي من الفرحه ان زوجها من اول رمضان وهو ملتزم بالصلاه :)

الله يتقبل منا جميعا و يهدينا جميعا لكل خير ربنا بحب انا نمشي فيه واليه, و يبعدنا عن اي شي بكرهنا نعمله او بكره يلاقينا فيه :)

15 التعليقات :

والله نيالك يا عم أنا العيد متله متل أي يوم تاني للاسف:(

 

الله يخلي كل ايامك فرحه متل فرحة هالعيد تعرفي ويسبر العيد بلا اهل ما اله طعم الله يخليلك اهلك يا رب ويحميهم

 

عن جد شي حلو
اغلب الخلافات بالعائلات بتصير على اشي تافه مو عارفة ليش
و يا ستي الله يجعل كل ايامك سعيدة زي هادا العيد و احلى :)

 

ان شاء الله يكون مودك دايما منيح وحلو
وتستمتعي بالعيد
عفكرة احسن اشي هي الشغلات الي تصير ز مفاجاءت مفرحه بتحلي العيد وبتعطيه طعمو
استمتعي

 

Ya man... 2ash3arti badani behad el post :-)
Allah yes3edkom jamee3an ya Rab o ywaffe2 o ma yfarre2 abadan...
Allah yfarre7 koooooool bani 2adam belli be7ebbo ya Rab :-)
Walek walla post befarre7 lool
m3 enni ma b3raf 7ada fehom bs jad enbasa6telkom kolkom :-D

 

ana kman 5aly w 5alty mtza3lin alhom 12 sneh ansha2allh yt9al7o ya rb
anty had al-3id 3ndk 7lw ana 3ndy b5zy =) yla ahm shi anbsti
bs lma 7kiti 3n al-bnt al-m7jbeh 7sitk ank bt7ki 3ni l2no ana kl al-nas an9dmo w azbhlo lma shafoni t7jbt xD ma b3rf lesh ??
yla anshallh kl ayamk 5eer w s3adeh w Happy B-day to me

 

ميسم

العيد هاد اللي غير, لكن باقي الاعياد متلها متل اي يوم ومرات اسوء بتكون :$

سوزان

امين يا رب و ايامك يا قمر
الله يخليكي و يخليلك اهلك وكل حبايبك
و يجمعكم عن قريب يا رب :)

Jafra


كتيييييير حلو الحمد لله :)
امين يا رب وايامك يا قمر :)

الله يهدي بال الجميع

 

قط البكتريا

امين يا رب ...شكرا :)
وانت كمان
ان شاء الله دايما ايامنا كلنا مفاجأت حلوه :)

Naryat

ho ana bakeet men 2aleeel...masha3er mo56ala6ah kanet :D

Ameen ya rab, kulayatna inshallah :D
LOOOL ma ana b7kelek 2a7la 3eeeeeeeeeeed :)
Thanks ya amar :D

Jehan

2awal shee

Happy birthday to youuuuuuuuuu

Happy birthday to youuuuuuuuuu

Happy birthday Happy birthday

Happy birthday to youuuuuuuuuu

3o2bal el 100 saneh ya rab :D


allah yhaddy balhom ya rab w yetsala7oo :(
why be5ze el3eed ya amar, its ur birthday ma beseeer bedha party elshaghleh :D

The same happened to me lamma t7ajabet LOOOL el7amdolellah :D

 

ya allah shu albek tayeb. 7abetek aktr hala2 ana :)

inchallah ayamkoun kolha sa3adeh w fara7 ya rab. w allah y3teki 3ala ad nytek :) :) 7ababeh kteer enti wallah :)


bs shu bnesba lel Happy Birthday?? amteen 3edek lei??

 

loooolz merci hun bs sotk kteer 7lw sara7a XD
al-3eed b5zy l2ni ma 7seet b63mto w kman ma 6l3na kteer cuz of the #%@# swine flu ,, la t5afy 3li 3mlt big party w kift 3la r2i ahl Jordan mn al-25er =)

 

بالنسبة الي ... اسوأ عيد مر عليّ ... ع كل الف مبروك الصلح والله لا يجيب زعل

 

الله يديم المحبة بين الناس
تقريباً كل العائلات الا يكون في زعل بين أكم شخص، وغالباً ما بكونو اخوان
بس فترة العيد هي الفترة الوحيدة يلي الكل بتصالح فيها
وكل عام وانت بخير

 

JuJu

w ana bamoot feke kaman :D
ameen ya rab w 2ayamek kaman

yesterday kan Jehan's birthday :D
mine fe 26 of March :D

Jehan

LOOL had w ana t3baneh, law 2ashrab el n3n3 ya salaaaaaaaaam men el2a5er bekoon :P

Very good u had a party , w 2akeed el hadaya bejanneno kano :D

Ahmad

له له له...خير ان شاء الله ؟؟ :(

الله يبارك فيك, وامين يا رب

حسام

امين يا رب :)
للاسف معك حق, كل اللي بعرفهم في ناس متقاطعين عندهم بالعيله, الله يصلح بينهم و يهدّي بالهم

وانت بالف خير, ما تركت عيديه بشوف :$

 

Wallah ya heek el 3eed ya balash. Allah yes3edek da2eman whisper dear;)

 

Rana

el7amdolellah kan malyan 2a7dath 7elweh :)
Ameen ya rab ...w 2yakom inshallah :D