Things I Like To Whisper About

Would You Hear Me Whispering

الخميس و اكله الخميس :)

اول شي شكرا لكل الي اطمن علي, و بحب احكيلكم اني اليوم و الحمد لله كتييييييييييييييييييييييييير احسن, الحراره راحت وهاد اهم شي و ضل سعله خفيفه ان شاء الله يوم و بتروح

بنت خالي اعطتني وصفه ليمون دافي محلى بعسل... جد الله يرضى عليها عمل مفعول كتير منيح معي و خفف كتير

اليوم الخميس ...انا بعز الخميس كتير, حتى مع اني كنت ماخده الاربعا و الخميس اجازه مرضيه, لكن بما اني اليوم لصحيت منيح عالدنيا فبرضه اله فرحته الخميس :)

بدت المدارس دوامها و الله يعين الاهل معجوئين اكتر من الاولاد, والله يعين المدرسين و المدرسات على مناوبات الشوب و الصوت المبحوح و الحكي طول اليوم , معى الصيام, يعني نشفان ريق فوق نشفان الريق الطبيعي...يلااا كله اجر وعافيه... جددو النيه و خليها تكون لله علشان تاخدو الاجر كله ان شاء الله

انا بالعاده بروح وبشتري اقلام ومحايات و اشياء المدارس هاي اللي بحب اجمعها لكن للاسف هالمره ما رحت, لكن مش مشكله بتتعوض قريب.

كتير كترانه البيوت اللي مزينه برمضان السنه, شفت عند بيت من بيوت الجران هلال وقمر بس يضووهم بكون لونهم ابيض وما في فراغ بالنص ,جد كتيييييييير حلوين, وفي منظر مسجد من ضواو معمول نفسي اعرف وين ببيعوهم, لفيت على اكتر من محل ما في اشي غريب عندهم وانا حابه احط اشي غريب, حاطين الهلا والنجمه التقليديين و مجموعه الاهلّه والنجوم اللي بيضوو و بيطفو , لكن حابه احط اشي غريب, اذا حد بعرف من وين بقدر اشتري يحكيلي :)


اليوم بدي اكتبلكم طريقه عمل الباستا,الباستا اكله كتييير سهله التحضير و كتييييييير زاكيه

المكونات الرئيسيه

ا باكيت معكرونه
1 علبه مشروم -فطر
1 علبه باستا
3 حبات فليفله حجم وسط مفروم
1 بصله حجم وسط
1 باكيت نقانق - ويمكن استخدام قطع دجاج بدلا من النقانق
رشه ملح
رشه زعتر اخضر
جبنه موزاريلا

سلق المعكرونه
للي ما بعرفو سلق المعكرونه نضع ماء في طنجره حجم وسط مضاف له ملعقه زيت و ملعقه ملح وعندما تغلي الماء بنضيف المعكرونه و نخفف النار تحت الطنجره حتى تصبح المعكرونه طريه, نصفيها بمصفاه ونغسلها قليلا بالماء حتى لا تلتصق ببعضها.

الصلصه

نقلي البصل المفروم بقليل من الزيت حتى يحمّر, و في اثناء ذلك نقلي النقانق المفروم الى اقمار صغيره بقليل من الزيت.

نضيف المشروم المفروم و النقانق و الفليفله الى البصل, و نقلبهم لمده خمس دقائق ثم نضيف صلصه الباستا و نضيف رشه ملح و رشه زعتر, ونتركهم حتى يغلي الخليط.

في البايركس نضع المعكرونه و الصلصه و نخلطهم مع كميه من جبنه الموزاريلا, و من ثم نضع على وجه الخليط كميه مناسبه من جبنه الموزاريلا و نضعها بالفرن على حراره 180 درجه لمده نصف ساعه او ممكن مراقبتها حتى تغلي و تسيح الجبنه
وصحتين وعافيه
:)

اترككم مع الصور للمكونات وصوره للباستا قبل الشوي بالفرن...بعتذر عن الصوره بعد الشوي لانّا شويناها بالزبط على وقت المغرب و فورا هجوم كان و ما تزكرت اصور و لا تزكرت اشي, عند الاذان بروح التفكير باي شي غير الاكل :)








14 التعليقات :

7amdellah 3a salamtek ya whisper ... sorry met2a5reh kal 3aeh :( nshallah halla2 tkoni a7san

w shekelha il pasta lazeezeh ,eza beek wasfet il fettucini I will send it to you ;)la t5afi madmoneh 100% hehehe

 

ألف الحمدلله على السلامة ويسبروو :)
يلا الحلو بالخميس سهرتو ... ان شاء الله دايما تضلي مبسوطة

يمي يمي انا بموت بالبساتا ... مه انها شو فيها كالوريز :D
من الاخر بتنصح ... بتعرفي ويسبرو ان شاء الله بدي اعملها يوم السبت .. يلا خلي ماما تبسط,بتحب نجيبلها افكار اكلات برمضان
;)
لانه فعلا بنوصل لمرحلة .. انو شو بدنا نبطخ اليوم

اليوم عملنا صينية بطاطا ولحمة
وانا عملت فتوش بجنبو

صيام مقبول وافطار شهي:)

 

مسا الخير ويسبر
كويس انك صرتي منيحة ان شاء الله دايما
بنصحك للسعلة الزنجبيل
كتير منيح ( اسال مجرب ) انا بشكي منها كمان و ما بزبط معي غيروا
المهم صحتين على الباستا بتعرفي بما اني فاشلة بالطبخ خير الله رح اخد وصفاتك لاختي بتحب هيك قصص و وصفات انا خليني بالسلطة
و حمد لله على السلامة

 

اول اشي حمدالله على سلامتك يا اموره وانشالله ما بتشوفي الا كل خير :)

الباستا يالله شو بحبها هالاكله
يسلموووايديكي يا قمر ويعطيكي الف عافيه على مجهودك دائما مرتبه .. وانيقه بالتنسيق الحلو للموضوع

صحه وميه عافيه :)

 

Ashwaq

allah ysalmek ya rab, it is ok ya amar, 2ana sa7ee7 6ebe6 wal7amdolellah bs mesh 100% lessa :D

yeah kteer zakyeh...
Fettucini Yummy kteeer b7eboo ya rete t36ene el recipe :D

eNAS

الله يسلمك يا قمره :)

اي كالوريز ....ما فيها يا دوب نشويات و دهون و موزاريلا و سسج وبس :)

صحه صحه بحب البطاطا انا كتيييير

الفتوش تخصصي بالبيت :)
امين النا والكم يا رب

Jafra

يا مسا الورد
الحمد لله تمااااام صرت
اه والله نصحوني فيه, خلص هلأ بدي اعمل و اجرب
على قلبك جد جربوها سهله و كتييير زاكيه.. جربوها واكيد راح تدعولي :)
الله يسلمك يا رب :)

 

Jarat

اهلا اهلا يا قمر
الله يسلم قلبك يا رب
كتيييير زاكيه جد لو تجربي تعمليها كتير سهله, ويلا ليش بعرفها فكرك :)

الله يسعدو الزوووء انت الزووء كله

على قلبك يا رب

صحيح مش انا تزكرت انك كنتي تشرفيني بالمدونه من قبل , وقت سلسله العرسان :)
اهلا وسهلا فيكي دائما

 

walla 2enk ray2a ya Whisper nyalek 3a hek rawa2an:)

 

LOOOL
wallah ya Maysam y5tee ma bedna nzeed hmoom 3alnas falazem nroo2 :D

 

بالله بمعيتك كيف بنعمل شوربة العدس ما شي اللا و بطبخو من المنسف و كبسه و اوزي و كتير كبخات بس هالشوربة العدس ما عم نزبط معي لمن اجيت اعملها بفكر حالي عم بعمل رز و احط تلات كاسات عدس و توابعها و الدنيا رمضان و وطي النار و روحت ع الصاله ما سمعت اللى صاحبي بضحك و بنادي عليه انه تعال شوف عدسات و خير اللهم اجعله خير العدس نافش من الطنجرة متل الكيكه بالضبط يا ريت تتكرمي بالوصفة بس دقيقة جدا تكون
(----)

 

(---)

خلص ولا يهمك, انا بصراحه ما بعرف كيف بنعملها لاني مش من انصار العدس غير بالمجدره :)

انا سألت ماما عن الطريقه والبوست الجاي عنها ان شاء الله :)

عجبتني كيكه العدس اللي سويتها ههههههههه

 

سلامات :)
يللا المرة الجاي بتشتري محاية معطرة و براية بويزة و المقلمة اكيد
بصراحة انا مش مع الهلال و النجوم لأنه النجوم الها دلالات وثنية نوعاً ما، حطي هلال لحاله او الفانوس اللي من كرتون بيجي كبير شوي
و يسلو على الوصفة :)

 

Allouh

الله يسلمك :)
لاااا شو المره الجاي ...اول نزله عالسوق بدي اجيب خصوصا البرايه البويزيه :)

وثنيه!!! جد ...والله مش خبريه, بحبهم انا :$
الله يسلمك ..جربها كتير سهله :)

 

مرحبا
بخصوص الزينه تاعت رمضان بصراحة شفت الاشي الي حكيتي عنه عند قرايبين الي و سالتهم حكولي انه بالمختار مول فيه بس كانه الكميات خلصت لانه راحت جارتها تجيب متلهم اليوم التاني لقتهم خالصين ازا بدك روحي بلكن جابو كمية تانية متلهم و انشالله بتلاقي

بترديلي خبر ازا لقيتي و ما تنسي تتزكريني

 

Anonymous

سبحان الله..اليوم وانا مروحه مريت عالمختار مول :)
وللاسف ما عندهم وسألت ازا بدهم يجيبو قريب حكالي اللي ببيع ما اعتقد :$

بس حكالي روحي عالحسين ممكن تلاقي..حكيتله وين بالحسين يعني, بحكيلي بالحسين جبل الحسين, ما رديت سألت

ازا حد بلاقي يا ريت يحكيلي
كل اللي سألتهم عن زينه رمضان بحكو خالص, حتى الصويفيه اليوم رحت وبرضه خالص :$