Things I Like To Whisper About

Would You Hear Me Whispering

انا ابيع صاحبي علشان بنت .....كلاكيت تاني مرّه

طبعا هاي الكلمه دايما بنسمعها من الشباب و دايما الحكي انو البنت بتبيع ابوها علشان شب مش بس صاحبتها
وللاسف انا بالجامعه حضرت مشكلتين بين بنات وشد شعر على شب و الشب بكون واقف على جنب بستنى ان يروح مع المنتصره
وبنفس الوقت اكتر من مشكله بين الشباب و بتطلع بالاخر علشان بنت
فالمفروض ما يكون في تعميم ..في هيك وفي هيك

بدي احكيلكم قصه حصلت مع اخوي...اخوي سنه رابعه جامعه و احنا والحمد لله كتير قراب من بعض يمكن بحكم ان ما ضل غيرنا بالبيت والباقي تزوج وطلع,المهم...بحكيلي انه تلاقى هو وصاحبه و صاحب صاحبه خلينا نسميه فلان

فلان بحب بنت بتدرس بجامعه تانيه و متعلق فيها كتير...وطلب من اخوي طلب غبي ان يعطيه رقم تلفون البنت اللي هو بحبها على اساس انو بدو يختبرها... وللاسف كتير شباب بعملو هالشي...المهم اخوي ما كزب خبر بحكيلي اخدت الرقم ورنيت عالبنت ...خلصو كل الرنات وما جاوبت
طبعا نفش ريشه فلان وصار يحكي شايف يا زلمه ما احسنها...حتى عالارقام الغريبه ما بتجاوب..انا حاسسها هالبنت غير ...شايف الادب...شايف الاخلاق...شايف...قطع كلامه صوت رنه موبايل اخوي...بتطلع عالرقم ويلا مين يا معلم...رقم البنت :)

رد اخوي عالتلفون...بحكيلي سحبت عليها فيلم على اساس انو هي صاحبتي وانا بستناها بالكوفي شوب وهي تأخر
وبدا اخوي...انا كم مره حكيتلك ما بحب تتاخري علي واضل استنى...وبعدين مع هالعاده اللي فيكي..بحكيلي البنت بلّمت و بعد فتره بتحكيلو عفوا مين معي
بحكيلها انت مش فلانه..حكتله لأ انا لقيت مسد كول على موبايلي من رقمك وكنت بعيده عن التفلون..حكالها اهااا انا اسف كتير عالازعاج
..هي بدت تساله...انت بتدرس ويلا بتشتغل..حكالها بدرس وبحكيلي صارت البنت تتناغش وشو بتدرس و اي سنه وكم طولك وتمد المكالمه نص ساعه ...بحكيلي اخوي انا انسيت فلان اللي قاعد وفاتح تمه وخانس المسكين...بحكيلي انهيت المكالمه وحكيتلها يلا انا مضطر اروح
طبعا فلان اصفّر و كش...بحكيلي اخوي ما عرفت شو احكيله...

المشكله ان البنت بعد ساعتين ردت حكت...بحكيلي اخوي ان البنت من الاخر حسب الوصف وانا حكيت خلص مدامها طلعت هيك شو بده فيها فلان...فبحكيلي هلأ انا بكون رخيص ازا كملت مع البنت؟؟؟؟

طبعا حاليا اخوي والبنت على اتصال...وفلان طلع من الموضوع وبدوش يتعرف على اخوي ولا صاحبه ....وصاحب اخوي ندم انه مش هو اللي حكى :)
وبرجع بحكي....ان الشباب لا يمكن يبيعو صحابهم علشان بنت!!!!
اه ماااااااااشييييييييي صدقتك


** البوست هاد قديم من 17-9-2008 ,اخوي اليوم حكالي قصه مشابهه لهالموقف فحبيت ارجع اشاركم فيه لانه اعتقد ان معظمكم ما قرأه من قبل ....لاني كتبته في الفتره اللي كنت مبتدأه لسا وما حد بعرفني
عاساس انا هلأ صرت من المشاهير :")

21 التعليقات :

هالقصة خرج تكون مسلسل سيرة الحب او اهل الغرام

هاد اخوكي دون جوان

خليه يعطيني كم درس .. لآني انا متل الاهبل بالجامعة ... صرت سنة تانية ومش محرك حالي لسه

 

بمزح معك ... خليني لحالي وبحالي احسنلي

بعد الدراسة ... بفضى للحكي الفاضي

 

بس انا متزكره يا لولو:)

بقرا وبحكي وين هالحكي مارق علي قبل هيك يا مشهوره :)

 

هههههههههه لااا مش دنجوان بس اخوي بعرف يحكي :)

بتزكر لما مرة اخوي الكبير ولدت , رحنا نشوف البنوته انا وماما و اللي بغرفه البيبيات ما رضيو وبالزوء وبالعافيه ابدا و حاولت اقنعهم ان هاي اول حفيده و يهديكي يرضيكي ابدا, رجعنا وحكيناله شو صار معنا حكالنا تعالو انا بخليكم تشوفوها !!!

رجعنا معه ما بعرف شو حكا للبنت نفسها, ابتسمت وحكتله طيب يلااا خليهم يجو O_o

اي نعم هو حليوه بس بعرف يحكي :)

وبعدين بدّك بعد 51 ساعه ماشاء الله تعرف ترفع راسك :)

 

مياسي

الله يسعدو المتابع :)
انت الله يرضى عليكي من الداعمين الاوائل

 

ما فهمت قصدك الاخراني ...بأني صر لازم ارفع راسي


يا بنتي ... كوني صريحة اكتر ... وفهميني

يابنتي ... عشان احس حالي اكبر واحد هالمرة ... بكفيني ماخد دور صغير العيلة ... خليني هون آخد دور اكبر

 

معي بالذات ما بتزبط
انا الاخت الكبيره لمعظم اذا مش كل المدونين والمدونات :)

اللي بحكيه انو انت الله يعطيك العافيه قاطع 51 ساعه بسنه وهاد اكيد ماخد كل وقتك ومش مخليك تقدر ترفع راسك وهاد الصح :)

 

نحنا بنبعش بعض عشان بنت ... بس بنعيد ترتيب اولوياتنا ... يعني البنت اول بعدين الشب بس تروح البنت ... بنرجع نتصالح :D
شو اخوكي شرس ما اعطاها فرصه سحقها ...
الله يعطينا السان زي لسانو مش غلبان زيي :(

 

بالنسبة للكبير عمرا اظن اني بتفوق بهالموضوع
بس والله اخوكي كوول يعني حلق للشب و عم يحاكي البنت بس خرجها هلا مقلب يطلع من راسها لتتعلم
عن جد البنات صايرين - على الاخر - مش كلهم طبعا

 

ما عجبتني هالقصة :(
الشب فلان بطل يحكي مع البنت وهذا هو اللي لازم يصير ..و بصراحة أخوكِ ما كان لازم يرجع يحكي مع البنت هو كمان .. أساسا ما كان لازم يوافق يتصل فيها .. وأساسا أساسا ما كان لازم فلان يقترح عالفكرة العبقرية :/
بس أنتِ شو كان رأيك بالموضوع لما أخوكِ حكالك القصة؟

 

قط البكتريا

اهااا هيك يعني ....لااا اقتنعت انا خلص :)

والله ما حد قليل يا خوي يا بكتيري :)


Jafra

ليش الاحراج :")

بما انك برج الحمل متلي ازا بالزبط انا اكبر بسنه :)
بحكيله يعني والله حرام هيك تعملو ببنات العالم, بحكيلي هي بدها, هي رجعت حكت معي :$

Dreamy Villager

الاسلوب كله غلط بغلط من اوله, شو تختبرها وما تختبرها ؟؟؟
و اخوي التاني ما بصير يمشي معه بالفكره ولا مع البنت بالحكي
انا الموضوع كله ما عجبني وحكيتله هالشي :$

 

يا حرام :(
وقال هو مفكرها غير و يمكن صار بدو يخطط للمستقبل !!
هي اول مرة بحياتي بحزن على شب !! دايما بكون العكس

هو من ناحية الشباب ببيعوا ..اه ليش ما ببيعوا.. ولأ مرات بكون البيع مو على شي محرز بس مشان التسلاية
وهو من الآخر كل قصص الجامعات ولدنة بحسها (مع احترامي ومع تقدير فرق العمر )

 

له ليش يا دريمي ما عجبك الحكي؟

فلان طلع خروف ... هاي نتيجة الحكي الفاضي و الهبل

 

تسعين بالمية من الشباب ببيع ابوه و امه مش بي صحابه مشان بنت .. فيه شباب ببيعوا وظيفتهم .. و فيه ببيعوا مرته واولاده ...

بالنسبه للبنات أهون شوي .. يعنين ثمانين بالمية بس .. و ببيعوا بس مستقبلهم :)

 

بتعرفي شو اكتر شي بحزني عالشباب انهم بدوروا عالبنت الصح بالمكان اللي مو صح ابدا
يعني بالعقل اكيد البنت المؤدبة حسب الوصف واللي ما في منها,,,, ما رح تلاقيها بالشارع ولا رح تعطيك موبايلها ولا ولاولا بدها شوية تحريك عقل يا جماعة مالنا بلمنا وبطلنا نعرف الصح من الغلط !!!؟


ميساء

 

بتعرفي شو اكتر شي بحزني عالشباب انهم بدوروا عالبنت الصح بالمكان اللي مو صح ابدا
يعني بالعقل اكيد البنت المؤدبة حسب الوصف واللي ما في منها,,,, ما رح تلاقيها بالشارع ولا رح تعطيك موبايلها ولا ولاولا بدها شوية تحريك عقل يا جماعة مالنا بلمنا وبطلنا نعرف الصح من الغلط !!!؟


ميساء

 

همسة

شفتي المسكين....يلااا بعيش و بتعلم

ببيعو بس نادرا ما يعترفو بهالشي, ان همه اومعظمهم بنادو بالاخلاص و بس يوقعو بنسو كل شي

هي مش ولدنه...بس هيك الحياه بكل عمر بتتعلم اشي جديد واللي بكون ازمه كبيره بعمر معين بصير ذكرى مضحكه بعمر اكبر :)

Ahmad

LOOOOL :D

Amjad

للاسف معك حق خصوصا باللي بدمرو حياتهم بس علشان نزوه هبله مع بنت

مش بس اطلاقا :$


ام المييس

معك حق بهاي وكتير في شباب هيك :$

المشكله ان هالايام بتكون البنت مؤدبه وخلوقه لكن بتنهبل و بتنضرب على عينها وبتمشي مع هالتيار

الله يهدينا و يهدي الجميع :$

 

أحمد..كأنه حكيي ما عاجبك :P
هو هذا اللي ما عجبني..انه طلع "خروف" وهو مفكر انه بموقف روعة..وكمان انه عاجبيته وحدة بروح بحاول يختبرها بطريقة غلط..يعني خلصوا كل الطرق وما ظل إلا هالطريقة..أساسا ليش لحتى يختبرها، وبشو كان يشك؟ يعني هو اللي جابه لحاله.

بعدين ويسبر... بتضحكي علي ولا على أحمد :D

 

Dreamy Villager

يا صباح الورد
بضحك على "خروف" هههههههه
تزكرت اغنيه خروفي خروفي :)

 

loooooooooool, I like that you didn't have a problem talking about you brother but u didnt mention the names of flaneh and flan, and by the way, in your case, since flan ma fe ishi rasmi baino o bain flaneh, el mafrood itkoon roo7o riyadieh o ydawwer 3ala flaneh 2!!!

 

Nashashibi


LOOOOL even me and my brother are invisible too :D

mhoo flan shakloo kan ma5ed elmawdoo3 jad w flaneh wala 3ala balha :D

LOOOOL @ flaneh 2 hehehe

Welcome to my blog :)