Things I Like To Whisper About

Would You Hear Me Whispering

.فكركم شو راح يصير


صوره تعبيريه


خبر في موقع عمون الاخباري بعنوان
ضبط مركبه نائب تحمل كميه من المخدرات و اوراق نقديه مزوره على حدود جابر

الخبر ان اخ النائب اللي عمره 25 سنه ماخد سياره اخوه - بعلمه ويلا بدون علمه مصيبه عالحالتين- رايح عالشام و رجع بالسياره النمره حمره و فتشوها عالحدود مع انه بالعاده ما بفتشو سيارات النواب بتعرفو حصانه , وشو لقو؟؟؟

"
( 140 كغم من الحشيش و20 كغم هروين وكمية كبيرة من الحبوب المخدرة ) بالاضافة الى أوراق نقدية مزورة من فئة ( الخمسين والعشرين ) قدرت قيمتها بمئات الالاف حسب المصدر
"

لهون الخبر بجيب صرع , بس بنحكي يلااا كل عيله فيها واحد فضيحه و انت بتحكم عالشخص ما بتحكم على اهله و من هالحكي

اللي بجلط انه
"لفيفا من النواب زاروا مسؤولاً أمنيا الخميس للتوسط والعمل على تخفيف وصف التهمة من متاجرة إلى نقل والسعي لفك الحجز عن المركبة"

طيب جد جد ما استحو يروحو يتواسطو بهيك موضوع؟؟؟

يعني يا سياده النواب اللي المفروض انكم بتخدمو هالبلد
كل هالبلاوي اللي بدها تدخل البلد وبدها تتوزع بالبلد وبدها تخرب البلد وبدها تدمر حياه شباب البلد , كلهم مش مشكله المهم سياره سعاده النائب ينفك حجزها و اخو سعاده النائب ما ينحبس.

شو مفكرين انها تمشي بكم عزومه منسف و كم من هديه وكم من الف هون وهون؟؟؟


بيني وبينكم.......يا خوفي تمشي :"(

بكره بدوب التلج وببان المرج والله يسمعنا الاخبار الطيبه :$



تحديث

شكرا لحميدي اللي زودنا بتفاصيل جديده من موقع عمون
النائب اسمه فرحان الغويري
و النائب كان بمصر و اخو النائب بستخدم السياره من سنتين بوكاله
و زي ما الكل توقع السيناريو....النائب ما بعرف ان اخوه مسافر بسيارته, و انه راح يضرب بيد من حديد حتى اذا...اذا اكتشف ان اخوه اله دخل ولكن اخوه غرر به ......


"وان شقيقه ابلغ الاجهزة الامنية عن هوية الشبكة التي نظمت عملية التهريب وتم القاء القبض على افرادها في الاردن وتتم متابعة اطرافها في الخارج"
.


طيب كيف غرر به وكيف بعرف عن العصابه ؟؟؟

بدهم يطبطبو عالموضوع و بنعرفها بس يا ريت يحاولي يطبطبو عالموضوع بطريقه شوي مخبيه عن العالم مش بهالوضوح...



27 التعليقات :

(عن عائشة رضي الله عنها أن قريشا أهمهم شأن المرأة المخزومية التي سرقت فقالوا ومن يكلم فيها رسول الله صلى الله عليه وسلم فقالوا ومن يجترئ عليه إلا أسامة بن زيد حب رسول الله فكلمه أسامة فقال رسول الله صلى الله عليه وسلم أتشفع في حد من حدود الله ثم قام فاختطب ثم قال إنما أهلك الذين قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وايم الله لو أن فاطمة بنت محمد سرقت لقطع محمد يدها)

صدق رسول الله.

حسبنا الله ونعم الوكيل

 

في تقرير عن الانتخابات الاردنيه على موقع bbc
استنتجو بحسبة بسيطه انو كل نائب بستفيد بما مقداره نص مليون دينار خلال فترة صلاحيتو ... من هل منطلق صار موضوع النيابه موضوع تجاري بحت ... عشان ارتفعت الاسعار صارو يحاولو يلاقو مصادر فائد جديدة ... وهاي من احدى الوسائل

 

طبعاً إحتمال تمشي إنه النائب يقول مابعرف إنو أخوي عمل هيك ، لكن أعتقد بأنو الأخ إنمسك لأنو النائب نفسو معروف بأنو تاجر مخدرات بس السؤال كيف الأجهزة الأمنية سمحوا له بأن يترشح للبرلمان، مع العلم إن هذا النائب قدم خدمة كبيرة لرئيس مجلس النواب المجالية قبل ٣ سنوات مقابل حصول المجالي كتاب من الديوان الملكي بوضع هذا النائب شيخ مشايخ عشائره .و عجبي

 

اذا هذا الخبر انتسى واتسكر عليه خلال يومين ( واحتمال كبير انه هيك يصير ) فاعرفي انها مشيت :(

 

عمون - خص النائب فرحان الغويري "عمون" بالتفاصيل الكاملة لقصة ضبط مخدرات واموال مزيفة في مركبته يوم الخميس ، مؤكدا ان لا علاقة له من قريب او بعيد بالحادثة لافتا ان شقيقه حاتم استخدم مركبته دون علمه وغادر الى سوريا ولبنان بوكالة عامة منه صادرة قبل عامين .وان شقيقه ابلغ الاجهزة الامنية عن هوية الشبكة التي نظمت عملية التهريب وتم القاء القبض على افرادها في الاردن وتتم متابعة اطرافها في الخارج

 

Ibrahim

شكرا ابراهيم
تعليقك كفّى و وفّى

قط البكتريا

يا ريت تحطلنا اللينك نقرأه :)
مليون دينار؟؟؟ كله من ضرايبنا و تعبنا حسبي الله ونعم الوكيل

شكلي راح ارشح حالي للدوره الجاي :)

 

Hamede

هلأ السياره الحكوميه مش مسؤوليه النائب وين تروح ووين بتيجي ومين بركبها؟؟؟
شكلك بتعرف مين هالنائب....يا ريت تحكيلنا اسمه لان الموقع مش كاتبه
او لمّح عنه واحنا بندور :)

Dreamy Villager

الله يسمعنا الاخبار الطيبه مع اني شبه متأكده انه هاد اللي راح يصير

حسبي الله ونعم الوكيل

 

Hamede

كنت بكتب الرد قبل ما انتبه ان في تعليق جديد

شكرا كتير عالمعلومات الجديده
يعني اللي صار هو المش طبيعي اللي الكل متوقعه
حسبي الله ونعم الوكيل
لو صارت مع واحد على باب الله وناس ضحكو عليه وحطو هالاغراض معه كان شنقوه يمكن

 

كل شي بصير يا همسة ببلاد العرب ممكن يتوسطولو و يطلعو براءة وممكن يستحو عحالهم وما يتوسطو

 

شكرا لحميدي
تم تحديث الخبر :)

 

والله يا احمد شكلهم بدهم يتواسطو :$
المثل بحكيلك اللي استحو ماتو
وشكله للاسف صح

 

لسة في نائب أخر إنمسك بي قضية مخدرات ، و سمحوا له يترشح صرف ٢٥٠٠٠٠ ألف دينار من أموال المخدرات ، ودفع لواحد إنو يلبس القضية عنو مقابل ١٠٠٠٠٠ دينار ، لايزال في السجن يقضي ٧ سنوات . و هذا النائب لا يزال نائب مع العلم بأن حمار يفهم أكثر منو

 

شو هالفضايح !!
بالله هي ممكن تصير غير عنا يا ربي
ولأ يخرب بيت قوة العين وقلة الزوق .. قال رايحين يتواسطوا
والنكتة الاستهبال لعقول العالم و طلعو الزلمة لولا شوي ملاك ويا حرام ضحكو عليه و هو مسكين على باب الله
لا حول ولا قوة إلا بالله

 

Hamede

جد زي الافلام اللي بتحكيه
و اكيد المسؤولين بعرفو هالشي وساكتين لانه مراضيهم كمان

اذا مش كلهم فمعظمهم هيك

همسة

شفتي بالله عليكي...
جد استهبال وهاي المشكله انهم مش متعبين حالهم بفكره صعبه :$

لا حول ولا قوه الا بالله

 

بتمززززحي .... ووووااال والواحد بجيب الجريدة وبتعب حاله واقرأ اقرأ بالاخر بطلعلك انه في قطة اندعست ابصر وين وانو في واحد قطع مرته ورماها بالحاوية بعد ما رحقها وشنقها وسلخ جلدها وبنسوا يحكوا هيك خبر
ربنا بسامح بكلشي الا بحقوق العباد

يعطيكي الف عافية

أم المييس

 

adena a3deen..w al ya a3deeeen yekfeekom shar el labseen !

 

wallah ya hala 3ami o 100 welcome to Jordan.. wainek ya em el3abed tshoofe.
men el 2a5er: "Allah ya yrodo"

 

تعرفي هاد شيء عادي وطبيعي لانه الشعب الاردني صار فاقد للاحساس او الاهتمام لدرجة ما بهموا شو ما عمل هالنائب اللي بيهموا شوراح يعطيه هالنائب لما بده يصوتله كل شيء صار بثمنه حتى الذمم يا همسه
وفعلا لو صارت في واحد ع باب الله او حتى من قرايب وزير رح يضلوا وراه ليطيحوا من شان يفرجوا حالهم انهم بيشتغلوا

 

3njad 3njad 7sbona ALLA wn3ma el wakeel !! esh had !! 7aseh 7ali bl sudan mo be JORDAN !!

 

راح ينحط الموضوع براس واحد ثاني

 

احكيلك ايه ولا ايه يا بلدي
زمن العجايب
ولادك لما تكبريهم
بيدوسو عللي تحتهم
و بيدوسو عليكي
ابنك الفقير
طول ما هو تحت
بينده باسمك
واما تديلو كتفك
يتسند عليه
بيدوسك
و بيدوس ولادك التانيين
و بيعمل زي فرعون
ويضحك ضحكة الشياطين
ابنك يا بلدي
و آآآه...
و عجبي!!!


لقيت هدول الاسطر "في مكان ما"... و كتير الكلام معبر!!

 

مجموعه حياه
اهلا بام المييس

شفتي اللي بصير من ورانا يختي :$

ان شاء الله يكونو براعو حقوق العباد ورب العباد

NasEr

7akeeeeeeeeeeeeeeeeeeeeeeeeeeeem
da2eman btebherna be 7ekmetak :D

 

Mohammad

allah yr7amha matat w erta7at 2abel ma tshoof halshofat :D

Sozan

المشكله ان النائب ولا راح يعطيه اشي بالعكس راح يضل ياخد منه
اليوم ما في خبر عن الموضوع....ان شاء الله ما يكون وقف لهون وخلص :(


Maroo

da2eman w 2abadan 7asbona allah wa ne3m alwakeel.

bt7eseh sho3'ol zo3ama mafya :$

 

Anonymous

اكيد واحد غلبان بضحكو عليه بقرشين و بسكت وبرضى
حسبي الله ونعم الوكيل

Naryat

اول مره بسمعه بس كتير حلو ومؤثر :(
شكرا نور

 

شوفي ويسبر انهم لو بدهم عن جد يحكموا بالموضوع
لازم يعدموا الاخ و يحيلوا النائب للنيابة العامة و التحقيق معو
و اللي انتخبوا للسيد اخو تاجر المخدرات او ناقلها يعتذروا للشعب

بحلم كتير صح
؟

 

Jafra

هيك المفروض يصير .....بس احنا عايشين باللا مفروض للاسف:(

مخدرات وفلوس مزوره شو بدهم يعمل علشان يعتبروه مذنب؟؟؟