Things I Like To Whisper About

Would You Hear Me Whispering

أزمه سير


اول اشي شو في بالبلد اليوم؟؟؟ كل الاردن بالشوارع, و في باصات مدارس مع انه المفروض معطلين!!!
وين ما تروحي ازمه...حاولت اغير طريقي اكتر من مره و كل الشوارع الفرعيه اللي بمشي فيها عاساس اني خبيره و بختصر الطرق, طلعت كل الاردن اليوم بتعرفها و ماشيه منها
ساعه اليوم بالطريق و عاده ب 10 دقايق بكون بالبيت, وطبعا والحمد لله شوووووووووووووب, وانا الشاطره مش معبيه بنزين الصبح حكيت وانا مروحه بعبي, و ولا كازيه بالطريق و مش عارفه حتى اشغل الكوندشن خفت تقطعني السياره :(
وانا بالطريق شفت مشاهدات كتيره...طبعا ساعه مهي و معظمها واقفين مكانا كنّا

في تكسي كان ماشي جنبي و فيه بنت ورا, واضح انها من الخليج من طريقه لفه الحجاب او يمكن من هون لان الكل صار يستخدم هاللفه اللي انا شخصيا بكرها اللي بكون في كأنه طربوش عراسك - بنت خالتي اللي بالكويت بتحكيلي انهم بحطو بكله كلها ريش هي اللي بتعمل هيك, ومره وحده بالسوق وقعت قدامها وفلت حجابها واذ...اذ بعلبه لبن بتوقع من تحت الحجاب, الاخت علشان يزبط منيح هالطرطور على راسها حاطه علبه لبن - لمهم البنت بتحكي تلفون خلوي , و واضح انها بتحكي مع حبيب القلب -لا تحكو كيف عرفتي ببين- و الشوفير مركز عالمرايه و ابتسامات و ضحك على الحوار اللي بتسلى عليه بهالازمه, و مبسوووط و منسجم اخر انسجام, وهي ولا على بالها بتطلع عليه بالمرايه وشايفته بتسمع على كلامها ولااا في مشكله, او يمكن بدها اياه يسمعها..الله اعلم.

في سياره حكوميه قدامي و الشارع مسربين رايح جاي وما في جزيره وسطيه , وكعادته شعبنا الملتزم مشيت سيارات من ورانا وعملت صف تاني و سكرت المسرب التاني و زادت الازمه و ضلينا ضعف الوقت و العالم تتناقر ما بدهم يدخلو السيارات اللي بدهم يرجعو عالمسرب, المهم في سياره جيب من ابو ظبي بتحاول تدخل من قدام السياره الحكوميه اللي سايقها حج كبير و عصب الحج و صار يضرب على شباك السياره الجيب - طبعا مسكرين الشبابيك كندشن و مصاري, مش حسد بس نق :) - و الشب فتح الشباك وصار بدو يضرب الحج من الشباك و بلشت طوشه ايدين من الشبابيك و احنا واقفين بنزمر انه مش مشكله ابلشو ببعض بس صفو عاليمين :)


شارع الرابيه عند الاتصالات مسكر, الشارع على عرضه مي, مش عارفه من وين كنت بس لما وصلت عالمي عرفت, :"( لااا ابدا مش مجاري بعيد عن السامعين, و ولااا اني مش قادره اتنفس ابدا, سكرت الشبابيك صارت الريحه جوا السياره ومش عارفه شو اعمل, و لوصلت البيت و كل شوي تفحفح ريحه :(


اخيرا وصلت لمحظه البنزين علشان اعبي بنزين, طبعا وكالعاده كل الاردن عند الكازيه و العمال مش ملحقين عالسيارات وفي ناس همه اللي بعبو سياراتهم, استنيت مش مشكله لاني صافه بالفي, اول سياره بتعبي بنزين لشب واقف جنب السياره و معجوء و بحكي موبايل, و شكله هو اللي بعبي سيارته لان فجأه السياره صارت تطفح بنزين بره عالارض, كأنه مش حاططها صح لانه المفروض بس يتعبى لحالها بتسكر, و صرت ازمر واللي قدامي يزمر والشب ولا اله دخل والبنزين يكب عالارض و صار زي بركه لانتبه عليها و المشكله انه ضلو يتطلع عليها ومش عارف شو يعمل لحتى اجا واحد من العمال و سحبها, و جابو تراب و مي و قعدو يغطو بالبنزين, يعني مش بكفي التأخير لاااا مش مشكله خلينا نايمين بالمحطه :(


بالليل ابصر مين ناجح توجيهي ويلا متخرج جامعه من الجيران,طبعا محتفلين و مسكرين الشارع وصافين السيارات قدام الكراجات,طلعنا انا واهلي و بس رجعنا لقينا سياره مسكره باب الكراج استنينا لراح الحارس و نادى صاحب السياره اللي مسكره الكراج لعرفنا ندخل البيت, صورت الشباب المحتفلين وهمه بغنو بنص الشارع و مسكرين الشارع ومش مشكله ان الساعه 11:30 صارت عادي يلا عالقليله هاي كانت اخر وصله بالحفله, و انا بصور طلع صوت فكرته العاب ناريه, و بس اكتشفت انه طلق مسدس اتزكرت " كنت قاعد بالحوش" و فورا طفيت و سكرا الشباك و الاباجور و تخبيت :$

وانا بتفرج عالفيديو انتبهت اني مصوره اللي بطخ :$ ولا انتبهتله وال انا مكمله تصوير و بتطلع عالسما بدور عالفتيش ...بالدقيقه 2:47 ببين











17 التعليقات :

يوميات ... همسه

شو هل طريق الطويل
والله انو انا زهقت من الطريق الطويل
عفكرة هو عمان بدها تنظيم للسير
ولكل اشي
ان شاء الله سنه 2050

بكون امين عمان شطور وبلاقي حلول

 

ان شاء الله حد بيجي ويفرجها مش مشكله بعد 50 سنه المهم يزبطوها :$

 

لو محلك كنت ولعت كبريته ورميتها عالبنزين اللي انكب وخليها تولع بزيادة :)
ولا بلاش انت اللي بتقعي فيها.

 

O_o
كبريته!!!

عندي احساس انك بتكرهيني :"(

هههههههه
لا جد مصيبه كان الوضع اي شراره بتروح علينا كلنا :( ولو واحد من اللي بعبو كان ملتزم كتير و مولّع سيجاره
يا سلاااااااااااام
استشهاد على طول

 

Ana hai laffet el 7jab 2eyyaha bakrahha kteer... o mawdoo3 3olbet ellaban had ektashafto 2ablek :-p o fi wa7deh benet 7akat marra la2o5ti ennha bte7shi juwwa el 7jab 7jab tani, betka3belo o bted7asho belafet el 7jab mshan ybayen ras-ha kbeer lol

O btw ana elli betjaawazu o be6la3u 3n el 3alam o beseeru bedhom yerja3u 3almasrab belmja7asheh ma barod bada5elhom :-D walla law ymutu ma befoot wa7ad fihom 2oddami :-) mesh be3raf yetza3ran o ye6la3 barra el masrab? yes6afel!... 5aleeh mal6oo3 barra lanshuf kef bedo yrajje3 7alo 3almasrab ;-)

o marra sarat m3i metel 2osset el banzeen hai... elshab elli 2odami belkazeyeh 5alas te3bayet banzeen, o la7az enno el3amel taba3 el kazeyyeh meltahi 3anno fa sha3'al o meshi welbarbeesh lesa bel tank :-D fa el barbeesh zay ma t2uli "nshala3" o we2e3 3al2ard o sar el banzeen lalrokab loool

 

LOOOOL wa menkom nastafeed ....jdedeh hay 7jab mka3bal t7t 7jaab w yareato 7eloo :S

ME TOO :D maseer 2adafesh metelhom w ma bamar2oo :)

waaaaaaaaal
and they said only women do that :D

3afekra I really love ur way of describing things :D
dammek 3asal ya benet :D

 

عنا كتير منهم هدول الحجابات بس انا ماشفت غير البكل الريش اللي بحطوها علب لبن وحجابات مكعبله لسه ما شفت..

بعدين هيي الاردن لسه زي ما تركتها ازمه في كل مكان.. الله يعينك عنجد

طبعا الفيديو مافهمت ولا اغنيه بس يخلف عليكم كثر الله خيركم البقيه بعرفش كيف بفهموا ع بعض فيها والله
وحمدالله ع سلامتك "كنت قاعد بالحوش "هههههههههه

 

برضو اربد امبارح كان فيها ازمه فظيعه مش عارفين ليش؟!!!

ولفة الاشارب اللي بتحكي عنها اسم الطنبر تعالي عالجامعه وشوفي ؛ شيء بشع جدا!!!

 

Ro$e

بالخليج المعظم اذا مش الكل هيك بعملو :)
لساتها ازمه واكتر من قبل كمان وهلأ صيف وكل المغتربين جايين, مأساه الوضع :(

ولا انا بصراحه بس فهمت ان الشباب سلطيه

هههههههههه الله يسلمك يا رب :)


مياسي
شو اللي مصحيكي بكير يا بنت ؟؟؟

طنبر!!!!
و منكم نستفيد :)

للاسف ما بقلدو عنّا الا الاشياء الغريبه

 

شو اللي مصحيني بكير؟

مم ولا شي بالجامعه بعمل اوراق عشان الرساله

ويسبر اذا عزمتك عالمناقشه بتيجي؟

 

الله يعطيكي العافيه يا رب

يااا ريت....هي بعمان ويلا باربد؟؟؟
ازا بعمان اكيد باجي ان شاء الله :)

 

ممم هي في اربد بالتكنولوجيـا

شو رايك تغامري وتيجي؟ تعالي مواصلات اريح لم من السياره صد رد وبتكوني هون:)

 

كتير حابه والله اجي ونتعرف على بعض

خلص ان شاء الله بحاول
انت خبريني قبلها علشان اشوف ازا بزبط معي ويلا لأ
وان شاء الله تزبط :)

والف مبروك مسبقا :)

 

Dont you just love amman in the summer

:)

 

Ala' JA

Wallah I love Amman in all seasons :D
It is always crowded :S

 

hehe...
Walla 5ajaltini ya Whispara... 5doodi saru 7omor :-p
Teslami ya Rab... had la2ano dammek 3asal mshan hek betshufi el nas hek :-)

 

Noor

hay el7a2e2a w ma bajamel belmarrrrrraaaah
allah yes3edo elzoooo2 :D