Things I Like To Whisper About

Would You Hear Me Whispering

يوميات رمضانيه - 3

مسا الفل يا جماعه
اليوم الفطور كان اشي من الاخر, اليوم كان روستو " لحمه مفرومه" محشي بالجبنه و الخضار, و ماشت بوتيتو يعني اشي صح صح و الحمد لله

الحلو قطايف , لسا ما زهقنا منه وقلبنا عالكلاج
والعصير كركديه وقمر الدين, وصحتين وعافيه :)

اليوم كان شغل برّه طلعت بسيارتي طبعا , الساعه كانت 11 و مشواري عند دوار الداخليه, والدنيا والحمد لله مش كتير ازمه, وصلت و لاول مره بلاقي مكان فاضي اصف فيه , عاده بروح بصف بكراج بعيد 5 دقايق مشي من المكان اللي بدي اروح عليه, صفيت وعين الله علي و انتبهت ان في وراي سياره شرطه و بالعاده في سيارات بصفو مكان ما صفيت , وللاحتياط دورت على اشاره رايحه اشاره جاي انو ممنوع الوقوف و لله الحمد ما لقيت, لسا بدي اسكر الشباك, واحد امن من قدام مجمع بنك الاسكان بحكيلي يا اختي ممنوع الوقوف هون, انا قلت خليكي ريلاكس يا بنت و كوني لطيفه, حكيتله "الله يخليك كل موضوعي 5 دقايق بروح وبرجع بسرعه" والله يسعدو وافق و اوك وكل شي تمام شوي حد بنادي "يا بنت " لفيت وجهي الا هو زميل الشب الاول قال ممنوع تصفي هون, سألته ليش يعني, بحكيلي ممنوع, سألته طيب فرجيني وين اشاره الممنوع, بحكيلي انا بقول ممنوع !!! حكيتله مدام هيك انا بقول مش ممنوع, عصب وصار يصرخ, حكيتله خمس دقايق وبرجع ولفيت وجهي وبديت امشي, حكالي "انت كم قلتيلي بدك تقعدي" , حكيتله 5 دقايق و برجع, قال يلااا خلص روحي بس ما تطولي, حكيت لحالي خلص يا بنت الشب بدوش يطلع بسواد الوجي مشيها, ابتسمت و كملت مشي , وانا مروحه التنين بتطلعو علي عاساس احكيلهم شكرا او اي شي, ركبت السياره و انطلقت ولااااا كأنه في اشي :)


اليوم بدي احكيلكم عن حمله المليون ختمه اللي حكا عنها عمرو خالد - شكرا لصديقتنا روز اللي زكرتني بالموضوع :)

من 10 سنين وكل سنه برمضان بكون في برنامج لعمرو خالد وكل سنه في حمله تحت عنوان معين الحمله السنه تحت عنوان "سأحيا بالقرآن" ولتحقيق اهداف هالحمله المفروض نجمع مليون ختمه للقرآن الكريم خلال شهر رمضان, و في بموقع عمرو خالد عداد كل شخص بختم ختمه يضيفها للعداد و يضيف ختمه اي حد بالبيت ختم القرأن وما بقدر يدخل و يحطها بالعداد.

وهي بوستر الحمله - اللي المفروض لونه ازرق فجأه صار احمر مش عارفه ليش







دعاء اليوم

اللهم طهر قلبى من النفاق وعملى من الرياء ولسانى من الكذب ،

وعينى من الخيانة ، إنك تعلم خائنة الأعين وما تخفى الصدور

12 التعليقات :

قبال مجمع بنك الاسكان ممنوعة الصفة

عشان الدفاع المدني او اشي زي هيك

 

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

 

Ahmad

دائما بكون في سيارات صافين وما في مشكله ,يعني قدام شركات تانيه ما الهم دخل فيها
هو الموضوع فلسفه مش اكتر

Hasona

وعليكم السلام واهلا فيك بمدونتي المتواضعه
اللهم امين
بفضلك بديت يومي بدعاء جميل جدا
شكرا جزيلا

 

بتعرفي ..هو قد يكون مش ممنوع الوقوف مكان ما وقفتي
بس مش عارفة كأنو في ناس بتحس انها اشي كتير لما يكون الها اي نوع من السلطة ! ما بعرف
اليوم انا صار معي موقف ..رحت على دكتورة بالمستشفى (هيي قالتلي تعالي) مشان تعطيني تحويل على عيادة تانيه
وانو المحروسة اللي برا تدخلني ابدا !! قال وين الموعد
يا بنت الناس انا بدي تحويل يعني الدكتورة تكتب هالكلمتين وما رح تشوفي خلقتي بعد اليوم .. قد اسمعت لو ناديت حيا ! وقال تعالي بعد بكرة وكتبتلي موعد لبعد بكرة ..مشان تحويل
هلأ المسبة بتفطر كتير ولا شوي ؟! اما انا سبيت :D

عجبتني فكرة العداد لختم القرآن ..حتى الواحد نفسو بتشجع رغم اني كل رمضان بختم الحمدلله

انا بحكي كتير مشان مرة قلتيلي عحسابك :$ تحملي

 

ana alsaneh hay bdy a5tem al8r2an =)1st time ever l2no dayman ramadan biji bal-school ama al-sneh hay al-dwam 27-sep =D
ana zh2t mn al-26ayf bs lma t3mlu amr aldin jibili :P ana b7bo
brnamj 3mr 5aled kteeeer 7lw lma 7rdto l2nk ktbtee 3no w 3jbni kteeer
w ana b7b brmanj 3la MBC asmo 5wa6er kteeer 7lw ho hl2 season 5 bs jd brnamj ra23 biji alsa3a 6:15
m3lsh ana b7ky kteer :P

 

tb mo ana i love u, w i like ur BLOG.. les ma Bt3teni tamla kel ma bzolek la 3ndeek la hoon??
:( 7lam ana z3none

Loool ana law bflat bedala3 ya waileeeee shu beseeer mdabe777 :P

sa7a 3ala albek lftooor bebe, bs laiki 3njd daleti 5 da2aye2 bezabt????

 

همسة

اليوم رحت نفس المشوار و كان في سياره صافه بنفس المكان وسياره الشرطه برضه موجوده, صفيت بالكراج و لما وصلت لسياره الشرطه, سألت الشرطي اذا ممنوع او لأ حكالي مش ممنوع :) لكن ما حكيتله عن اللي صار

للاسف هيك دايما بصير,عنا بالشغل مرات الموظف بقوم يصلي وبترك المراسل يقعد مكانه لختى يرجع, فورا بصير يصرخ و يهبدل المراجعين !!!!

سلامه قلبك يا قمر, للاسف في كتير نفسيات محمضه زي ما بقولو :(

وانا كمان كتير عجبتني, ان شاء الله لنهايه رمضان تكون متجمعه المليون ختمه, الله يقدرنا

وللمره التانيه بحكيلك المدونه وصاحبه المدونه تحت امرك :)
كتيير بتسعديني بتعليقك

Jehan

mashallah...allah yrda 3aleke ana lessa belgoz2 el 8 :$

7elo tkonee be vacation be Rsmadan,sarat m3ee 2awal ma t5arraget w kteeer 2enbasatet w2t-ha :D

6ayeb jebo kullag :) kteer zakee

wala yehemmek ya amar , 2ente ta3ale 3enna w 2elek 2a7la kaset 2amar eldeen walaw

7elw el program sa7, 2eset saydna Mousa kteer tafaseel ma kont 2a3rafha men 2abel :$

yeah kteer ba7ebo hal program kaman :D

JuJu

yes3edo eldalooooooo3 ma 2alazoo...

w ana love u 2aktar, 5ode elly beddek 2yah men el blog , el blog w sa7ebt-ha ta7t 2amrek :D

teslamee ya rab

besara7a !!!!!
La2 ... 15 min :") LOOOOL

 

الله يعطيكي العافية .. و صحتين الماش بوتيتوا .. بحبوا كثير بس والله ما حدا بزبطه .. دايما بطلع بطاطا مسلوقة

 

t3rfy ana awl mra bsm3 b7lw asmo klag ymken l2ny ma b3rf bal7lw al3rbi 3'ir a6aif w knafeh w bs l2no ma bn3ml 7lw 3rby kteer :P
2st saidna moussa kteer 7lwe alyoom kant w 7lw lma ra7 3la jnb nhr alnil =)
bal-nsba l2mr aldin 5l9 a7kili wenn bitkom w ana ra7 aji 36ool

 

Amjad

الله يعافيك يا رب :)
ماما بتعمله كتيييييييييييير زاكي
خلص قريب جدا بحط الوصفه :)

Jehan

kullaj 3omar ma bt3rafeeh ????
it is a will known name here in Jordan

2ezan beddek teje teshrabee 2amar eldeen w takle kullaj ....jad 2ente 2enwee w ana bajee ba5dek...betsharfeneee :D

 

5l9 anty btshrfy bs t3y bsr3a l2no a7na bdna nsafer no had al-sunday al-next sunday :D

 

Jehan

laaaaa 5alekom lal 3eed :(
belsalameh ya rab...bs dalek 6al6elee 3alena ya amar :D