Things I Like To Whisper About

Would You Hear Me Whispering

يوميات رمضانيه - 1

كيفكم وكيف كان اول يوم رمضان معكم؟؟
انا ما حسيت فيه بالمره يمكن لانه عطله...او لانه كان عنا عزومه و مشي الوقت بالتحضير!!!!
لمّا اذن المغرب انا ما كان نفسي غير اني اناااااااااام لا اكل ولا اشرب :$

صحللي من وقت لوقت خلال اليوم اقرأ شويه قرآن ...كل سنه و بفضل الله بختم القرأن بليله القدر, السنه ناويه ان شاء الله اختم القرأن اكتر من مره, ربنا يقدرني :)
للاسف ما رحت على صلاة التراويح الليله علشان الضيوف, امبارح رحت و كتير انبسطت, سبحان الله خشوع رهيب بصيب الواحد.


عاده اول يوم برمضان بنطبخ ملوخيه :) اليوم طبخنا مقلوبه بناءا على طلب ولاد عمي اللي كانو معزومين عنا -واللي هي اكلتي المفضله - عمي ومرة عمي بالمانيا عند بنتهم , فكل اسبوع بدهم يجو عنا ولاد عمي نفطر مع بعض, كتير بحب جلساتنا مع ولاد عمي كلها قصص ومغامرات و ضحك :)

انا حشيت القطايف اليوم وحملّت العيله 100000000 الف جميله, انو مش ملاحظين ان القطايف هالمره ازكى مره!!!! يسلمو ايدين اللي حشاهم!!!!! لا يا عمي في اتقان بالحشي و بتقدير كميات الحشوه ليش الحكي!!!
ولما ما حد صار يعبّر تعليقاتي اللطيفه سكتت :")

حكالنا ابن عمي اللي مشارك بمكتب للشغالات قصص جد غريبه عجيبه عن نهفات الشغالات وحركاتهم,قريبا راح اكتبلكم عنهم ان شاء الله :)



دعاء اليوم :)








ابتسامه اليوم :)




يلااا كل واحد يشيك فيس بوءّو و ينام
تصبحو على خير :)

15 التعليقات :

مممم
مقلوبة، طبختي المفضلة بس ان شاء كانت ببيتنجان
كان انا يومي جميل عملت فتوش و متبل و كثير كان زاكي و تسحرت على الطريق لعمان

 

انا والله ما زعلتك وشيكته ل فيس بوئي كتير منيح
الناس بتحب تطبخ ملوخية اول يوم كرمال تكون سنة خضرا والا منسف عشان سنة بيضا .. تب انتوا مقلوبة كرمال شو؟؟؟
كل سنة وانت والامة الاسلامية كلها بخير
ينعاد عليكم بالهنا

ميساء

 

يا عيني و قطايف من اول يوم
ما احسنك انا محملتم جميلة لاني عملت عصير برتقان فرش للسحور و انا بحكي فيه
احنا لهلا ما بلشت العزايم و اللي بسمع عزايم ؟
كل اللي بنعزمهم هون عيلتين
و دايما مسافرين برمضان كمان
:)
ان شاء الله بختمي القران اكتر من مرة
و يتقبل منك

 

Mohammad

مقلوبه زهره اللي بحبها
ومقلوبه بتنجان كمان :)
وطبعا فتوش اللي لازم يكون عالسفره كل يوم برمضان :)

صحه صحه...بركي انا كمان حطيت اكم من وصفه سهله التحضير كمان :)

مجموعة حياة

الله يرضى عليها القمر :)

احنا من هالمبدأ مميتو بتحب تعمل ملوخيه :)
لكن عملنا مقلوبه لان ولاد عمي طلبوها :)

وانت بالف خير يا قمر,علينا وعليكم يا رب

Jafra

احنا في عنا اكم من عزومه سنويه لا بد منها, بحب عزايم رمضان انا, صحيح عجئه وتعب لكن الجمعه حلوه كتير بتكون :)

يااا رب يقدّرني و تزبط معي

 

Ramadan Mubarak to you too. Enjoy it, I'm still facing the caffeine withdrawal effects

 

رمضان كريم ست ويسبر

وما بدي احكي عن يومي

كتفي لسا بيوجعني من جلي امبارح!!

 

صحتين على المقلوبة
:)
نحنا اليوم عاملين محاشي
كوسا ودوالي
;)

 

صحه وهنا يارب ... بس وين حصتي :(

يلاه هلاء برمضان بتكتر العزايم :D

يعطيكي العافية يارب

 

والله الصيام صعب، يمكن هاي حلاوته بمجاهدة النفس بالصيام. الله يعين.
وأكيد القطايف طلعت زاكية ما في كلام.
يسلمو عالإمساكية والأدعية.

 

احنا امبارح طبخنا فاصولياء خضراء (هاي شو بيطلع معناها عندكو) واليوم مقلوبة :)
أخوي ومرته كانوا بالعمرة من 5 أيام وولادهم كانوا عندنا...الله يهديهم ولاده ولا خلوني أحس أنه احنا برمضان ولازم أستمتع إلا لما روحوا اليوم..وكمان ما خلوني أقرأ قرآن..بعدني بأول جزء :(
شفت صلاة التراويح بالتلفزيون وهي والله اللي خلتني أحس بالسعادة :)
شهيتوني على قطايف وعصير :/

 

Tha2ir

thanks man :)
LOOOL what to do,kullo be2ajro inshallah :D

مياسي

علينا وعليكي يا قمر
الله يعطيكي العافيه يا رب...شو بدنا نعمل كلنا برمضان بنقلب جلاّيات :$

eNAS

على قلبك يا قمر
احنا تاني يوم كان فته مكدوس و فته سبانخ :)

 

قط البكتريا

على قلبك...تفضّل عنا و الك ازكى قطايف :)
الله يعافيك :)

Rana Al Sha'bani

الحمد لله شو بدنا نعمل كلّه باجره ان شاء الله
كتيييييييييييييييييير
الله يسلمك يا قمر

Dreamy Villager

صحه صحه بحبها انا الفاصوليا الخضرا
مممممم مش عارفه ...ممكن اشي اخضر برضه :)

جد جد بتجنن صلاه التراويح بالمسجد
بحس نفسيتي بتتغير للافضل كل يوم بعد الصلاه :)

 

Shu hl f boo2 7aja tjanen ya bt :P

walla nice post mnek ya whis ;)
7mdella ramadan shahr momayaz w allah y2drna 3ala kl she, w yt2bal mna.

Thankx 3l do3a2 :)

 

Shu hl f boo2 7aja tjanen ya bt :P

walla nice post mnek ya whis ;)
7mdella ramadan shahr momayaz w allah y2drna 3ala kl she, w yt2bal mna.

Thankx 3l do3a2 :)

 

JuJu

2ahlan w sahlan bel amar :D
loool el masryeen damhom 3asal besara7a :)

al7amdolellah, ameen yarab
menna w menkom ya rab :D