Things I Like To Whisper About

Would You Hear Me Whispering

عرسان وهميين



في موديل بشع بين البنات ما بعرف عنا بس ويلا بكل مكان, ان الاخت بدها تسوي حالها بتحبك بتقوم بتخترع موضوع ان في شب بدور على عروس و اول اشي خطر ببالي انت, عاساس بدها تعمل معروف معك

زي مره كنا بنشرب قهوه الصباح بالشغل, كنا تقريبا 10 بالمكتب و في بنت انا علاقتي معها اسطح من اسطحيه, يعني وين السطحيه انا فوق السطوح للسطحيه,جاي عند البنات اللي بنجتمع عندهم نشرب القهوهة مع بعض - فساد اداري بعرف :) - المهم واقفه و متركيه على طرف مكتب بتطلع علي وبتحكيلي باعلى صوت عندها " بدك تتزوجي؟؟؟" انا استغربت بحكيلها كيف يعني؟؟ بتقلي انت بدك تتزوجي؟؟ ضليت ساكته بتحكيلي في ابن بنت حماي بدور على عروس بنفس مواصفاتك, فازا بدك تتزوجي احكيلي وانا بدله عليكي....حكيتلها لأ شكرا ما بدي اتزوج, مع ابتسامه زرقا مش صفرا ولفيت وجهي وغيرت الموضوع.

الاخت شو متوقعه اني احكيلها ...كتر الله خيرك منشان الله دليه علي....معروفك ما بنساه طول عمري...ويا ريت تدعميني شوي عنده....جد كيف بتفكر او اعتقد اللي بتتصرف هيك ما بتفكر اساسا.... وطبعا ما رجعت فتحت الموضوع.

او بنت كل ما شافت خلقتي تحكيلي, بتعرفي بدي اخدك لاخوي فلان, بضل ساكته علشان ما احكي اشي يدايقها بعد سنه بتزوج اخوها فلان, بتصير تحكيلي بتعرفي بدي اخدك لاخوي علّان - يعني التاني - برضه ما بحكي وبضل ساكته بتمر سنه و بتزوج علّان , انا بالاخر بصير احكيلها شوفي انا ما بدي اتزوج الله يبعتله بنت الحلال اللي بتستاهلو, وهي بتضلها على نفس الموال وما بتستوعب.

غير المراجعين والمراجعات, يعني بفكرو البنت ميته على عريس فعلشان امشيلها معاملتها بسرعه , او ازا بدها تكافئني لاني مشيتلها معاملتها بتتطلع علي نظره حكمه وبتحكيلي, انت مش متزوجه صح؟؟ - مش انها اتطلعت على اصابعي تدور على خاتم لااا ابدا - بحكيلها لأ , ال انت والله عجبتيني وبدي ادل هالشب عليكي, بالبدايه كنت احمر و اخضر من الخجل هلأ صرت احمر واخضر من التعصيب , بحكيلها ومين هالشب؟؟ ال واحد, واحد منيح خلص هاليومين بخليه يمر عليكم , انا بحكيلهم شكرا كتير ما بفكر بالزواج انا حاليا :)
يعني حتى لو فعلا في عريس هلأ هاد اسلوب طرح للموضوع؟؟؟ مش هيك يا عالم مش هيك....
ممكن تحكو ان مش ضروري يكونو وهميين العرسان بكل الحالات, انا معكم بس مع الوقت صار عندي خبره باللي بألفو القصص و اللي بحكو جد.
وبلا من هالكم من واحد اللي راحو مع اللي فكرتهم بألفو :)

20 التعليقات :

ma elek ila tawli balek..el nas AZWAAA2 w fe kter nas ma btfham b she esmo ZOOOO2!! ya3ni ana ma bt2bl hl mawdoo3 mn aya 7ad..

a7sn she 7oti sign 3ala maktabek " kol el 3ersan marfodah ela ish3arn akhar" :D

bs lazm t3zrehom wloo.. sheklek 7lwei 3shan heek el 3rsan ( `7amsi w `7msesh) ktar ;) ;) 2oli 2oli la tst7i :P

 

ههههههههههههههههههههههههههه
طيب شو بدك احسن من هيك، هاي اجاكي عرسان وانتي مرتاحة.
بمزح اكيد، هاي العادات التي من الالف وتسعمية وخشبة لازم تنتهي وتخلص ويبطلو الناس يحكو فيها، لانو جد شي ما بدخل العقل،
بتحسي الزواج متل واحد بشتري بيت او سيارة، بروح بشوف فيا اما بعجبو او لأ،
بس و الله ضحكتيني من القلب على:
"و في بنت انا علاقتي معها اسطح من اسطحيه, يعني وين السطحيه انا فوق السطوح للسطحيه" ههههههه شو هالشرح الخنفشاري هاد؟؟

 

msh 3arfeh sho wd3 el nas !!!
k2no mafee 2ela had el mwdoo3 !!
3njad bde a2olk thx l2nk btfsheele 5la2e w bt7kee ele b2lbee l2ne bst7ee a7ke hl2esas bljor2a tb3etek m3 eno mafeeha she !! bs 3njad k2nk 2a3deh b2lbe bm3zam el 2esas :)

 

Jumana

Ah ah ana bajannen :D

LOOOOL I like the idea :D

hommeh befakro elbenet ma fe fe balha 3'eer elzawag :S

Mohammad B.Irshid

هيك اشياء بنلتزم فيها و ما بنوقفها....بالزبط كأنها بيعه وشروه ..والسعر على حسب البضاعه :(

هههههه ما انا بدي اوصل سطحيه العلاقه اللي بيني وبينها..هو بالعربي مش كتير بطيقها :$

 

جد شي بعصب لمن يكون واحد محتاج شي و يجي واحد يحكولو شو رايك اعطيك اياه (طبعا لا اقصد انك محتاجه حد يدل عليكي ) بس انا بحكى بشكل عام يا اخي بدك تعمل خير ما في داعي تذل اللى قدامك عشان يحكيلك اه بليز

روحي الله يجوزك

 

Maroo

Ana kont mfakreh 2eno hay mo3anatee elsha5syyeh...bs 6el3oo kteer banat be3anoo metly

yalla bafesh 2albee w 2albkom :D

 

Anonymous

انا اللي بعصبني ان اللي بحكيلي هالحكي بفكرني محتاجه الزواج كتير وكأنه بعمل معي معروف وما بكون في موضوع زواج اساسا بس هيك عاساس بكسبني و بصير بدي اعمل اللي بده اياه

الله يزّوج الجميع :)

 

loooool
wala eshi...
Ana iza wa7deh bte3mal ma3i heek mawqef ba2ollha shokran, 5aleena 7abayeb a7san ma nseer nasayeb ;-)
O fe3lan enno eshi bejle6... ya 2a5i shakeetlak/lek eshi? 7akeet enni metday2a? Shayfeeni dab7a 7ali 3aljeezeh? Eli bedo yersheeni yjeebeli lo7 swiss chocolate befre2 ma3i meeeeet marra aktar men el 3arees loooool
Sa7 balla?

 
قط البكتيريا ...

عجبتني مدونتك بدي ادل مدون عليكي
بدور عبنت حلال مدونة زيو ..

طيب بدل مايدبرولك عريس يشوفولك شغل احسن :D

 

I wish the people that comes to you proposing, can come to me and get me a job, then both of us would be happy, you get rid of them, and i'll get a job,,, id3ee...

ya rab!!

:D

 

Naryat

Nice nice beddy 2aseer 2ast5demhaa " 5aleena 7abayeb a7san ma nseer nasayeb" LOOOOL 5alas sarat be my dictionary :D

LOOL kteeer sa7 :D

قط البكتيريا

هههههههههه برضه فكره
بحكي لوحده قريبتنا عن موضوع العرسان الوهميين , هي تعدت ال 50 و مش متزوجه, بتحكيلي انا لأ لانهم حاسين انه ما في امل بجيبولي عروض عمل :)
فشكلها جاي عالطريق عروض العمل :)

 

Ala JA

AMEEEEEEN ya rab :D

the problem with them 2enhom ma bedhom yfedoo 2asasan :S

bs zana5et mo5 b3eed 3annak

but Inshallah soooooooooooooooooooooooooooooooon betla2ee el job 2elly beddak 2yaha :D

 

Masa el ward ,,,

bas 6aree2etha hay el bnt ya hamsa b el 7akiiii ennu zay ely beddhu
y7ammel jmeeeleh w ka2nnu lawlaaaaay ma kuntee etzawajte :P lol

allah yhade bal el jameee3

 

ya masa elward Razan :D

exactly ...ana weaha ma ben7eb ba3ad kteer fa bedha zay elly t7regnee y3nee, w bedha el kull y7dar halmosalsal
fa ana nahetoo men 2awaloo :D

Ameen ya rab

 

طبعا لازم تبوسي ايدك وش وضهر مش صاحلك زلمه؟

 

مهي المشكلة انه الزواج صار صعب و الوحدة منكم بتتأمر على الشب ياريت لو تنحف شوي لشو انتا هيك ، و الثانية بصير تلبس عدسات علشان يصير لونها ازرق (مع العلم انه لون عني اخضر طبيعي) فلشو العدسات و الثالثة بس لو معك مرسيدس مش لانسر كأنها بدها تتزوج السيارة مثلاً

على فكرة بدي آخذك لأخوى شو رأيك

 

عجبني اللي حكيتيه ووصفك وعجبتني التعليقات كلها..وبدي أقترح على Anonymous وقط البكتيريا
يعملوا مدونات اذا ما كان عندهم..آراءهم بتعجبني وحاسة انه عندهم حكي بفيد.
بس عندي تساؤل..ليش الناس دايما ميتة بدها تجوز بعض..يعني دايما فيه ناس بجمعوا بذاكرتهم ليستة عرايس وعرسان..فاذا أول واحد ما عجبته البنت اللي حكوله عنها بدلوه عبنت ثانية ..والبنت الأولانية بدلوا شب ثاني عليها..عن جد مش فاهمة..يعني اللي مااتزوجش كثير خسر بحياته..ممكن حدا يكتب بهل موضوع ولا أكتب أنا اذا ما حدا بده يبادر ..

 

مياسي

شايفه يختي, يعني العالم بعملو فيي معروف وانا ولا مقدره :$

Anonumous

الوحده منا هاي حالات نادره, موجوده بس نادره
ما بنكر انكم بتواجهو قصص طرمه زي ما بنواجه :)

شو بشتغل , وكم راتبه, وشو نوع سيارته, وقديه معاه بالبنك, و..و...
اعطيني كشف بهالمعلومات وبفكر :)


Dreamy Villager

وانا معك ويا ريت لان فعلا عندهم اسلوب حلو و هيك بشاركونا بارائهم بشكل اوسع :)

في ناس بحبو يحملو هم ومسؤوليه العالم, بس المشكله انهم بتصرفو بطريقه بتأذي العالم اكتر ما تفيدهم

يا ريت تكتبي انت
:)

صدقيني بتفش القلب الكتابه

 

والله يا همسه ضحكتيني بس وينك ذكرتيني في صاحبه الي وانا في الجامعه كانت تحكي الي والله اني بحبك وبدياكي لاخوي بس خطب اجت تحكي وانا يعني مش حاطه في بالي بتحكي لا تزعلي سوزان والله عندي ابن عم بياخذ العقل انا بصراحه هون مخي ضرب شرط وحكيت ومن دون وعي يعني ما داموا عاجبك ما تتزوجي يا ختي فقعت مرارتي بالحكي فاضي شو شايفتيني على باب المسجد باحكي لله عريس

 

sozan

هههههههههه يعني بدها تلاقيلك عريس مهما صار,بس جوابك كان كتير حلو, مادامو عاجبك ما تتزوجي يختي ههههه
هيك بحسسو الوحده انها مسكينه و بدهم يتعطفو عليها بعريس
بفكرونا لسا عايشين بالقرن ال 18