Things I Like To Whisper About

Would You Hear Me Whispering

حمله تغيير المبادىء



اكتشفت خير اللهم اجعله خير ان بس يكون الموظف - بغض النظر عن موقعه و وظيفته - لما يكون صاحب مبدأ ,و ارضاء العملاء او المراجعين او المواطنين, هو اهم انجاز بالنسبه اله, وبشتغل شغله على اكمل وجهه , و ما بستغل منصبه باي طريقه, وبرفض اشي اسمه واسطه, هاد الانسان بكون ملطشه العالم, و جميع حقوقه مهضومه و محروم من الحوافز والمكافأت, ولا يمكن حد يفكر يحط اسمه باي لائحه تميز مهما كان مستوى هالتميز.

اما الانسان اللي بلف وبدور وما بلتزم بدوام رسمي او غير رسمي, وبستغل منصبه لتوظيف اقاربه وابناء عموميته, و بستغل منصبه بالعطوات والجاهات و اكل حقوق الناس, و الواسطه بكون اسمه التاني قد ما هو مرتبط فيه, واللي المواطنين مش راضيين عن ادائهم
هدول بكون كل العز الهم, سيارات بدون جمارك, حج ببلاش , رواتب من 3 خانات, و اخيرا تدريس مجانا لاي 10 طلاب من اختيارك .....طبعا احنا متأكدين ان لا ابن اخو ولا ابن اخت راح يكون من ضمن هالاسماء
واكيد راح يصير دراسات اجتماعيه لكل المتقدمين عن المناطق و اختيار الاسماء يتبع لأسس ومقاييس حسب درجه القرابه واسم العائله والنسب....عفوا قصدي حسب نتائج الطالب ونسبه ذكائه.


يا سلااااااااااااااام
شو بنفهم من هيك؟؟؟
ان اللي ما عندهم اخلاص بالشغل............و اللي ما عندهم أي انتماء لاي اشي بالحياه غير لنفسهم .......واللي بنادو بأسوأ القيم همه اللي بعيشو وين ما كان موقعهم بهالحياه

فشو رأيكم يا جماعه؟؟؟
نصير من اصحاب الذمم الواسعه و اصحاب اللا قيم واللا انتماء ونعيش بعزّ ؟
ويلا نضل اصحاب قيم ومبادىء وماكلين....... هوا؟؟؟

سبب الاكتشاف

10 التعليقات :

راي انه الواحد عاش هالعمر هدا و هو على مبادي و قيم خسارة تروح بلحضة و ع فكرة اللى شايف حاله متتميز بشغله و عنده مبادئ و قيم مو بالضرورة يسمعها منها الناس او يستنى مقابل لانه هدا شي بينه و بين نفسه و بعدين في ربنا بكافئنا شو بدنا احسن من ملك الملوك يكافئنا قدام كوووووووووول البشر

 

ييييييييه شو زهقنا من هالسوالف

انشاء الله بنشوف الحكي مع بداية السنه الدراسية الجديده,, و اذا طلعت القصه جد رح يحملونا جميله من هووووون ليخلص أول فصل ..

أنا بعلن من هذا المنبر إني ما بدي مساعده لووووووول :) :)

 

ضيف\ضيفه المدونه

اكيد انا مش مع تغيير المبادئ بس كلامي نوع من انواع التهكم على نظره هالعالم بالنسبه للي بصير

الحمد لله ان كل شي عند ربنا معروف...ومعروفه النيه والقصد من وراء كل تصرف بحياه الشخص...وان شاء الله نكون من اللي راح يتكأفؤا :)

Ashwaq

المشكله كل فتره وفتره بطلع قرارات غريبه....العالم مش لاقيه تاكل و هات يا ضرايب...بعدين ضرايبهم بتروح عاشياء مش منطقيه و معروف انها موجهه لفئه معينه من الناس

يلااا بس تداومي شوفيلنا النوعيات اللي استفادو واحكيلنا :) ان شاء الله يخيبو ظنا ويكونو ماخدين ناس بستحقو

 

والله اللي انا شايفه انه الواحد يخلي ضميره متل الكوشوك بمط على حسب الحاجة!

 

فعلا انو اشي بحزن لما تقرأ هيك اخبار , طبعا اغلبية كبيرة من اللي حتوخد هاي المساعدات لا هي بتحتاج ولا بطيخ, عش رجبا ترى في الاردن عجبا

 

1/2Bane2adam
اهلا وسهلا فيك بمدونتي :)

انا بشوف الكوشوك جامد و يابس و تنح و ما بتزحزح :)

Ahmad Hamdan

المشكله ان هالاخبار مش راضيه تخلص و لا راضيه تكون اشي بسرّ القلب :(

 

والله يا همسه شكله الواحد يصير نائب عمل مربح والكل مستفيد ما شاء الله كل يوم والثاني وهمه بيزاحموا خلق الله اللي ما الهم لا عيله ولا اسم يستندوا عليه بس ما بنحكي الا حسبي الله ونعم الوكيل وبالك 9% هاي هدول اكيد قرايب النواب

 

صباح / مسا الفل سوزان

انا كنت مفكره ان النائب بتعب زي "كبير القوم خادمهم" بس طلع بتعب لمصلحته بس

ولا حتى 9% ,لكن شكلهم استحو يحطو 0%... هلأ بعد هالقرار ممكن توصل ل 7% واللي همه القرايب :)

 

بس الحمد لله انه في كم من واحد رفضوا المعونات الجامعية و على قولة المثل: ان خليت بليت :)
ما بقدر احكي غير الله يهديهم

 

Allouh

الحمد لله, لسا في ناس براعو حق الله وحق البشر بشغلهم