Things I Like To Whisper About

Would You Hear Me Whispering

احلام وافلام..وقصص طرمه :$


اليوم روحت من الشغل كتير تعبانه ففضلت انام على اني اكل او اعمل اي شي, وفعلا هاد اللي صار.

غفيت فورا و بلشت الاحلام اللي ما الها دخل, قصص طرمه عن جد...عميله سريه و بالمطار كنت, وانا هاربه منهم فجأه بالشارع ماشي ابو صياح و بتحكي معه جينفر لوبز, ايون جنفر لوبز و كيت هدسن, وعلشان يزبط مع وضع الاكشن اللي انا فيه كانو بالابيض و الاسود وبحكو عربي, ما تسألوني كيف هيك الحلم كان.....بحكيلكم قصص طرمه من الاخر :$

مش هاد موضعنا, وانا لسا بدي احكي مع وحده منهم ,صحيت على رنه موبايلي السايلنت - ما بعرف ايمتا بدي ابطل هالعاده و ابطل اصحى من اقل ضو - المهم انا بما اني لسا عايشه ضمن عالم الاحلام فكرت الدنيا صارت الصبح و اني نايمه بالليل مش العصر, بنص فانيه - اقل من الثانيه هاي - كنت ملزقه بالساعه المعلقه على الحيط, شايفتها 5:30 بس مش مقتنعه , صاحبتي بتحكيلي "الو" بحكيلها "كم الساعه كم الساعه" بتحكيلي " نعم, كيف يعني؟؟؟" وقلبي صار يدق كل دقه ما الها دخل باللي قبلها وبسرعه " تك دف دوف تااك تيك داف" هو كمان يا حرام مش فاهم شو صار.

فتحت باب الغرفه و صرت الف على ساعات البيت وافكر " طيب ليش ماما ما صحتني على صلاه الفجر " و صاحبتي بتحكي معي وانا ولا انا هون, فجأه سمعتها بتحكيلي " يا علي ان شاء الله, شكلك كنتي نايمه" هون بدت الذاكره ترجعلي شوي شوي و تزكرت اني نايمه العصر, ونزل علي الضحك و بطلت قادره اتنفس و لا قادره اسمع شو بتحكي صاحبتي, حكتلي انها بترجع تحكي معي كمان شوي,سكرت الخط رجعت عالتخت علشان اخلي قلبي يهدى شوي , و هات اني اعرف اوقف ضحك, صار هالموقف معي اكتر من مره بس مش مع حلم ابيض واسود زي هالمره, و اجت ماما على صوتي وانا بضحك " اسم الله عليكي, ابوكي بحكيلي شكله البنت صحيت, بقولو لأ لسا يا دوبها نامت " واجت مميتو تمددت جنبي و حكيتلها المغامرات و انا بضحك ويا دوب قادره احكي :)


13 التعليقات :

عن جد ضحكتيني على هالمسا
صار في موقف زي هيك بس انا على طول فكرت حالي متاخرة و غسلت على السريع و لبست و حضرت اغراضي و رايحة على الماما لاصحيها
لقيت الكل ميت على حالوا من الضحك في الصالة و قاعدين بتفرجوا علي
بس من دون ما تحكي جينيفر لوبيز عربي

 

هههههههههه, هاي الشغلة صابتني على اخر فصل الي بالجامعة بعد ما خلصت مشروع التخرج لدرجة انو كنت نايم مرة عند صاحبي صرت امشي وانا نايم لحد ما طحت طيحة محترمة, شكلك كاين عليكي شغل كثير هالفترة؟؟؟؟

 

هاهاهها ... صح النوم .. هاهاا,,,
شي طبيعي الأحلام إلي ما إلها علاقة باللياقة ... و الأكشن و الناس إلي ما إلها دخل ... ..
تحشيش .. بتصير يا بنتي .. بتصير :)

 

لوول

صح النوم يا قمره :) منيح اللي ما وصلتي شي اكتر من هيك !!

 

Jafra

وانا صغيره ايام المدرسه صار معي هيك يوم جمعه, غسلت ولبست وبالاخر بحكي لأهلي باي وهمه بشربو قهوه, انصدمو اهلي وقتها :$
لااا احلامي اشي من الاخر مش دبلجه...لا لا لا بتحكي عربي :)

Ahmad
اه بصراحه ...وكمان عنا عرس ولسا مش مقرره شو البس و هالقصص فشكله ضل تفكير بالموضوع وضليت خايفه اتأخر :)

يا الله المشي و انت نايم دليل على ضغط كبير, هي ايام المشروع ما فيها نوم كانت الحمد لله اللي خلصناها

 

رزان
الله يسعدك يا قمر :)
لا وعميله سريه وبهرب من المطار...لو شفتيني وانا بنط وبهرب من الاعداء ههههههه جد تحشيش :)

مياسي


تصحّي وتدومي...هيك بحكو صح ومرات بحكو يصح بدنك :)

شفتي اختك واحلامها...اغلى الممثلين بجيب بافلامي..قصدي باحلامي هههههههه

 

loooooooooooool
hai 2aflam el nom wel 2a7lam dayman betseer ma3i... bs t3allamet kteer mnee7, 2awal ma as7a ma ba7ki wala ba3mal eshi la7atta atfarraj 7awalai betafa77os o asta3eed zakerti shwai shwai... b3deeha babalesh atfa3al... y3ni law s7eet la2eet el beet 3m yanhad ma bat7arrak la7atta at6aman enno had 3anjad mu 7elem, o afakker ana belzab6 ween o kef a2sar taree2 lalma5raj :-)

 

Naryat

heak elmafrood 2aseer 2a3mel...because this happens to me frequently these days :S

 

hahahahaha :) bs el7lm kan 3arabe wela mtrjam ?? hahahah :)
nom el 3wafee ... wma t2la2e btseer b27san el 3a2elat :)

 

Maroo

laa 3arabee...la mtargam wala mdablag...3endy 2entema2 7atta bel2a7lam LOOOL :D
allah y3afekee ya rab

 

wallahee fakaret bas ana elle ba7lam heek tashreet jadd ba7es 7alee marrat fee kawkab action loool

yaa 7aram wallahee 7azantenee 3alekee ana law mennek basaker el telephone w barja3 banaaaaaaaaaaam :D

 

شكلك بتحبي الافلام العربي القديمة كتير؟؟

 

SimSim

yaaay al7amdolellah 6ele3 fe kteer nas metlee :D
shaklo heak lazem 2aseer 2a3mel :S

Ahmad M.Al-Mahrouq

اولا الحمد لله على السلامه :)
اذا فيهم شاديه او فاتن حمامه فكتيييييييييير بحبهم :)

بس هاد فيلم حديث ابيض واسود يعني فن تصوير :)