Things I Like To Whisper About

Would You Hear Me Whispering

ضرب الحبيب متل اكل الزبيب ...


كلنا بنعرف ان كل جامعه لا تخلو من طوشه طوشتين كبار بالسنه
وبكون السبب الرئيسي بكل مشكله هو....البنات :)

في يوم من الايام كنا بمحاضره ال 8 وما في حد غيرنا بالطابق و فجأه طلع صوت بنات بصرخو, كلنا بنصف ثانيه و الدكتور معنا صرنا بره

المشهد يا اخوات و يا اخوان كان صدمه للجميع
بنتين ماسكين شعور بعض , والارض كلها كتب, وبصرخو وبسبو على بعض, وعلى طرف الدرج شب واقف مكتف ايديه وبتفرج

اللي فهمناه من بين المسبات والحكي , ان الشب كان صاحب وحده فيهم, وبعدين التانيه اعجبت فيه فصارت بدها اياه يكون صاحبها, والتنتين عم بيتقاتلو عالشب وهو واقف بدو يشوف مين اللي بدها تنتصر علشان يروح معها.

انصدمت انا, وما قدرت استوعب كيف ممكن بنت تهين حالها علشان مين ما كان يكون.... بالاخر صرخ فيهم الدكتتور ان احنا عنا محاضره وروحو تقاتلو بمكان تاني.

طوشه تانيه صارت واحنا بننزل من الباص الصبح نزل الكنترول و الطلاب بنزلو من الباص واحد واحد و وحده وحده, واحنا بننزل سمعنا صوت حد ضرب حد كف وصوت بنت صرخت, واذ بالسيد الكنترول ضارب بنت كف!!!!
طبعا الشباب حسو حالهم مسؤولين عن البنت و ولك يا كلب كيف تمد ايدك عليها ومن هالحكي وبدهم يهجمو عليه
الكنترول بكل هدوء حكالهم " ما حد يتدخل بيني وبينها" والبنت واقفه مكانها و لسا ايدها محطوطه على خدها...انا فكرت المسكينه موجوعه و مصدومه.
الشباب هجمو عالكنترول وبدهم يترفشوه واذ بالبنت بتحكي " ضرب الحبيب زي اكل الزبيب"
سادت لحظه صمت الكل فتح عيونه على مصارعها...و بدو الشباب بالمسبات عالبنت ابسط اشي كان " اتفووووووه عليكي و عليه وعاللي بده يدافع عنك يااا....بييب بيييب" انا طبعا من الناس اللي اختفو من ساحه الباصات بلمح البصر.


لهلأ مش مستوعبه شو ممكن تكون بنت جامعيه تستفيد من علاقه هبله مع كنترول باص؟؟؟
الله يعين بعض البنات على عقلهم....بدو يجيب اخرتهم لانه

16 التعليقات :

عالم عاوزة حرق بكاز معفن, ذكرتين بالفيديو اللي كانو في بنتين ذابحات بعض ضرب وحكو من عنا بالهاشمية , هاد الحكي اللي انت كاتبيتو بالتسعينات اول ما فتحت الجامعة فما بالك هلأ, الله يعين العالم على عقلها

 

اهلا احمد
هالحكي بالزبط بال 98 بالجامعه الهاشميه :)

الفيديو شفته انا...جد بخوفو هالبنات مجرمات :(
بس ما صار على وقتي وصلني عالموبايل

جد الله يعينهم على عقلهم

 

بعبّو يا بابا :)
ايّام جامعتي.. هربت صبيّة من هالصبايا مع شوفير تكسي (مع الإحترام للمهنة طبعا) على قبرص بعد ما سرقت من امّها 20،000 دينار .. شو بدّك احلى من هيك؟

 

قويدر

عبّها برص ان شاء الله

هاد البنات فايعيين من زمان وانا مش عارفه....

الله يرحم ايام الجامعه كانو يحكو عني رجل الي من كتر ما انا شاده على حالي هههههه

 

هههههههه

مش معقوله انتي!!!

من ساعتين بحكي لبنات عمتي عن هوشة بنات صارت على أيامي بنفس التفاصيل بالزبط بس للأسف ما كنت حاضره!!

على فكره بحس هوشة البنات بتخوف أكتر جد!!

بالنسبه للكونتروليه ذكرتيني بكونترول باص كان حليوه يا عيني عليه نص بنات الجامعه مصاحبينو ولا على الرانديفو بالباص اخر النهار اشي من الآخر:)

كاينه شب بالجامعه؟ ومين سمعك ياختي سيم سيم رفيق :)

 

أستغفر الله العظيم....اشي مقرف....

 

Really disgusting, and the only problem is that we still brag about our advanced education system!!

 

صباااح الخير ...
كيفك ....
ولا إشي .. هاي السخافة بأم عينها ,,,هاهاا ,,,,
بس تحشيش هاي تبعت قبرص .........إلي حكى عنها قويدر...
و هاي إلي الكونترول يضربها كف !!! هيك الحب .....!!!!!!
الحب أرقى من هيك .......
أستغفر الله ...
يا ستي في ناس هيك عقلها شو بدك تعملي ....

المهم ... بتمنالك نهار سعيد :)

 

مياسي

سبحان الله قلوبنا عند بعض اذا :)
انا شفت الطوشتين صوت وصوره :)

من بعدها صرت انتبه للبنات اللي بحكو مع الكنتروليه, ما كنت انتبه يختي, يا دوب اقاوم النوم كنت بالباص :$

لاااا شب شب كنت و كشره وبوز شبرين...بعجبك :)

Ala' JA

جد اشي مقرف, الله يعينا عاللي جاي

 

Tha2er

The problem is with some of our youth
Simply....they are stupid :S

رزان

صباح الورد :)

هاي تضحيات علشان الحب....ممكن اله مفهوم تاني الحب عندهم احنا ما بنستوعبه... اله ارتباط مباشر بالهبل مثلا :)
بالزبط هيك عقلهم الله يعينهم

 

والله مره شفت هوشة بنات بالجامعه الهاشميه يمكن بس زمان والله ...

بس هاي ألي بتحكي ضرب الحبيب زي أكل الزبيب لازم توخذ جائزة الدوله التقديريه ...
والله يا همسه فيه أشياء ما بدها تعليق

 

YA 3ayni.. shu hl sm3a el 7lwe 3n el baneet ya saleeem!!

ya setii control bus, shofeer taxi.. msale7 bawabeer el gaaaaaaaaaaaz,, ana ma 3ndi mshkli bs eji w kl atleh elha 7sab..Jk!!! :D

hehehehe.. 3njd shu hl baneet haw.. lah lah lah..

da`7leek shu `7lyna lel shabeeb??

 

بعبو ااااه ؟؟؟
ولا اشي .. عنجد احيانا بحس شعبنا بدو 100 سنة ليتحول لفصيلة البني ادمين على كتر ما بنسمع سمعات !!
شو هاد ؟؟ الحمدلله اخر شي بفكروا فيه الشرف و الدين !!!

 

امجد

اللي عالموبايل يمكن؟؟؟
انا ما شفت غير هاي الطوشه لايف و ما سمعت بغيرها وانا بالجامعه

لانه ما في كلام يوصف هالتصرفات

Jumana

LOOOL 2eshee berf3 elras :D
hal2ayam elshabab bado ye7koo lal banat "3eeb 3alekom ma 3endkom 2e5wan 2ento 2ehe2 2ehe2" :S

Maroo
عب من القلب بس مش حيا الله
ههههههه عجبني التعبير كتير "ليتحول لفصيلة البني ادمين"

لااا شو شرف و دين المهم الموضه و الفاشن و العلاقات الاجتماعيه
الله يعينا عاللي جاي

 

أههههههههه يا همسه يا حبيبتي كل وحده وترباتها ومستواها في بنات تدخل الجامعه بس علشان تصيد عريس وهدول من هالنوعيه فلا تستغربي ولا ع بالك

 

Sozan
بس يعني المفروض في نضج معين بتوصله البنت او الشب بسن الجامعه...

بالنسبه لتصييد العرسان والله في بنات بس هاد هدفهم و للاسف مرات هدف اهاليهم كمان