Things I Like To Whisper About

Would You Hear Me Whispering

انا بحب 100 ولد


صاحبتي متفقه هي وبنتها اللي عمرها 7 سنوات انها تحكيلها عن كل شي بصير معها
و حكتلها اذا حكيتيلي اللي صار بدون ما تكزبي او تخبي علي اشي ما راح اعاقبك

امبارح البنت اجت لامها بتحكيلها
ندى : ماما امبارح بنت عمتي حكتلي اشي و حكتلي انه سر وما بصير احكي لحد, بس انا مش حاسسته سر - بنت عمتها بالصف الثالث الابتدائي.
الام : ايش حبيبتي ..ايش هو السر؟
ندى : بنت عمتي حكتلي انها بتحب ولد, و كاتبه عالدفتر قلب حب و حاطه حرف اسمها و حرف اسم الولد اللي بتحبه
الام : بتحب مين يعني؟؟
ندى : بتحب احمد ابن عمتي, بس انا حكيتلها انه عادي, حتى انا بحب 100 ولد.
الام : بتحبي 100 ولد ؟؟؟؟
ندى: اه بحب اخوي محمد و اخوي عبد الرحمن و بحب بابا و بحب عمو و بحب خالو وبحب....وبحب...

الجيل الجديد بحسّه اوعى منا بكتير, وكتير قليل اللي بعيشو طفولتهم متل ما عشناها واللي ندوووش منهم , يعني بتزكر انا بالصف الثالث كان اكبر حوار يصير بيني وبين اللي بعمري, ان الباربي تبعتي احلى من الباربي تبعتك, وفستانها احلى.

او اني اتسلق عالباب زي اللي بالصوره فوق و احس حالي عامله انجاز وكل ما يجي حد من ولاد العيله اتشطر قدامه, واعطيه الوصفه, ما بصير تكون لابس جرابات و بلل رجليك علشان يلزقو منيح :)


اني احكي عن مشوار الملاهي اللي حسيته زي الاحلام, او انّا نضل نضحك بدون سبب خصوصي بس اجتمع مع بنات خالتي و نكون قاعدين بجمعه والكل ساكت , وماما وخالتو يجحرو فينا واحنا هات يا ضحك, على شو ما في سبب :) .

جيل اليوم مش ناضج وفي منهم ما بنضجو بالمره, بس معلوماتهم اللي ما الها لزوم ومش مفيده بحياتهم بوقتها ما شاء الله بتألف مجلدات منها!!!

اكتشفت اني بحب 100 ولد وانا مش عارفه...اخرهم عبود ابن اخوي :)
شكرا ندوووووش

11 التعليقات :

Hahahahah
والله انا جذبني العنوان بالاول
بس جد انها نهفة

بس همسة انا شايفة انو عاادي يعني شغلو انو كل واحد يشوف الجيل اللي اصغر منه مايع وبلا عقل وما بفكر
بحسها شغلة موجودة من قبل ... يعني هم كمان الهم احلامهم متل ما جيلك كان اله ... بصراحة انا بلوم العصر وكيف كل شي اتطور ... زمان ما كان مطلوب منا نعرف كيف نتعامل وكمان الاهل بدهم اولادهم يحلقو كل شي .. ويتطورو,وهالشي خلانا نشوف انو جيل اليوم ما عنده شي عليه القيمة , مع انه بحسدهم مرات على كتير اشياء موجودة بعرفوها ونحنا لوصلنا لهالعمر لحتى عرفناها , وبحزن كتير مرات لانه ما عم بيستمتعو بشغلات صغيرة وممكن تكون مملة , بس هي اللي الها اثر على عقلهم و نموهم

الله يخليها هالبنوتة لاهلها واخوانها
:) :*

 

عادي ان في اختلاف بالتطور..بس مش عادي انهم ما بعيشو طفولتهم, وزي ما حكيتي ما عندهم تقدير لحد ولا لإشي

تسلمي يا رب...امييييين :)

 

loooool
wala eshiiiii...
lessa mbare7 kont a7ki belmawdoo3 m3 2o5ti, 2o5ti az3'ar meni be 9 sneen, o knt 2a3deh 3m ba7kilha 3n el 7ob ayyamna keef kan, 6ab3an ba7es 7ali 5etyarah bs 2a33od 2a7kilha... o heyeh mbare7 fa23at do7ok 3aleena 2adma 7assatna konna bare2eeeeeeeeen... 7ob ha, 3m ba7ki 7ob!! o qesas mal7ameyyeh, bs 3anjad kanat baree2a... walla kanat 2esas 7elweh :-)
6ab3an had el 7aki konna b3omor 15-18 saneh, amma 3n saf talet o rab3 ensi el mawdoo3 :-)
Konna nel3ab Zoro bel7ara :-D

 

hhhahahahahhehehehahahahahaha.
Masha2a allah 3alaiha sho zakeyeh allah y5aleeha la 2ahelha ya rub.
be5sos jel el yom be7ko eno jeel ma benfa3, ana be7ki la2 , jeel ra2e3 o fahman el 7aya sa7, shatren o wa3yeen aktar mena, tab3an mesh el kol the majority of them.
ana bs 2arait title el post ensadamet 2olt ya lateef, bs jd enbsatet men kol 2albe be hal post.
Thanks hamsa

 

هههههههههه

معك حق؛ الاولاد هالايام في معرفه كتير بس درجه الوعي شبه معدومه

تعالي عالجامعه وشوفي!!

 

لوووووووووول,,, قلبها كبييير بتحب 100 ولد ... بجد الله لا يكبرها عمرها 8 سنوااااات و بتحب ... هاهاها ...
تحشيش .. بتزكر زمان كنا عايشين بجد الطفولة تبعيتنا .. و كنا زي ما حكيتي نفكر بالباربي و شو صار بالكرتون الفلاني ,,,
أما جيل هاي الأيام أعوذ بالله ... كل شي بيعرفوا ,,,

 

Naryat

LOOOL 3agbatnee 2esas mal7amyyeh :D

2e7na 2aza 3agabna wa7ad w men doon ma ne7kee la 7ad wala n7keloo konna n7es belzanb, halla2 3elaqt w telephonat w chatting allah y3enhom 3ala 7alhom :D

ana konet 2al3ab qlool :D

Mohammad
Ameen ya rab...2elha nhfat kteereh 7bebtee :D
ana ma b7kee ma benfa bs 7armeen 7alhom me 6ofolet-hom besh3'lat far6a :D

LOOOOL halla2 sort shayfeh el3enwaan 5a6eer :S LOOOL
u most welcom...thanks for ur sweet words :D w ahla w sahla feek da2eman

 

مياسي

الوعي و النضوج مختفي عندهم
اخوي كان يحكيلي قصص...بحكيلي البنات هبايل...بحكيله لأ والله على زمنا ما كانو هيك او الاغلب مش هيك....

رزان

والله بكير على هالقصص, يعني ضاع معنى الطفوله
شو بدو يصير معها بالثانوي....الله يستر :$

 

"و اني اتسلق عالباب زي اللي بالصوره فوق و احس حالي عامله انجاز وكل ما يجي حد من ولاد العيله اتشطر قدامه, واعطيه الوصفه, ما بصير تكون لابس جرابات و بلل رجليك علشان يلزقو منيح"

Very nicely put :p

 

على فكرة ... هالقصة اليوم كانت موضوع محاضرة علم النفس لليوم ... احلى محاضرة بكل الصيفي ... صح مش مادة تخصص ... بس حلوة

 

Anonymous

LOOL glad you liked it :D

Ahmad

لااا طيب احكيلنا شو كان الرأي السائد ان وضع الجيل الجديد منيح ويلا لأ؟؟؟