Things I Like To Whisper About

Would You Hear Me Whispering

ياااي شفتو المسلسل التركي الجديد؟؟؟

جد جد جد زهقت من المسلسلات التركيه, افففتتتتتتت كل القنوات صارت متخصصه بالمسلسلات االتركيه المدبلجه, وانا من الناس الي بكرهو المسلسلات المدبلجه, و المسلسلات اللي بتطول وهمه بعرضو فيها.

يعني ممكن احنا كنا من الناس القليلين بالاردن اللي ما حضرو كساندرا و لا تابعو ولا نص حلقه منها.
صاحباتي بالشغل من وقت نور و همه كل يوم الصبح مع فنجان القهوه لازم يعيدو اللي صار في حلقه امبارح بكل لفته و كل نظره, حتى مرات بصيرو يحكو عن الاكل اللي كان على سفره الفطور في مسلسل نور!!!!

زهقت و قزيت و كل ما نحكي خلصنا من واحد بيجينا واحد تاني, ويلا الدعايات اللي بحطوها للمسلسل , قبل كم يوم بحكو عن مسلسل جديد, الاخت اللي بتشوقنا لنحضر المسلسل بتحكي بما معناه...انه هالمسلسل راح يرجع يعلمنا معنى الحب و كيف نحب من جديد....بالله عليكي....يعني كتّر الله خيركم والله, يعني لولاكم كان ابصر كيف كنا راح نعيش, حب؟؟ شو يعني حب؟؟؟ يلااا بسرعه اعرضو المسلسل بدي اتعلم كيف احب !!!! جد اشي بخزي.

انا بالبدايه فكرتها زي موضه وبعد فتره بخف شغف الناس فيها بس شكله زادت الامور عند الناس, بس المشكله ان العالم بتتعلق بهالمسلسلات , في وحده من صاحباتي بتحكي انها يوميا بتابع 4 مسلسلات تركيه وفي منهم مسلسلين ورا بعض بيجو, وانها جابت ساتلايت جديد وحطته بغرفه النوم عندها و ان في قناه بتعيد كل حلقات الاسبوع و بترد تحضرهم كلهم مره تانيه بركي راح عليها منظر او لفته لحد من الممثلين ما انتبهتلها لما حضرت الحلقه المره الاولى, وان عيلتها دايما بحكو انهم بطلو يشوفوها بالبيت, كتير هيك ؟؟؟صح؟؟؟

بديش احكي عن تعلّق العالم بابطال و بطلات المسلسلات, يعني على سبيل المثال مهند....يعني خلينا نحكي جد, بالله عليكم بتحسوه وسيم؟؟؟ يعني شب متل البنات شو الاشي الوسيم فيه؟؟؟ شب شفايفه زهر!!! وين الوسامه بالموضوع...غير عن كيف كبر راسه للشب وفكر حاله اشي مهم,استقبالات و دعوات و فيديو كليبات و دعايات و رقص - يا الله شو بكره دعايه الشامبو اللي بعرضها, جد وهو برقص بحس حالي بدي استفرغ- الله يعينا عاللي جاي لانه حسب ما سمعت ان MBC مشتريه عدد كبير من المسلسلات التركيه فالموضوع راح يضل لكم سنه قدام !!!!

الفائده الوحيده اللي اخدناها من مسلسل نور هي





14 التعليقات :

come on hala2 inte kamenn,, la t`7aleni natef 7alee..
ana mtlek malet mnon w el adrab inno t3la2et be mosalsal merna w khalil :D..

bdk el sara7a zawadoha el MBC ya3ni ana `7ayfe be ramadan kaman yzedoha!! efffffft shu hayda ya!!

layki hl dablajeh soooo Funny :D!! ana ymkn 7drt bs mosalsaleen aw 3 mnon,W tl3et ro7i.. bs khalil aw muhanad whatever! amour ma ishbo she so what iza shfafo pink :'>
,, mn el akher KLAMEK 100% MAZBOOT inno bekafeeeeeee ba2a ya MBC!!!! Dammmm

 

علا زودوها , انا زيك بس اشوف دعايتو اني بقرف حالي, يعني كلها نفس القصة ولا هي حتى بمستوى مسلسلات اجنبية ولا في اي معني منها دايما نفس الشي واحد بحب وحدة تزوجوا , وفجأة تخانقوا بعدين تصالحوا و بعدين تخانقو وبعدين تصالحو وكملي السلافة واذا حبو يسووا فيها حبكة بطلع عندو ابن او بنت من وحدة تانية بالحلال طبعا, هاد غير الدبلجة الغبية اللي بحطوها يعني بالله عليكي واحد بسكر بدو يعرف الله ويقعد يحكي الحمدلله والشكر لله ايه دبلجوها زي العالم والناس و للأسف انو كتير عالم بتابعو هالمسلسلات الغبية جدا

 

قصدك المقطع "للي بركض عل الشط "!!!
صرت استعمل الشامبو لأنه بساعدني اخد القرارات المناسبه في حياتي!!!!

دعاية تافهه.

 

هلا شفايفة زهري طبيعي ولا روج - هلا ما لقو غير اسم خليل شو هالتناقض ميرنا و خليل ال خيوه ميرنا و مروان احسن ممكن هههههههههه هبل والله

 

JuJu
LOOOOL y3nee u like them :D
laaaa 2eshbooo 2ashyaaaa2...sho 5alla lalbanat elshab :S
y3nee wade7 2eno mesta7ly 7alooo uuuffffft
wallah mesh b3edeh 3alehom be ramafan yzah2onaa kamaan :"(

Ahmad

ههههههههه هيك بالزبط اللي بصير , بس كانو صاحباتي يحكو القصه قدامي هيك: تصالحو...تخانقو..تصالحو....

 

Ala' JA
عمري ما كملتها لاعرف في شط ولا لأ, بس اشوفو فورا بلف وجهي او بقلب القناه :$
جد تافهه


(---)
والله ما انا عارفه بس عالحالتين مقزز الشب, يعني شخصيته التافهه عاكسه عليه :)
ميرنا ومروان!!!...هو احسن للايقاع السمعي :)

 

عنجد التعليقات مدمرة ..
خلقة الله فقعت من الضحك على شفايفة زهر هاهاهاها :)
يا ماما احنا شعوب بدنا اشي نلتهي فيه مهما كان سخيف ..
يعني أحكيلك بصراحة أنا حضرت نور من نصة تقريبا بس مشان أعرف شو هالمعجزة وكل يوم كنت استنى يصير حدث بس سلامتك بس نازلين مطمطة و تسبيل !!
وحتى اللي بقلك مشان نعلم شعبنا الحب .. يختي من ايمتى كان مفهوم الحب منحصر بالتسبيل !!! عنجد هلكنا وهو يتألق يرحم حالو احسنلوا .. تعالي على الواقع بتلاقية هالمهند معفن وحالته حاله .. خلينا ساكتين لووووووووووووول

 

Maroo
كتير ناس علقو على شفايفه زهر...شكله ما كان لازم اكتب هيك :$
صح اللي حكيتيه...احنا بس بدنا اي شي يلهينا و السلام.

شفتي بدهم يعلمونا الحب ال!!!

همه حكو ان المسلسل انعرض بتركيا وما حد انتبهله بس تعالي للدول العربيه العالم اطلقو من رواه :S

 

وانتي ليه زعلانة؟
خلي الناس تنبسط ...

بمزح معك ... انا الحمدلله ... ما بتابع مسلسلات , اصلا مش فاضي!

بس من بكرا . . . ما في قناة رح تعتب علي ... الريموت رح يبكي : مشان الله اتركني من ايدك!!

 

Ahmad
شو بتعمل هون؟؟؟ قوم ادرس يلااا
هههههههههههه من نفسي احكيها لحد :$

الله يعطيك العافيه
يلااا بكره اخر يوم, بالتوفيق ان شاء الله

 

لا تخافي ,, ان شالله بكرا فل مارك ,,, المرة انا تنردنت = صرت نيرد .. درست ال Engineering economy كتير منيح , وبالنسبة الي العطلة بلشت

 

احمد
هههههه عجبتني تنردت :)
لاااا ما بنخاف عليك
ان شاء الله كله فل ماركس :)

 

ye2ta3hom sho zaha2ona fhal mosalsalat (had lessa eza kanat men il mosalsalat il me7rezeh 3endhom..betla2eha ay kalam bs bedhom ye3redo ay ishi ta7t mosama mosalsal turkey .. wel dor 3alli be7dar)

ya3ni sara7a ana taba3et sanawat il daya3a la2ano kan faye3 w 3amel dajjeh w kont tawjihi w beddi eshi a7daro :P bs ba3deen la7azet eno "naw3eyyet" il mosalsalat tadoor 7awl nafs il theme so 5tasaret 3ala 7ali w ma kamalet hal addiction

 

ashwaq

Momellat mesh mosalsalat ;)
lah lah lah ya Ashwaq "TAB3TEHOM" LOOOL just kidding
kteer nas zeh2o 2ad ma fe ma6ma6a fehom w nafs el2esas