Things I Like To Whisper About

Would You Hear Me Whispering

اسئله تطرح نفسها ارضا....






ليش سائقي التكاسي ما برتاح قلبهم الا بس يحطو خط المسرب بنص السياره؟؟

ليش سائقي التكاسي بس يكون معهم راكب, بصيرو مناح ما شاء الله و بمرئو كل اللي جاي من طريق فرعيه,وطيبين و بمشو بطيء و بحترمو قانون السير, يعني ببدو يوقفو السياره بس يشوفو الاشاره اللي بعد كيلو ها...هاا بدت تصفّر؟؟؟؟

ليش واحنا واقفين صف طويييييييييييييييل عالاشاره بتصير الاشاره خضرا وما بنتحرك ولا نقطه و بس تصير حمرا بتبدا السيارات تمشي؟؟؟

ليش لما تحترم نفسك وما تزمر للي بقطع الشارع, علشام حرام ينصرع من صوت الزامرو بصير يتطلع عليك و بحط ايديه بجيابو و بمشي و بقطع الشارع على اقل من مهله؟؟؟؟

ليش لازم اذا واحد بحكي تلفون خلوي بالشارع او بالمطعم لازم كلنا نسمع موضوع المكالمه من اولها لاخرها؟؟؟

ليش الاشياء بتكون قدام عيونا و مزهقيتنا ومقززيتنا واحنا النا 100 سنه مش مستخدمينها, وبس نحتاجها بتختفي, وبننسى وين حطيناها؟؟؟واذا كبيناها,تاني يوم بالزبط بنحتاجها ؟؟؟

ليش صرنا بس نحكي علبناني - مع انها لهجه حلوه وخصوصا من نورا :) - و بس نطعوج بالكلام و احنا بنحكيه و نحكيه بطريقه غريبه من مناخيرنا - مش من راس مناخيرنا انه تكبّر لا نحكيه بخنف - هيك بنكون يااااااي شو كول و راقيين و متتورين - متطورين - وبس نحكي على طبيعتنا بنصير ياااااي شو فلجر و حفرتل؟؟؟


ليش بس تكون منيح مع الناس, بتصير اشي عادي بحياتهم و آخر اشي بفكرو فيك و بمشاعرك, وكأنك اشي روتيني بحياتهم, و اللي بكون يسيء الهم بكون مهم و بحملو هم مشاعره و احاسيسه؟؟؟


ليش اول ما يجيني فلوس زياده لازم يخرب اشي بالسياره :"( ؟؟


ليش دايما بنضل نأجل تنظيف الشبابيك بركي شتت الدنيا, و بس نيأس و انظفهم تاني يوم بتشتي سبحان الله؟


شو كمان...شو كمان...كان في بالي اشياء اكتر بس مش متزكريتهم...بس اتزكر برد اضيف...انتو زكروني ايش كمان؟؟؟

16 التعليقات :

shou ya whisper, you don't like el 7akee el lebnani ?? khalas ana ze3lt kteer ..no I am kidding and I understand what you mean

You know , every time I wash my car , it rains..it happens every single time

 

Nouraaaaaa
2a7la 7akee el 7akee el lebnani 2asla6an :: blushing ::


about the car wash,yeah that happens to me too :(

 
قاتل الصراصير الاصفر (مش بايجون )

ليش بس تكون منيح مع الناس, بتصير اشي عادي بحياتهم و آخر اشي بفكرو فيك و بمشاعرك, وكأنك اشي روتيني بحياتهم, و اللي بكون يس يء الهم بكون مهم و بحملو هم مشاعره و احاسيسه؟؟؟

اتوقع الاجابة سهله زناخه

 

مش بايجون !!!!!!!

زناخه؟؟؟
مش عارفه مش حاسستها سبب مقنع, ما قومت السؤال المطروح ارضا :)

 

"ليش الاشياء بتكون قدام عيونا و مزهقيتنا ومقززيتنا واحنا النا 100 سنه مش مستخدمينها, وبس نحتاجها بتختفي, وبننسى وين حطيناها؟؟؟واذا كبيناها,تاني يوم بالزبط بنحتاجها ؟؟؟"

ببساطه لأنو الجنيّات احتاجوها:) على فكره هاد مش جواب تخويت هاد جواب الختيارات

وليش الناس بس نكون مناح معهم بيبطلوا مناح؟
لأنه الناس ما بيحسوا بقيمة الإشي غير لما يخسروه ببساطه؛ غباء بعرف بس هو غباء انساني شائع

 

جواب واحد لكل الاسئلة ما عدا اسئلة السيارة والشبابيك واللهجة اللبنانية لانو عنا الناس خالف تعرف بتحب الشي الاعوج بصيروا يعتبروا حالهم شي مميز و عظيم بس يسووا هيك , بالنسبة لشغلة اللهجة يا ريتها وقفت بس عاللبناني لما تتكلم مع شاب\ بنت وبين كل كلمة عربي يحكيلوا كلمة انجليزي ويعتبر حالوا كوول واللي ما بسوي هيك يبقى حفرتلي

 

مياسي

ما عجبني الجواب الاول...بخاف من هالقصص انا :"(

بس الحواب التاني كتييييييييير عجبني :)

احمد

للاسف تميزهم باشياء كلها شكليات و امور سطحيه

 

"ليش اول ما يجيني فلوس زياده لازم يخرب اشي بالسياره :"( ؟؟"

هاي أكثر وحده عجبنتي ...

ليش بنظل نستنى بالعطله وبس تيجي بنزهق من أول يوم ...

ليش البنت بعد ما تنخطب بتحلى بعين الناس

 

امجد

"ليش البنت بعد ما تنخطب بتحلى بعين الناس"

هاي كتيييييييييير صح...نفسي اعرف ليش دايما بتصير.

بالنسبه للعطله انا ما بزهق بالعكس بحسها بتخلص بسررررررعه :)

فليش العطله والاوقات الحلوه بتمر بسرعه...اما ايام النكد, اليوم بقعد اسبوع؟؟؟

 

اااااااااااخ على قصه خراب السياره.. لسا من كم يوم بحكي قرب يجي اخر الشهرو معي شويه فلوس زياده اعجبت بنفسي لاني معي شويه فلوس و صرت بدي اشوف حالي عالعالم انه معي فلوس.. كنت صاف السياره في مول رجعت لقيت ابن حلال ضارب السياره و رايح ما شا الله عليه... لما رحت اصلحهاسبحاااااان الله بقدره قادر طلعت بتكلف قد الي معي بالزبط لا شلن زياده و لا شلن ناقص!!!!
بالله عليكي لما تعرفي جواب هالسوال تحكيلي!!!
بس بجوز احنا ما بلبقلنا يكون معنافلوس!!!

 

انا دايما بتصير معي كمان, و بالزبط بكونو قد الفلوس اللي معي وبتخرب كل الخطط اللي كنت ناويه اصرف الفلوس عليهم :(
ولا يهمّك بس اعرف راح احكي للعالم كله, مع ان اعتقد انه ما بلبقلنا :)

 

والله يا سيدتي اللي بدو يعيش بالبلد هاي ما بدو يسأل ليش وليش وليش.. في كتير اسئلة مالها جواب ابدا
ولو كان الها جواب كان ما فتحنا بلوجاتنا هعهعهعهعهعهع
زمان ما دخلت بلوجك..صرلي ساعة بقرا بالارشيف تبعك :)

 

اهلا اهلا عامر
مهو انا علشان هيك بكتب هون بالبلوج :)
بتفشش يعني هههههههههه

ان شاء الله عجبك اللي قرأته بهالساعه؟؟؟ :$

 

طبعا عجبني.. وانا من متابعينك دائما...

إســـــتـــمــــري:)

 

ليش سائقي التكاسي ما برتاح قلبهم الا بس يحطو خط المسرب بنص السياره؟؟

I dont know, but i do it, maybe to be on the safe side, not too close 3ala il jazeera wala 3ala il sayyarat il 3ala yameeni

ليش سائقي التكاسي بس يكون معهم راكب, بصيرو مناح ما شاء الله و بمرئو كل اللي جاي من طريق فرعيه,وطيبين و بمشو بطيء و بحترمو قانون السير, يعني ببدو يوقفو السياره بس يشوفو الاشاره اللي بعد كيلو ها...هاا بدت تصفّر؟؟؟

ma 3indi adna fikra, bas dayman bitseer lamma il wa7ad ykun mitakher 3ala meeting aw mukabalelh aw emti7an,.... DAYMAN!!!

ليش واحنا واقفين صف طويييييييييييييييل عالاشاره بتصير الاشاره خضرا وما بنتحرك ولا نقطه و بس تصير حمرا بتبدا السيارات تمشي؟؟؟

3ashan il dor lissa ma wisel la3inna la2inno il dor kteer taweel mabda2 tatabu3 batee2, or at least thats what i call it!!!

ليش لما تحترم نفسك وما تزمر للي بقطع الشارع, علشام حرام ينصرع من صوت الزامرو بصير يتطلع عليك و بحط ايديه بجيابو و بمشي و بقطع الشارع على اقل من مهله؟؟؟؟

3ashan lamma yimshi 3ala mahlo, il wa7ad ynarfez oo ynawloo zammor yi6la3 min ras illy khalaffo

يش لازم اذا واحد بحكي تلفون خلوي بالشارع او بالمطعم لازم كلنا نسمع موضوع المكالمه من اولها لاخرها؟؟

la2inno 3adatan sowto kteer 3ale oo bikun il mawdu3 kteer mud7ek..


ليش الاشياء بتكون قدام عيونا و مزهقيتنا ومقززيتنا واحنا النا 100 سنه مش مستخدمينها, وبس نحتاجها بتختفي, وبننسى وين حطيناها؟؟؟واذا كبيناها,تاني يوم بالزبط بنحتاجها ؟؟

illy bedayeg aktar min heik, lamma tkun ma biddak tikhlas minno, ba3dain faj2a tkarrer inno khalas ma elo luzum,oo ti7tajo ba3d b sa3tein...

يش بس تكون منيح مع الناس, بتصير اشي عادي بحياتهم و آخر اشي بفكرو فيك و بمشاعرك, وكأنك اشي روتيني بحياتهم, و اللي بكون يسيء الهم بكون مهم و بحملو هم مشاعره و احاسيسه؟؟؟

ba3d tajrubeh, b kul basata bseeru ykhaffo minnak khususan iza bitjarre7 bil 7aki..mabda2 khuf mush aktar...azin?!?!?!


ليش صرنا بس نحكي علبناني - مع انها لهجه حلوه وخصوصا من نورا - و بس نطعوج بالكلام و احنا بنحكيه و نحكيه بطريقه غريبه من مناخيرنا - مش من راس مناخيرنا انه تكبّر لا نحكيه بخنف - هيك بنكون يااااااي شو كول و راقيين و متتورين - متطورين - وبس نحكي على طبيعتنا بنصير ياااااي شو فلجر و حفرتل؟؟

ana ma ba7ki lebnani, bas bala6esh engleeze b nus il 7aki, mush faya3a wala coolness, bas bkul basata marrat ba7is inno il engleeze awda7 oo saree7 aktar khususan bil bahadel, la2inno iza balash il wa7ad yi7kee bil 3arabee bitwale3 hoshe, bas bil engleeze btitla3 bas bahdaleh m2adabaeh,, oo ghair 3an heik... 3an nafse kteer d3eef bil 3arabe wil mus6ala7at, ma3 inno il 3arabi awsa3 lugha oo afsa7hum, bas il 3ammeyyeh 6aghat oo nseena lughet il quran, 3ashan heik il wa7ad ma bi7is blizzeh fi3liyeh lamma yikra' quran, la2inno lil2asaf mu3tham il sha3b d3eef bil fus7a aw bil 3arabee b shakel 3am....

Anyway Im sorry about this long comment, hope i answered you :)

ta7eeyatii :)

 

اهلا وسهلا فيك دائما عامر :)

علاء
له له يا علاء انت من اللي بجلطو وبخلو المسرب بنص السياره O_o
ههههه ممكن فيها وجه نظر ما بعرف بس بحسهم بعملو هيك علشان يختارو المسرب الاريح الهم :)
شكرا على توضيح الاجابات عالاسئله
بالنسبه للانجليزي بين الكلام انا مثلا مبرمجه فخلال شرحي لاشي بشغلي لازم استخدم مصطلحات انجليزي.
وبالنسبه للمسبات مع اني ما بستخدمها بس فيها وجهه نظر :)

شكرا علاء واهلا وسهلا فيك
صحيح.... ما في صور جديده :)