Things I Like To Whisper About

Would You Hear Me Whispering

رعبه عمري :"(

اليوم ارتعبت رعبه حياتي :"(

اليوم طلعنا انا وماما و قريبه النا على سيتي مول, لفينا شوي بعدين تزكرت ماما ان في ناس حكولها ان في من الجلايات الصغار اللي بتدور عليهم ماما من مده بكارفور.
طبعا ما لاقينا منها و لفينا شوي و اشترينا اشياء ما الها لازمه كالعاده :) و روحنا.

و احنا مروحين تزكرت ماما انهم حكولها عن محل بخلدا ممكن يكون عندهم من هالجلايات وكان الوقت المغرب بالزبط, رحنا هناك و ما لقينا مكان نصف فيه السياره, حكيت لماما خلص انتو روحو وانا بستنا بالسياره, ماما ما رضيت وحكت ما بتركك بالسياره لحالك, حكيتلها شو بده يصيرلي يعني وهي الدنيا عامره.

المهم بعد اقناع نزلت ماما و قريبتنا وانا ضليت لحالي بالسياره, سكرت الشبابيك و سكرت البواب, و ضويت الفلشر, و شغلت الراديو .

ما بنكر اني شوي خفت و كل ما سياره توقف يصير قلبي يدق, بعدين حكيت لحالي شو هالهبل دعيت شوي :$ و هديت

فجأه شب ماشي جنب السياره,وقف و دقلي عالشباك, انا هون مش خفت لاااا انصرعت حطيت ايد عالزامور و ايد عمفتاح السياره بدي اشغلها.

ال يا اختي بس افتحي الشباك اشرحلك وضعي, اشرتله بايدي انه الله يبعتلك,عاساس انه انا عادي ومش انو قلبي بدو يوقف , فجأه سمعت صوت ماما, طلع الشب الشحط اللي طول الحيطه ال بشحد, لو سمحتي بس تعطيني دينارين بدي اروح عضاحيه الامير حسن.....مش عارفه شو حكتله ماما- لاني بمنتهى البساطه ما سمعت من صوت الونّه اللي صار براسي- المهم مشي الشب وركبت ماما و قريبتنا السياره, ماما بتطلع على وجهي انا سويت اني عادي ولا متت رعبه ولا نشف دمي, و سألتها شو لقيتو اللي بدكم اياه , و برضه ما سمعت الجواب لاني ضليت اركز ان قلبي يهدي الدق شوي و يرجع مكانه بعد ما صار برجلي :$

بالبيت بحكي لماما اني متت رعبه بس ما حبيت ابين, بتحكيلي ماما مهو كان واضح من وجهك الاصفر و صوتك اللي برج.

بس جد عمري بحياتي ما خفت لهدرجه :"( اخر مره بضل بالسياره لحالي....قرار نهائي


5 التعليقات :

والله خفت معك!!! بعد شوي حسيت القصه مش مستاهله!!

هو بس الواحد بس يكون متأهب بيصير يحسبها كتير

يا ستي تنزكر ما تنعاد؛ وشو صار بالجلايه صح؟:)

 

اسلوب الشحاتة المفضل بالاردن والله مقطوع و دفعت المصاري اللي معي بالمستشفى وبدي اروح عداري , عاد بالعكس ليه تخافي انت مسكرة كل شي بالسيارة و ما اتوقع انو اهبل يسوي حركة غبية قدام العالم

 

7yateeeeeeee hahahaha m3lsh btseer b27san el 3a2elat :) w2na sar m3i nfs el mwkf kteer wkol mra bkoon the same reaction loool :) bs jd mo mnee7a el23deh bsyara alone w krarek s7ee7 :)
wkteeeeeer 3eb lma shb 6oolo 2 m ysh7ad lyro7 , y5te m3osh mobile ytsel b7d yrw7o !!!! ms5ara

 

I guess that means you need more time in wast el Balad, trust me this is the best way to get used to living here in Amman, worked with me
!

 

مياسي
انا ما بنكر اني خويفه بصراحه, وكنت تقريبا مستعده نفسيا للرعبه :$

ما لقو للأسف :(

Ahmad
جد كتير ناس مرو علي بهالفتره بنفس الحجّه!!
ما انا مسكره كل شي علشان اطمن حالي وبرضه ارتعبت :$

Maroo

shofte elly sarly ya Marmar :"(
loool y3ne mesh bs ana el5aweefeh :)

Tha2er
wasat elbalad...w la7alee....noooo Idon't think so :S
the best way is not to stay alone in the car again :D