Things I Like To Whisper About

Would You Hear Me Whispering

اخبارنا.....

ما بعرف شو رايكم انتو بس انا حاسه حالي بقرأ جرايد شيكاغو !!!

جد ايش في ؟؟؟

العالم مش طايقه حالها من الغلا و من الازمه الماليه و قلّه الرواتب ..طيب يعني طوشه بوكسات, شلاليط , مسبات وانت سايق , كشره فوق الكشره, نكد و سمه بدن كل هاد ماشي

بس ان العالم نازله قتل ببعضها؟؟؟

جد اشياء غريبه

اعطيكم امثله على عناوين الاخبار اللي صايرين نشوفها كل يوم

وفاة فتاه"تعذيبا" بيد والدها و شقيقها

لانها كانت متمكيجه و بتحكي مع شب بالمجمع....هعو بسألها عن الطريق...هو بتحركش فيها...هو فعلا متواعد معها الله اعلم

فالاب و الاخوان نزلو ضرب فيها "ببرابيش " وعصي حتى توفت.....و هاي جريمه القتل الرابعه بحجه الدفاع عن الشرف منذ بدايه 2009 ..تخيلو رعاكم الله.


الحكم على زوج أحرق زوجته بعدما عاد متأخرا من لعبة "الشدّة"


القصه انه الخلافات منذ بدايه الزواج, و حادثه القتل صارت و الزوجين عندهم طفلين يعني شوفو بعد كم سنه.

ضرب واهانه و بعدين حرق, لانه مش قادر يتفق معها.....حسبي الله ونعم الوكيل

أخطر مطلوب حاول خطف فتاة بإربد في قبضة الأمن

البنت كانت راح تنخطف مين بيتها.... هاي مش جرئه هاي وقاحه.


إعتداء على محامي اردني وزوجته كعملية انتقامية لكثرة ما نجح في تطليق نساء من أزواجهن

هاي لحالها فيلم هندي جد....اقرأوه بانفسكم.


الخبر الاخير اللي جد قهرني , يعني لو يعدموه هالخفيف الدم ما راح ازعل عليه


كذبه تمزق قلب ام هلعا على ابنها


الاخ سرق موبايل الشب و اتصل مع امه وحكالها انا العقيد فلان الفلاني و ابنك عمل حادث و انصاب, وبعد ما راحو اهله عالمستشفى ومالقو اثر لابنهم حكو مع االلي سارق الموبايل حكالهم. ابنكم مات و المستشفى ما بدهم يحكولكم....

حسبي الله ونعم الوكيل

8 التعليقات :

السلام عليكم همسه :)
هو بس سؤال انت على مين تدعي هون على المحامي ولا على العصابه هاد اذا كان الخبر من اصله صحيح مهمه يمكن شيحان سكروها فاجا موقع اجبد ليحل محلها هاد الموقع صراحه اللي فيه مش صحفيين من فتره قرأت مقابله لنائب فيه مسخره على الآخر يعني ما بعرف شو الهدف كان من المقابله

 

Well, welcome to the bright side of Jordan!!!

 

Sozan
انا بصراحه مش متأكده من الخبر, علشان هيك حكيت فيلم هندي :)
انا معك هالموقع بزكرنا بجريده شيحان :$

Tha2ir
had kullo el bright !!
soo inshallah we will never see the dark side :"(

 

صباااح الخير :)
كيفك .؟؟؟

شوفي خبر المحامي فيلم هندي من الآخر ... لووول....
أما قتل البنت بتتصدق .. ما شاء الله كلها جرائم شرف و ياي شو دمهم حامي .. لووووووووووول....

نهارك سعيد :)

 

موضوع قتل البنت حطتوا جريدة الدستور , بكرة بروح بحكي بالمحكمة جريمة شرف وبطلعوا للمحترم هو و اولاده و راحت عليها البنت , للاسف في جميع الدول العربية قاعدين بنتحول من سئ لأسوأ على الرغم من انو دينا هو الاسلام وكل ما بعدنا عنوا حتزداد هالوساخة بزيادة
" نحن قوم أعزنا الله بالاسلام فمتى ما ابتغينا العزة بغيره أذلنا" من اقوال عر بن الخطاب

 

مش عارف مدى دقة هاي الأخبار ..
بس بشكل في منه يعني في جرائم بشعة بتصير ويمكن جزء منها ما بصل الرأي العام بس موجود ..
هاد اشي طبيعي لأنه المجتمع بشكل عام بزداد تعقيد وتركيبة اختلفت فترة الثمانينات او حتى التسعينات .. اعتقد انو نتاج طبيعي !

 

ohhhh myyy GOD !! sho hlm2asee hay !!! wkolo fee bnat btn2atel el7amdulla !!! dnya a5er wa2t walla

 

Vegueraz

صباح الورد :)
انا دورت عالنت ما لقيت مواقع موثوق فيها كاتبه عن الموضوع, يعني القصه شكلها والله اعلم هنديه مش اكتر :$

Ahmad
بطلعو رجال وما شاء الله عنهم و بحافظو على شرفهم...
كله عند رب العالمين....

خالد
الاخبار كلها دقيقه ما عدا الفيلم الهندي....فحسب ما روا الراوي :">

Maroo
allah yer7amna bra7emto