Things I Like To Whisper About

Would You Hear Me Whispering

شو بالنسبه للطقس!!!






دائما الحمد لله على كل شي, بس جد سو بالنسبه للطقس؟؟؟

على اللي حكى,الفصول الاربعه بتمر بنفس اليوم.

الصبح شوب والشمس بتحرق حرق قريب المغرب بيبدى الهوا اللي بلسع و بالليل شغلو التدفئه و البسو الرواب ويا دوب دفيانين.

و حيضل الوضع هيك وفجأه يجي الصيف الحارق, طب وين الربيع؟؟ وين الجو البديع؟؟؟

في مشروع نق وزن و الحاح شغالين فيه انا وبنات خالتي هالاسبوع علشان بركي رضيو ماما وخالتي نروح عالعقبه الجمعه الجاي,انا اكتر اشي بحبه بالدنيا هو البحر, احلى الاحلام هي اللي بكون فيها بسبح,انا بعرف اسبح من عمري 7 سنوات كنا مشاركين بالمدينه الرياضيه و ضليت مشتركه لعند ما تحجبت, يعني مش محرزه اشترك علشان يوم بالاسبوع للستات.
رحت وانا بالشغل بعده بفتره سبحت مرتين تلاته بالمدينه برضه دخلت كضيفه على اشتراك بابا وبعديها ما رحت.

نرجع لمشروعنا, طبعا اهلي لا ممكن يسمحولنا نروح لحالنا ولو حتى يوم, مش عارفه ليش, شو بدو يصرلنا يعني؟؟؟ اي علينا كشره بتهرب العالم كلها من حولينا...هيك ربونا زلااااام ما شاء الله عنا :)

حوارات ونقاشات بيني انا وبنات خالتي و بين مميتو وخالتي ولكن باءات كلها بالفشل الذريع وصرنا هلأ بدنا نقنعهم يروحو معنا ومش راضيين :$ بدنا نروح قبل ما تشوب الدنيا اكتر.

يا رب يرضو نروووح ....
هاي الصوره اخدتها انا بكامرتي لما رحنا السنه الماضيه

3 التعليقات :

العقبه لسا ما زرتها وبصراحه مش متحمسه كتير

مش مقتنعه انو البحر اللي هناك بحر؛ مقارنة ببحر الخليج انا متأكده انو صفر

بس في مشروع نروح أنا وخالتي يوم واحد صد رد يعني؛ اذا رحت بشوف شو بيصير:)

حلوه هاي الكشره الأردنيه المميزه أيوه هيك بدي ياكو لوووووول:)

 

aaaaaaaaaaa5 ya whisper ana hl2 fi KSA knt asht3'l sane fi el 3a2abe....had el w2t btjneeeen zakrtini fi hdik al ayam ba ana ma knt a7bha 3al week end kant kl el ordon tkon mawjode... o nasi7a a5awie zoori TCHE TCHE el 3a2be l2no bsara7a raheeeeeeeeeeeeeeb kan baiti el tani hnak...kmli na2 o zan 3la emek lazm tetl3o had el w2t kter btnbsto bs bdk tet7mli 3 mlion ppl there @ this time

 

مياسي

لاااا بحر و كبير وبجنن كمان.
انا بنصحك تروحي حتى لو يوم....مغامره بتجنن راح تكون :)
لا بعجبك انا بالكشره من الاخر :)

الى مجهول/مجهوله :)

2e7na aktar men marra ro7na 3ala el 3a2abeh
bs a7la marra when my brother used to work there,kan saken bel6abe2 eltamen
ya allah ma 2a7la tfee2 w ykon odamak elba7ar
sho3ooor ra2e3 2a7la men elshalehaat :)
la t5af/t5fee 3alay belna2 wel zan b3geb ana :D
bs elmohem yerdoo bel2a5er :$