Things I Like To Whisper About

Would You Hear Me Whispering

كيف ترى قيادتي


قصدي كيف ترى تدويني :)


صار الي 7 شهور الا شوي وانا بكتب بمدونتي

و تشرفت بناس كتير تابعو مدونتي منهم اللي علق على المواضيع اللي بكتبها و منهم اللي ما علق


وفي ناس اجو بالغلط على مدونتي...هيك ببين من العداد بس يجي حد ويقعد اقل من ثانيه, واضح انو تايه
اكيييييييييييييييييد بالغلط اجا وزارني
:"( لااا عادي ما بتدايق و لا بتتأزم نفسيتي - مش هيك الاحباط .


حابه اعرف رأي جميع الاطراف


.شو رأيكم بمدونتي؟؟؟ في اشي لازم اغيرو؟؟؟في شي ما عجبكم؟؟؟في شي عجبكم؟؟؟

اسلوبي حلو؟؟؟ بشع؟؟؟ زنخ؟؟؟ تقيل دم :( ؟؟؟ ماشي حاله؟؟؟ دمي خفيف :)؟؟؟


بهمني اعرف رايكم علشان اقدر اقيم نفسي و ازا في شي بدو تغيير اغيره


بس ديرو بالكم ان من الناس اللي بنئمصو بسرعه وما بقبل النقد و بحقد وبدعي و..... ههههههههههه لاا احكو بس شوي شوي علي :)


وشكرا للجميع







25 التعليقات :

رااااااائعة !! و خليكي هيك على طول !! أنا أكتر شي بحبو النكت !! يا ويلي بموت عليها:)

دخلك إنتي سوبر و لا عادي ؟؟؟

 

بعجبني التدرج بالروايه وبعجبني خفة الدم ...
يعني ويوميا لازم ادخل اكتر من مرة اشوف مدونتك
موفقه يا بنتي
انا ختيار عفكرة

 

Ashwaq
الله يسعدو الزووء
ان شاء الله دايما بتقرأي اللي بعجبك وبتحبيه هون :)

Ammar
اهلا وسهلا فيك يوميا و بكل مره بتيجي هون :)
بنتك...وختيار؟؟؟ اشك :)

 

والله يا whisper انا من الناس الي لازم امر هون كل يوم مع اني ما بعلق بس كتير بحب اسلوبك البسيط و كتابتك بلهجتنا و حكينا يعني من دون فزلكه... يلا هلأ راسك بكبر علينا و بتئعدي اسبوع ما تكتبي... ائلك بلاش اكبر راسك مدونتك بتخززززززززززززززي... بمزح...!!
الله يوفئك و ما تحرمينا من خفة دمك

 

يلا طولت العمر انشالله ..
تتربى بعزك ..
تشوفي على وجها الخير ..
تحياتي ويسبر ..
قيادتك جيدة !

 

ana bwsef el wade3 b2no " kolak 3ala b3ddak 7elo "
3njad i luv yr page , actually we are making a great friendship here and thats the most important thing .. keep up the good work sweetie :)

 

mmm kolak 3ala b3ddak 7elo :)
i really luv visiting yr blog , dont change anything just keep up the good work :)
we are making a great friendship here and thats the most important thing :)

 

اهلا وسهلا دايما
جد كلامك اسعدني :) وان شاء الله اضل دايما اكتب اللي بعجبك :)

خالد
اي نعم انا مش حريّفه قياده زيك و ماشاء الله الكلام بيجي لحاله معك بس هينا بنمشي حالنا.

Maroo
allah ys3edoo rafe3 elm3nwiaat
I'm very happy with the new friends and sisters
u r one of my sisters here :)

 

مرحبا
مدونتك رائعه ومواضيعها ممتعه و بتمس جوانب كتير من حياتنا اليوميه اللي نحنا ما بنقدر نوصفها لانو ربنا ما انعم علينا بموهبة الكتابه زيك.
بمر عليكي كل يوم وبستمتع كتير باللي بتكتبيه بس سامحيني ما بترك تعليق.
الله يعطيك العافيه.

 

اهلا سهير
انا عندي موهبه كتابه!!! الله يجبر بخاطرك
انا اللي كان مانعني اني اكتب ان ما عندي هالموهبه :).
ازا لازم تبدي تكتبي انت كمان لان اكيد عند كل واحد فينا طريقه جميله بالتعبير عن افكاره
سعيده جدا بتعليقك :)

 

متأخره كالعاده بتعرفي كيف:)
هلأ أكتر شي بيعجبني بالمدونه هو النهفات صراحه بحس في كولكشن مرتب - لو أقعد 5000 سنه ما رح أقدر ألمهم:)

وهسه انتي صارلك 7 شهور؟؟!!! وأنا وين كاينه؟

شو كمان شو كمان؛ المدونه شامله بس ما فيها ذاتيه شوي:) شوف مين اللي بيحكي!!

 

ميّاسي
بس ما لقيت تعليق منك بديت اقلق
وين مختفيه الك فترهو شكله الماستر ماخد كل وقتك, الله يعطيكي العافيه.

اه من شهر 8 بديت اديوين :)

كيف يعني ذاتيه :$ ما فهمت بدك تعذريني فرنسياتي على قدّي :)

 

ذاتيّه يعني شي عن ذاتك

شي يحسسني بشيء عميق من جوا
هيك القصد

وأنا من امبارح قرأت البوست أول ما نزل

بس التعليق هو اللي كان متأخر شوي
بتعرفي كيف الظروف!!!

 

اهااا فهمت قصدك
ممكن السبب ان في ناس بعرفوني وبقرأو المدونه وهالشي بخليني مش كتير اتعمق :$

الله يعطيكي العافيه يا قمر :)

 

أنا كمان تقريبا عندي نفس المشكله

انو ناس يعرفوكي ويصيرو يقارنوا وهيك:)

بيعين الله

 

للاسف هاد الشي اخد جزء كبير من حلاوه التدوين :$

 

فعلا
عشان هيك بحكيلك انو عم بفكر مرات أسكر المدونه
لأنه الهدف منها انتفى خلاص؛ هيك صرت أنا حاسّه!!

 

لااااا ممنووع ...شو تسكريها
خلص تورطي واللي صار صار
احساسك مش بمكانه
ممنووووع وقرار نهائي :)

 

وبعدين مع هالشعب؟
كل ما أحكي لحد بدي أسكرها
بيحكي لي ممنوع!!!

الواحد صار مش ماين ع بلوجه:)

 

ههههههههه
انا ما الي بالشعب, بس انا اختك الكبيره و بدك تردي علي...نظام قمع يعني :)

 

سلام
البلوج ممتاز و وضعه 4 جيد،
و مواضيعك و طريقة الكتابة كثير صريحة و واقعية
بالتوفيق

 

Allouh
اهلا...انا حكيت شكلها مش كتير عاجبتك فعلشان هيك بدكاش تعلق :)

جيد!!! اذا في اشي ناقص او في اشي مش كتير عاجبك
يا ريت تحكيلي اياه علشان احاول اطور اشي بالمدونه :)

 

الله يسامحك مش هيك قصدي
انا حكيت 4 جيد :)
انا ما علقت لأني منت بأربد

 

أنا متأخرة ... برضو بالتعليق ..ز
مدونتك حلوة كتيير و أنا كل يوم تقريباً لازم أمر عليها ,,,
بس صرلي يومين إنه غايبة عن الوسط !! لووووول..
مم ، النكت .. التعليق و إطلع من راسي .. كل هاي المواضيع و غيرها بتجنن :) ...

 

Vagueraz

يسعدو الزووء يا رب :)
دايما بتسعديني بمرورك يا قمر
و ان شاء الله اللي مغيبك عنا يكون كل خير :)