Things I Like To Whisper About

Would You Hear Me Whispering

ضحك اللوز



اكتر منظر بحبه هو تزهير شجر اللوز.....سبحان الله كيف المنظر بدل على بدايه جوله جديده بالحياه بعد الخريف و بعد ما تسقط الوراق و الشتا و الاغصان الفاضيه تماما فجأه تبدا حياه جديده بالوان بتجنن

اليوم كان بجنن الحمد لله الي اسبوع وانا بحكي لاهلي اخر الاسبوع لازم نروح رحله و الجمعه لان في صلاه بتأخر الوقت على الطلعه
صحينا اليوم عال9 الصبح وانطلقنا على ال 10
بحب هاد الجو انا كتير
الشمس طالعه مع دفا مع نسمه خفيفه منعشه مع ريحه الخضار والربيع اللي بتنعش

الرحله عنا بتنقسم لقسمين
قسم بنّزل فيه كل اغراض الغدا -شغل الهش و النش- و بنحضر الغدا و بنتغدا و بنشرب الشايات اللي معمولين عالفحم و بعدين بنضبضب الاغراض و بننتقل لمنطقه تانيه اقرب لعمان و بنرد نشغل النار و بنبدا.....مكسرات كيك قهوه شيبس بوشار....الخ
يعني كل هالاشياء المش مفيده اللي بتعدل المزاج
و بنضل لليل و بتصير الدنيا عتمه و بنقعد كلنا حول المنقل و بنبدا نكت وبابا يحكيلنا قصص عن مغامراته ايام الشباب
انا شخصيا بحب الرحله التانيه اضعاف اضعاف الرحله الاولى

وهي الصور اخدتها بموبايلي
Nokia N73
للمناطق اللي رحناها :)
























5 التعليقات :

الله الله يعني كسرتي روتين يوم السبت كمان !! ممتاز !! أنا أحب ما عليّ أشوف الناس طالعه و بتستمع بوقتها !!

ان شاء الله هاد الجو بيضل كمان للأسبوع كله !!!

أنا خالي كان دايما يحكيلنا عن مغامراته في مصر و خوديها قصص من هون لينام نص الشعب .. و الله نهفه و أحلى طلعات متل هاي الطلعات :)

 

مر زمن غبت فيه عن مدونتك الظريفه فعلا والمتنوعه
هالجو بده رحله بصراحه فتحتي نفسي على كم رحله
انا جدا من عشاق الطبيعه هذا بالنسبه لألي قمه المتعه ان اعيش بين احضان الطبيعه خاصه بهالوقت الرائع والطبيعه مكسوه بالخضار
موضوعك رائع
دمتي بحب

 

الحمدلله انكم انبستطوا في الرحله المتعددة المواقع...انا كتير بحب الرحلات العائليه في الأماكن العامه, الهش و النش و التحضير للرحله, ألأولاد الصغار اللي بلعبوا و الكبار اللي بعملوا الأرجيله, و ألأكل المستمر و الشاي اللي على الفحم, و الخضار و الربيع اللي هو احلى فصل في ألأردن بس يا خساره قصير كتير...لكن ما بحب التنظيف و لم ألأغراض في نهاية الرحله...ألأغنيه بتجنن كمان! أخدتينا لجو حلو..ثانك يو!

 

Ashwaq
والله اعلم ما راح يضل طول الاسبوع لاني سمعت ان في انخفاض عالطريق :$
جد احلى اشي بالرحله هالقصص والمغامرات :)

انا ..وهي

اهلا اهلا ...فعلا الي مده مفتقده تعليقاتك ,شكرا لمرورك :)


Summer
اولا شكرا الك على وصفاتك اللي بتشهي دايما :)

جد بتغير النفسيه الرحلات وبتقرب العيله من بعض, وبالنسبه للضب فهاد عالرجال عنا :) اما التنظيف علينا فكله disposable الا السياخ وهمه الهم الكبير :$

 

sho 7loooo had 3njad el kol kayn 6ashesh :)el muhm enk enbsatee .. nshalla dayman