Things I Like To Whisper About

Would You Hear Me Whispering

البسس

طبعا كلكم او معظمكم بشوف البسس اشي بجنن
بريئين وملائكه
كيوت
و كت
يييييييييييييييير بحبوهم
هيك يعني







بالنسبه الي لأ
انا بشوفهم هيك





انا يا جماعه بكررررررررررره البسس
وبخاف منهم..ما بعرف ليش بس بخاف منهم
وبكرهم برضه
ما بنكر ان هاد كله من تأثير تجربه قديمه مع البسس
كان عند عمتي بسه و كانت والده جيد وانا كان عمري 4 سنوات و مبسوطه عالصغار و بتطلع عليهم
قليت عقلي و مسكت وحده منهم
هجمت علي البسه الام وخمشتني :"(

ومن يومها وانا بخاف من البسس
حاولت ابطل اكرهم ما قدرت , هاد كله عادي وما في اشي
بس الموضوع ان البسس الشريره بتحس اني بخاف منهم
ما بخافو مني...جد ولا بهربو مني
انا بقطع الشارع وبروح على الرصيف التاني علشان في على هاد الرصيف بسه
وهي قاعده ولا على بالها ولا كأنه في اشي بدو يمر
ما بتهرب بالعكس بتقعد و بتفرش حالها عالارض وبتطلع علي نظره ان انا مش شايفتك اساسا

بحكي لاخوي بحكيلي مخاويه عليكي :$

فكركم بحسو البسس اني بخاف منهم؟؟؟؟




12 التعليقات :

شعور متبادل
انا بموت منهم و بحسهم مو بريئين بالمرة
يعني بحس الشر فيهم
انا اصلان بستغرب من الناس كيف بتقدر تحملهم يعني و تحس ب عظمهم ييييييييييه شعور بخوف عن جد
عارفة بجوز فعلا احلى شي البسس الي بتكون بالصور و مزبطينها مو مبهدلين زي الي بكونوا بالشوارع؟؟؟

 

شكرا كتير كتير
لاني متوقعه الكل يحكيلي لااا و بجننو البسس و حرام عليكي
الحمد لله ان اول تعليق بكره البسس زيي :)

 

بجننو ... بس قمة المصلحه بس بدو منك اشي بصير ناعم بس يخلص مصلحتو ببطل يعبرك
تاني اشي بس يكون جيعان وداير بالشوراع وتصير تطعميه بصير يتشرط
بحب لئمهم انا

وعفكرة الحيوانات وخصوصا السنوريات زي البسس والنمور
بحسو بخوفك وعشان هيك بخاو عليكي يا حزينة

 

قال بتعرف انك بتخافي منها!، طبعا بتعرف وبتعرف كمان .. انا هيك رأيي .
بالنسبة الي ما بخاف منهم بالمرة بس بقرف منهم بالنهاية مش صحبة معهم بس حزنهم عليهم وبضل احاول اطعميهم بس من بعيد لبعيد واذا لمستها صدفة بغسل ايدي بستين منظف !
بس من فترة قرأت رواية "كافكا على الشاطي" والبسس الها دور رئيسي بالرواية ، جربي اقرأيها يمكن تتغير مشاعرك الها "بس الرواية حوالي 700 صفحة" ويمكن تضلي تحلمي فيهم ... : :)

 

Ammar
بالزبط لئمه
وما حد بحب اللئيم :)

السنوريات!!!! هدول مش طيور O_o

ههههههههه بمزح طبعا مش هيك الجهل يعني


خالد

كتير سمعت عنها, انا بحب القرأه كتير خلص لازم اجيبها والله بعين على كم من كابوس :)

 

لا السنوريات ... هضول من دار سنور
بقربو للتوايته والنسور والضبابعه
:D

ordon ordon ordon

 

Ammar
هههههههههههههههههههه
عجبني التحليل للاسم D:

 

يا حبيبتي أنا مش بس بخاف من البسس ، بموت من الرعبة!! عن جد بس شوف بسة أو كلب بصير متل ولد صغير و ما بعود عندي لا تفكير ولا عقل ولا منطق..و هيدي مشكلة بهالبلد لأنو كل انسان وكل بيت عندو يا بسة يا كلب و ما في الواحد يحكي عالحيوان كلمة أو انتقاد بيزعلو لأنو بيعتبروهم فرد من العيلة..في زميلة متزوجة بتشتغل معي بيسألوها إذا عندها ولاد بتجاوبهم انو عندها كلبين !!

 

Noura

يا ماما لسا الكلب قصه تانيه :$
الله يعينك عالوضع عندك

بشوفهم بالافلام زي ولادهم بعتبرو الكلب :)
كتير مبسوطه ان مش بس انا اللي بكره البسس :)

 

لول

أنا بحب البسس من بعيد بس

بس الحيوانات إجمالا بحبش ألمسهم ولا أقرب منهم نهائيا

 

مياسي

توقعت انك تكوني بتحبي البسس
بس فكرتك بتحبي تتعاملي معهم :)
معك حق كل الحيوانات ما بحبها برضه

 

انا بحبهم بعنف خصوصا لما يبلشو يتمصلحو ... بجد بس بدهم مصلحه يالله ما احسنهم