Things I Like To Whisper About

Would You Hear Me Whispering

طيب وانا شو دخلني؟؟

وصلتني المسج التاليه عالموبايل من" شيم".... قصدي زين

"دعما منا للجامعات تم اقتطاع دينار واحد من رصيدك بأمر من وزاره الماليه"

اوك بس علشان استوعب شوي

انتو بدكم تدعمو الجامعات ...مش غلط بالمره و بالعكس كتييير منيح

فشووو بصير بأمر من وزاره الماليه بتقتطعو من رصيدي انا !!!! O_o

طيب وانا مالي؟؟؟؟ انا بخيله وبديش اتبرع للجامعات... حره انا يا اخي

يعني كلنا بنعرف الفلوس اللي على قلب شركات الاتصال "وانا هون ما بحسد...بس بنق"

اتبرعو انتو....طلعو زكاه اموالكم يا اخوان
انتو بتدعمو وانا بدفع؟؟؟؟
انا مستعده ادفع و اضعاف هالمبلغ لدعم الجامعات بس بكيفي مش بالخاوا, لايمتا بدهم يضلو يعاملونا زي الخرفان مش فاهمه انا
جد اشي بقهر :"(

15 التعليقات :

أول شي هاي بالفعل الي أقتطعوها وزارة المالية مش زين والسنة الي فاتت عملوها وبرضو كان دعم للجامعات .. وخاوه كمان! اه وزارة المالية عنا بتوخد خاوه وتحت مسميات الدعم .. بدك تدعم غصب عنك وخاوه وكمان ما راح تشوف كيف بندعم الجامعات! انت الك تدعم وانت مثل الخاروف حتى ما بدنا نسمع أي نفس لا ماااااااا ولا بااااااااء ، واذا بطلع صوت حدا وزارة الداخلية بتشوف شغله (أصلا انت يا خاروف شغل الوزارة الوحيد)!!،،
الله يسامحك كان لازم تذكرينا ما هو نفس المسج وصلنا!

 

خالد
مهو السنه الماضيه خصمو و انقهرنا و فعفطنا بارضنا و هيهم زي الشاطرين خصمو مره تانيه....

فانا بعيد عنك عم بتفعفط بارضي برضه :)

انا بطلب زي ما طالبت السنه الماضيه يخصمو دينارين مش دينار لانه كيفي هيك :"(

 

ماااااااااااااااع... وصلني اليوم و جبت خس و جزر و كل الشغلات الي بتزكرني اني خروف او ارنب و قعدت اكل فيهم ببعتولك تم اقتطاع دينار دعم جامعات يا ريت بحكو نشكر لكم دعمكم للجامعات لااااااااا خااااااوة....!!! ما دام تبرع خدو رائي بعدين اخصمو... انا الي 3 اخوان في الجامعه و ابوي صار يحكي مع حاله من مصاريفهم شو الي بندعم بالضبط؟؟؟؟؟!!!!!

 

دخلك ونص وثلاث رباع كمان!!!

مش انتي وانا تبع هالخواريف؟ كيف ما دخلنا آه؟

 

يييي وانا وصلتني نفس المسج و قلت " ان شاء الله كل قرش اخدتوووه يقلب حر و نار فيكم " !! يا عمي شو هاد !! باخدوا الفلوس و بعدين بخبرونا .. اطب استأزنوا بالأول يوه !! يا ريتهم ما خبروا اصلا كان ما انتبهنا او نسم بدنا !! بس سؤال يعني دعم الجامعات من اي ناحية ؟؟!! ما احنا كنا بالجامعات و شايفين ؟؟!!!

 

لاااا شو شكر ما شكر...خاوااااااااا اخذنا دينار يا منيح :$

مياسي

يا ريت خرفان ....لو خرفان كان احترمونا و اهتمّو فينا و طلبولنا دعم على فواتير الكهربا و التلفون :)

Maroo
امين يا رب....وانا مش مسامحتهم
احنا درسنا وخلصنا جامعات و لا حد دعمنا ولا احد اتطلع بوجهنا

 

ana ba3atoole yaha orange kaman.. o martain.. bs el 7elo bel mawdoo3 eno my credit bs 98 2ersh :D mesh 3arfeh eza ra7yerja3o yakhdo wela btomro2 3alehom (i doubt):S

 

Jano

tomro2 3alehom mean!!!
ta5aially y5somo 2 JD 3ekab 2enno ma kan ma3ek raseed O_o
looooooooool

 

عادي هيه اجت على الليرة ... بتمون وزارة الماليه ... وبتمون الجامعات ... بس ليش ليرة حرام لازم اكتر لانو احنا بنستمتع بالتعليم المجاني والجامعات متقدمة والوضع لوز ...
يعدمني اياكم مش على الليرة والله ... بس عشو دعم جامعات ؟؟ ضريبه ودعم اعلاف ؟؟ ضريبة ودعم ريف ضريبه ... طيب وليش بندفع دخل ومبيعات ؟؟؟
اكتر من 50 ضريبة بندفع يعني البلدية صارت توخد على التراخيص ضرائب اضافية ؟؟؟ اسئلهم شو هيه ماحدا بعرف طيب لمين بتروح بعرفوش ... وضرائب نفايات اضافية ؟؟؟؟؟؟؟ هيه الناس لاقية توكل عشان نفايات اضافية ...
بس برضو كما قالت الشاعرة اليسا بتمون

ماااااااااااااااااااااااااااع بدي اروح اجز صوفي دبحني الحر

 

Ammar
احنا لازم نقرر ان احنا اساسا بدنا يخصمو دينار...حرام علشان الجامعات
علشان تكون منا طالعه....يعني همه بس يستخرفونا؟؟؟ احنا بدنا نستخرف حالنا بكيفنا

 

بما اني خروووووف و ما شا الله عني في شي جديد اسمه فلس اعلاف بدي اطالب بحقي فيه... فكركم بطلعلي شي منه ولا متل دعم الجامعات؟؟؟؟

 

هههههههههه
عجبتني الفكره بس هيك بطلعو خسرانين فاكيد راح يكون متل دعم الجامعات اللي ما شفنا منه اشي

 

That is so lame of them to do so, If hey try something similar to that over here they will be voted down the next morning.

 

اي دعم واي زفت واي جامعات ان درست على حسابي واختي كلفتنا دراستها طب 150000 دينار واخوي نفس الشي طيب ويييييييييييييين الدعم بيروح
الجامعات الها ميزانية من الحكومه بداية كل سنه
ولا تنسي ضريبة الجامعة على الفواتير الي بتيجي نهاية كل شهر
وهلا على الخلوي

دخيلو الله انا على هالعلم الي بتقدموا الجامعات حتى تاخذ كل الدعم
ماهو نص طلاب الجامعات الي بيجوا يدربوا عندي اميين والله مابيعرفو بالتخصص تبعهم اشي (يعني زي ما بيحكو المكنيكيه على الجنط)

والله وهلا دعم جامعات

زيد

 

Nizar
Unfortunately u r right, and the sad thing that we can't do anything about it


زيد

بدك تهدي اعصابك يا زلمه...الله لا يرده هالدينار :)

شكرا على المتابعه :)