Things I Like To Whisper About

Would You Hear Me Whispering

واٍٍٍٍٍٍٍٍٍٍٍٍٍٍٍٍٍٍٍســــــــــــــــــــــــــــــــــــطه

بصراحه انا الي كم من يوم مش فاتحه على Qeaider Planet وما كان في شي ببالي بس لقيت نص المدونات كاتبه عن الواسطه فحكيت لحالي لاااا يا Whisper بلاش تبيني جاهله ومش ملاحقه ولا مواكبه العصر فلازم تكتبي

اشي مع الواسطه و اشي ضد الواسطه
ناس بحكو عنه اشي لا بد منه و ناس بعتبروه جزء من الفساد
ناس بعتبر ازا انت ما الك واسطه ازا انت حفرتلي و شخصيه مش مهمه
بصراحه اشي بحير

انا مابعرف انمق كلامي و اللي بخطر في بالي بكتبه بدون ترتيب او اعاده صياغه وهي اللي خطر في بالي

انا رجعت لرؤيه و اهداف اي بلد
الشفافيه...الباب المفتوح...تكافئ الفرص
طيب كيف بدك تحقق هالاهداف وترقى ببلدك ازا ما طبقتهم على نفسك اولا علشان تفرض عالناس يطبقوهم على نفسهم

فلازم تلغي اشي اسمه واسطه
كلنا بنعرف انه للاسف هاد الشي لا يمكن تطبيقه بالاردن
مش لشي بس لانه وجهات نظر الجيل الجديد للاسف واضحه بانهم راح يستمرو بهالوضع

لو كل انسان ما فتح مجال للمخاجله ...وللنعرات و المحسوبيات بنقدر نلغي الواسطه
لو كل واحد اجتهد ليوصل للي بدو اياه
لو كل واحد اله معامله بمكان مشي عالدور و من دون واسطات الدور راح يمشي بسهوله و يسر
لو كل واحد بشغله ...ما فتح مجال للمجاملات و الواسطات كل واحد بياخد حقه


اكيد في ناس بحكو ان هاد صف كلام
بس هاي قناعتي الشخصيه

بعرف ان اي مكان بتروحو وما بتكون بتعرف حد فيه بيروح حقك
بس انت وين شخصيتك
يعني انا ازا اجا حد واخد دوري بمكان ما بسكت و بكبرها لتوصل للمدير
انا مواطنه زيي زيو و انت هون تخدمني وتخدمو
وبمعظم الاوقات ما بكون بدهم فضايح و الزبون دايما على حق
فبنضب الموظف ورا مكتبه وزي الاسد بمشيني
ازا كل واحد ما سكت ممكن نقضي على هالافات المجتمعيه اللي بتدمره وبتعيق تطوره

مش عارفه وصلت الفكره او لأ بس هاد اللي اجاكم
أل حفرتليه أل ...فســـــــــــــــــــــــــاد هو فســــــــــــــــــاد وبس






7 التعليقات :

الفساد لا دين له ولا جنس ولا هويه ولكن له طعم ولون ورائحة , فلونه اسود وطعمه مر علقم ورائحته عفنه كريهة , والفاسدون هم كذلك وهم أيضا بلا مبدأ ولا خلق ولا شرف , متحدون في أهدافهم ومصالحهم , ونحن نتهارش حولهم , ويحاول البعض منا آن يصنع جدرانا وقلاعا تحميهم وتغطي على فسادهم , وتخرج من بيننا أصوات تدافع عنهم بحجه الانتقائية

 

hamede
لقد عبرت عن الذي يجول في خاطري بشكل عميق جدا لا املك الموهبه للتعبير عنه
شكرا

 

عليكي نووور
اذا كل واحد فينا سكت .. بنكون كلنا شركاء في المأساة و الظلم الواقع على غالبية الناس
الأمل في الشباب انهم يطالبوا بالتغيير و يطالبوا بحقوقهم

 

قويدر
المشكله باللي مش حاسس انها مأساه وظلم وبعتبروه حق مكتسب وقوه شخصيه
لو كل واحد بدأ بنفسه ايلا ما نقضي على هالظاهره

 

عزيزتي ويسبر

وين الواسطة في البلد؟؟؟؟؟؟؟؟؟
ابن الوزير وزير
وابن الواصل واصل
والكفاءات والاشخاص الي معهم خبرات وشهايد قاعدين مو لاسمح الله لانه ما الهم واسطة !!!! بس لانو الحكومة بدها تريحهم بتشيلهم لوقت عازه.
والعطاءات على مين بترسي؟؟؟؟؟؟؟؟
والمطبات وين موجوده؟؟؟؟

ولسه بتئولي في واسطه

لألألألألألألأ ما في سدئيني.


زيد

 

زيد
معك حق ما في...انا هيك حاسه برضه
على سيره المطبات
كان في النا جار بشتغل اشي مهم و حاطين مطب قدام بيته
اول ما تقاعد اجو شالو المطب
فعرفنا من وقتها ان المطبات بتيجي مع تجديد عقد الشغل هههههه

 

اشي بحزن وبحبط ...