Things I Like To Whisper About

Would You Hear Me Whispering

الحكومه تمنح النواب حق بيع الاعفاءات الجمركيه

مش عارفه ليش ما عم نتعود على هالامتيازات الغريبه اللي بحصلو عليها هالنواب بهالمجلس
يعني حسب الخبر ان النواب صارو حاصلين على امتيازات بتعادل الامتيازات اللي حصلو عليها مجالس النواب الاربعه الماضيه يعني من عام 1989....

خلينا نعد الامتيازات
* رفع الرواتب.
* الاعفاءات الجمركيه.
* تأشيرات حج.
* بعثات طلابيه.
* تعيين سائق خاص على حساب المجلس.
* البدلات الغريبه...بدل سكرتيره...بدل مش عارفه شو
* واخيرا بيع الاعفاءات الجمركيه.

مش عاجبني الوضع بصراحه
بدكم تحكو حقد طبقي احكو...
لانه كتير...يعني سنه كامله وهمه بفكرو يزيدو الرواتب للموظفين ويلا لأ وبالاخر طلعو ب 35 دينار
و هلأ بكل بساطه الامتيازات بتنكب كب على مجلس النواب
حقد طبقي...اه هو حقد طبقي
لانه احنا خلص صار عنا طبقات و بشكل واضح

اخر شي توصلتله اني انا اخترع امتيازات ممكن يحصل عليها النائب علشان ابطل اتفاجأ

* شغاله لكل بنت من بنات حضره النائب.
* مرافق خاص لكل حيوان اليف في منزل النائب.
*اعفاء من فواتير الكهربا والمي و التلفون لكل " بيوت " النائب.
*خمس خطوط موبايل لكل فرد من افراد العائله على حساب المجلس.
*رحله تصييف سنوي لتغيير نفسيه النائب برضو على حساب المجلس.
* خصم دينار من كل موبايل من موبايلات المواطنين سنويا بدل انتخاب نائب.
*دفع ضريبه بدل مطبات لوضعها امام بيوت النائب.

انتو اقترحو كمان علشان ما نتفاجأ بالمره بالامتيازات الجديده اللي اكيد بعد كم يوم راح نسمع عنها...



11 التعليقات :

لا حقد طبقي ولا اشي ..
والظاهر امتيازات النواب سلسلة منقطعة النظير وما الها حد ..
وهي رشاوي قبل ما تكون امتيازات

 

والله زيادة رواتب على بداية السنة لموظفي الحكومة انا شخصياً مش عارفة شو اعمل فيها
اول اشي بدي اسافر برا البلد لانه النواب مش احسن منا:) وبعدين بدي اغير السيارة :)واجيب شغاله واحدة بدل ما احنا بنقطع حالنا عشان شغالة اهلي لما يسافروا وبعدين بدي اغير الموبايل :)
ولا احكيلكم بدي اشتري فيلا يعني انا ما بصير اعيش شوي زي العالم (كل هادا الحكي من الزايادة)همة 16 دينار ولا 17 دينار لانها بتفرق معي والله
على كل الاحوال حسبي الله ونعم الوكيل

 

eman
ماشاء الله,ما شاء الله 17 دينااااااااااار
طيب الباقي شو بدك تعملي فيه :)

 

dear whisper,
I read what you write from a while and i like your style and the subjects you choose so please keep on

zaid

 

Zaid
thanks a lot for Ur sweet comment :)

 

ويسبر اذا سمحتي الغي هادا البوست المستفز
انتي باي حق بتفتحي علينا بواب جديده باقتراحاتك
يعني هسا لو نايب من النواب شاف اقتراحاتك للاعفاءات الجديده حيقروها ويعملو زي ما حكيتي موبايلات وخدمات وادفع يا شعب .
هسا النواب شو مشاريع قوانينهم الجديده ؟؟
بصراحه المجلس محبط جدا ... بدهم برستيج وسيارات ويرجعو الي دفعوه ويكسبو
ويوخدو شقق وينحرق الشعب

 

عشان انحبس انا وانتي , لانه كتبت مقالة بنفس الموضوع اليوم, بدي احكي كلمة زغيرة عشان تثبت التهمة علي وعليكي...

اللهم فرق جمعهم وقلل رواتبهم وامتيازاتهم...

بكفي...اصلا مش عاملين لالنا شي هالكم من نائب...

 

ammar
بدك تهدّي اعصابك شو بدنا نعمل الله بفرجها من عنده

ASKAdenia
ننحبس :$
ليش شو حكينا!!
انا شخصيا كنت بحكي عن نواب موريتانيا
انت عن مين بتحكي؟؟؟ :)

 

انا بحكي عن نواب بوركينا فاسو ههههههههه

 

بتوجعي الالب انتي..بجد مدونتك مخلوقه لترفع الضغط للعالم الكادحه..:))))

في مثل عربي بيقول..من فقركم زيدوا غنانا..
يالله الغنى غنى النفس:))))

تحياتي لقلمك الا برفع الضغط :)))

 

انا وهي...
هههههههههههه جد ضحكتيني بتعليقك
شكرا عالمتابعه :)