Things I Like To Whisper About

Would You Hear Me Whispering

اقوال الصحف..


اليوم وامبارح اكتر من خبر لفتو نظري اهمها

الخبر
الاول عن منتظر الزيدي الخبر ان امبارح كان في تحقيق مع الصحفي الشجاع الرجل في زمن قلّت فيه الرجال و ان منتظر لم يأتي الى الجلسه و القاضي الذي ذهب الى منتظر لاستجوابه و انه من الممكن ان تكون العقوبه الحبس ل 7 سنوات بتهمة "التهجم على رئيس دولة اجنبية " حسب القانون العراقي وطبعا حكو انه غير مصاب وانهم عاملوه معامله انسانيه واللي بين عكسه في الفيديو وصوت منتظر و هو بصرخ وهمه هاجمين عليه مع ان اخوه بحكي انه نقل للمستشفى وكان مصاب بكسر في ذراعه واحد اضلاعه واصابات في مناطق متفرقة من جسمه الله يكون معه يا رب

اليوم قرأت ان محاكمه منتظر راح تكون بعد اسبوع و ان عقوبه اهانه رئيس دوله اجنبيه تتراوح ما بين 5 الى 15 عام حسب القانون العراقي

وقرأت بان منتظر من الممكن ان يواجه حكم الاعدام لاهانه رئيس اجنبي بناءا على القانون العراقي التالي:
" المادة 223 المنصوص عليها في قانون العقوبات العراقي رقم 111 لسنة 1969 وتقول إذا كان هناك اعتداء على رئيس دولة أجنبي كان في زيارة للعراق وحسب الحالات المحددة في القانون عقوبتها السجن المؤقت أو الإعدام وحسب الحالات المقررة في هذه المادة ".

السجن المؤقت او الاعدام!!!!مش فاهمه ...يعني في فرق كبير بين السجن المؤقت وبين الاعدام

بعدين هو عندهم عشر قوانين بالعراق و يطبق اللي على مزاجهم بالوقت اللي بدهم اياه
يعني علشان ياخدو راحتهم بالاحكام؟؟؟



تاني خبر تبرئه الطبيب محمد العشا والافراج عنه بعد السجن لمده عام في السجون البريطانيه سنه من الحبس و بكل بساطه انت بريء اطلع طبعا بدون الاعتذار لانه الانسان العربي بنظرهم ولا اشي ليش يعتذرو من اساسه و تاني اشي و الاشي اللي صدمني انو طلع قانون مكافحه الارهاب البريطاني ما فيه ان الواحد يرفع قضيه تعويض بسبب الاعتقال سؤال....هل هاد القانون للعرب المقيمين ببريطانيا بس ويلا بمشي على الشعب البريطاني!!!!!
وكان امبارح المفروض ان بعد تبرئه العشا يضل يكمل دراسته و عمله في بريطانيا

اما اليوم الخبر بان
الطبيب العشا يطعن بقرار إبعاده من بريطانيا نظرا لانتهاء تأشيره العمل الممنوحه له
بالله جد!!!! مش انتو اللي حبستوه بالغلط سنه ...كيف هيك بعملو
هالشي جاوب سؤالي اللي سألته قبل...لا بس بالعرب بعملو هيك


ثالث خبر واللي حسسني اني بالسي تاون او بباتا مواطن اردني يعرض شراء حذاء منتظر ب 99.999 الف دولار و واحد بالخليج عرض 10 مليون ثمن للحذاء مش فاهمه مدام في فلوس و ما شاء الله مبين انو مش محتاجينها ليش ما بتصرفوها عالعالم المحتاجه و المساكين اللي ما معهم ياكلو يعني بصراحه انا مش شايفه من هالشي اي دعم للصحفي اطلاقا يعني انك تدفع اتعاب لمحامي يدافع عنه ماشي تبعت اشي لاهالي العراق باسمه برضه ماشي انك تعمل اشي اي اشي لاهل غزه برضه بتحمل شعار باسم منتظر بس انك تشتري حذاء و بعد فتره تصير تزايد عليه و تفكر انو ممكن يصيرو الناس يتصلو فيك علشان يشتروه وتبيعو للي بدفع اكتر كبيره هاي

خلص بكفي سمه بدن...بكره بنكمل لانه اكيد راح يكون في اخبار
بتسم البدن كمان


5 التعليقات :

OMG 3ala hal a`7bar !!
alah efrejha 3ano ya rab.. o kel el ma7boseen "ameen"

yea eza masarehom zyade e3malo she estafedo nas mo7tajeh.. aw e3malo jawame3
inchalla a`7Bar bokra btkon a7san :(

tanksss 3al mawdoo3 :)

JUMANA :)

 

بعرف واحد حكولو بعد فترة بزنزانه انفرادي بواحده من الدول العربيه ... اسفين بالغلط ما تزعل منا رد بمتعاض لا طبعا :d ( يعني لو حكالهم زعلان شو حتفرق ممكن يرجعوه ) ... بخصوص الزيدي يا وسبر هو مش اعتداء لازم يتحاكم بانو شروع بالاعتداء لانو ما صاب بوش اذا بدهم يجرموه بقضية اعتداء يجيبو بوش ويضربو بوش بالكندرة بوجهو :) تاني اشي كل القوانين الي فيها خير الغوها بالعراق الا هادا القانون؟؟
طز على المالكي

 

jumana
ameen ya rab
lessa ma shofet sho fee 2a5barat jdedeh
allah yestor :)
thanks jojo

ammar
حبيت الفكره...فعلا مش اعتداء ازا لازم الكندره تيجي بنص صباحه وتترك اثر او عاهه علشان يصير اعتداء

 

الموضوع لا دعم صحافة ولا يحزنزن بس موجة وبدهم يركبوها ..
وانت لا تبعي كتر للأخبار ..

 

همسه يا همسه..بلشتي بالغلط..خليكي على الخرفان..اسمعي مني..وتركك من وجع هالراس..
احنا العرب ما فينا نقول ليش..نفذ وبعمرك ما تفكر تناقش..مش هيك اصحاب المعالي بدهم..

تحياتي الك وتضرب الاخبار