Things I Like To Whisper About

Would You Hear Me Whispering

رجعنا للدوااااااااام :"(


طبعا و كالعاده العطله بتركض ركض متل غمضه العين ولا بنلحق انام ولا بنلحق نعمل اشي
و بنرجع للدوام
الله يعينا على بكره...اساسا الاحد بمشي شوي شوي...هو صحيح راح يروح معظمه معايدات و زيارات وهون شاي وهون قهوه وهون معموله وهون شوكلت بس برضو الله يعينا على بكره

بس احنا احسن من ابو محجوب...شو من اول يوم دوام نسأل ايمتا العطله الجاي عييييييييييييييييييب

احنا حاسبينها من قبل بشهرين و بنعرف ايمتا العطل بالزبط و مرتبين اجازاتنا عليها من شهر كمان
الله يسامحه عماد حجاج ناقل الصوره غلط عن الموظف.....الموظف اوعى من هيك وحاسبها منيح :)

فيا جماعه شوفو
عنا ب 25-12 الخميس الكريسماس
و ب 28-12 الاحد راس السنه الهجريه يعني خميس جمعه سبت احد ......يا سلاااااااااااااااااااااااااام :)
و1-1-2009 الخميس عطله راس السنه وكل عام وانتو بخير
و كل سنه وعطلنا اكتر :)

بس للاسف بال 2009 ممكن تسحبها ل 25-5 بدون عطل

الله يستر يلااا بنستنى التقويم الجديد وبنفتش عالعطل...لانه هاد اللي بصير اول ما يجي تقويم السنه الجديده
بيقعدو الموظفين يدورو عالعطل و يدعو يا رب الخميس او الاحد تيجي العطله

8 التعليقات :

ههههـ أه والله كلام صحيح وخصوصاً الواحد تعود على روتين معين ، طبعاً هذا الروتين الخاص بالإجازات ( ممكن نسميه روتين الراحة !) فعندما نعود مرة واحدة ودون إستعداد أكيد رح نلاحظ شوية كسل وخمول .. !
بس مع كم بهدلة من المدير برجع الواحد أنشط من أول :) ..

شكراً

 

كل عام و إنت بخير :)......
اه رجعنا للدوام ، يعني مش بس العطلة بتمرق بسرعة .. كل الأيام ...
فتحي عين و غمضي عين بتلاقي إنه اليوم الخميس :) لوووووووووووووووول :) ....
انا حاسة إنه سنة 2008 مرقت بسرعة
بقدر أتذكر بكل شهر شو صار ...:)

 

Oxygen
بصراحه معظم اليوم راح تعييد عالعالم و المدير ما حكى اشي لانه هو كمان كان طالع يعيد برضه ههههههه

Vagueraz
وانت بالف خير
بصراحه معك حق انا حاسه ان من ال 2000 و السنين بتمشي بسرعه
يعني كانه امبارح كانو يحكو عن مشكله الالفيه مش قبل 9 سنين

 

سلام ..
كيفك ؟
وكل عام وانتم بألف خير .
رجعنا للدوام .. بس والله الدوام منيح وبدون دوام بحس انو مو عايش ، على كلا تدوينات كتيرة بدها تعليق وحاسس اني فوتت كتير .

 

خالد
الف الحمد لله على السلامه تقبل الله طاعاتكم وان شاء الله تكون دعيتلنا

 

أكيد دعيت لكل المدونين وانت أكيد منهم

 

looooooooooool

فعلا كل ما تخلص الاجازه

ننتظر الاجازه اللي بعدها

على احر من الجمر :)

تدوينهجميله

استمتعت بمروري منهنا

تمنياتي بالتوفيق:)

 

خالد
شكرا وربنا يتقبل جميع دعواتك

اقصوصه
ما في احلى من الاجازات ههههههههه
شكرا على المرور :)