Things I Like To Whisper About

Would You Hear Me Whispering

يا غايب....

انا اجمالا بعيده شوي عن جو الاغاني و شو في جديد لكل مطرب....اللي بعجبني اغاني معينه
بسمع اغنيه بالصدفه و بتعجبني ما بتابع اعمال حد
ممكن تعجبني اغنيه لشخص مش مشهور...بس في اغاني معينه بتنقلي لجو تاني
بحس بمشاعر غريبه مش موجهه لحد بس بحب الشعور
انا كل فتره وفتره راح احط اغنيه من الاغاني اللي بحبها و بتغير مزاجي بس اسمعها

المطرب الوحيد اللي بحب اي شي بغنيه هو فضل شاكر
فلازم ابدا باغنيه اله

اغنيه ضحكه الدنيا و اغنيه يا غايب

الاغنيتين بس اسمعهم برجعوني لجو العيد اول ما نزل الشريط في 2002 اعتقد
كان اخوي جايب الشريط قبل بليله و الصبح بعد ما رحنا عالصلاه و افطرنا و لابسين و بنستنى خالو اللي متعودين يجي علينا من الصبح علشان نبدا جولتنا على راي بابا على عماتي و عمامي
المهم لابسين و بنستنى وفجأه بدت الاغاني ...اخوي مشغلهم و معلي الصوت

مع انو كانت نفسيتي زي الزفت هديك الايام وكان في عندي مشاكل كتيره بحياتي
بس هالاغنيتين بحبهم كتير
وبس اسمعهم برجعوني لمزاج العيد و اهلي و اخوي وما بتيجي شعور سمه البدن اللي كنت فيها

كل ما اسمع هالاغنيتين بصير ابتسم لا ارادي
ان شاء الله يكون الهم زكريات حلوه عندكم

مش لاقيه فيديو ضحكه الدنيا ومش عارفه كيف اضيف اغنيه عاديه هون :$

فبتركم مع اغنيه يا غايب و اغنيه خدني معك اللي بحبها كتييييييييييييييييييير








2 التعليقات :

فضل شاكر

روعه روعه روعه!! يا حياة الروح هي المفضلة عندي و لا بمل منها ابدا:)

 

مياسي
وانا كمان كتير بحب هالاغنيه
كنت حاطتها رنه ل ماما لما تحكي معي :)