Things I Like To Whisper About

Would You Hear Me Whispering

طيب ليش هيك؟؟؟

وصلني دعوه من وحده من صاحباتي علشان انضم لجروب في الفيس بوك
بصراحه صدمني العنوان

ادعس على اكبر راس ...... انت فلسطسني بترفع الراس

هلا والله بكل الفلسطينية والشغلة مش عنصرية القصة قصة قضية يعني احنا الفلسطينية بنستاهل اكبر تحية مش لانا فتحاوية او حمساوية او جهادية او دمقراطية
بس لانا اشرف ناس بالكرة الارضية ....


ول ول ول بدكم تطولو بنطلوناتكم يا جماعه
يعني هلأ هيك بنصير مناح؟؟؟ هيك بنثبت انا موجودين
مش فاهمه هدول العالم قليلين العقول شو بخبصو بالزبط
يعني بس يقرأ هالكلام حد مش فلسطيني هل بتتوقع انو يتعاطف معك؟؟؟
هل ببتوقع انو يحس انك مسكين و انه يوقف جنبك
ليش يا جماعه بتحبو تخسرو العالم
وال ايش ساهم في دعم وطنك...هلأ يا اخ انت واياه هيك بتدعمو وطنكم؟؟؟ بهالكلام اللي ما الو معنى

ليش العنصريه على هالمسويه....."ملطوش التعبير من مدونه المقال بعنوان
عنصريه على الصباحيه بس اكيد بطلعلي الطش :)"


0 التعليقات :