Things I Like To Whisper About

Would You Hear Me Whispering

اشي اخضر....

عنا عاده بالبيت لازم يكون الطبيخ لغدا العيد اشي اخضر او ابيض :)
تيتا الله يرحمها كانت تعمل هيك ومميتو من بعدها صارت تعمل هيك...وانا مش عارفه ازا راح اعمل هيك ...انا بفضل الاكل الجاهز خلال فتره العيد :) ليش الغلبه والعجئه

الملوخيه طبعا دايما الخيار الاول وتاني خيارالمنسف
انا كنت مفكره ان هاي العاده بس عنا...بس لما حكيت قدام صاحباتي اكتشف ان كتير ناس عندهم هاي العاده
ما بعرف موجوده عند الكل هالعاده ويلا لأ؟

طبعا انا ليش بجيب السيره ؟؟؟
علشان احتفل بنفسي .....اليوم انا اتشطرت و اتعدّلت وطبخت ملوخيه....
انسو ان من الصبح وانا بطبخ بس طلع الاكل اشي من الاخر
جد اخواني و مره اخوي حكولي ان الاكل بجنن...هو بصراحه مره اخوي بس اللي حكت و اخوي الصغير بعد ما سالته 10 الاف مره كيف الاكل حكالي زاكي زاكي ...بس انا راح اعتبر هاي الزاكي انو الاكل بجنن :)

رز و جاج مشوي وملوخيه و لوز وصنوبر وسلطه ...لا والله ما انا قليله و بطلع مني
الحمد لله ربنا بيض وجهي

6 التعليقات :

يعني طورتي برنامج نووي صاروخي ؟؟
كلها طبخه ملوخيه , مابدها هل عجقة واصلا مش معروف انو زابطه والا لا, مش مستاهله كل هل دعايه على الانترنت
الله يخلف عجيل زمان على سبع سنين بتكون حاملة البيت عراسها وبتطبخ كل اشي

برفع المعنويات انا بعرف :P
كل عام وانتي بخير

 

عمار:
حاسه انو معنوياتي صارت بالسما :"(

وانت بخير وينعاد عليك وعلى الاهل بالخير

 

و لا يهمك

انا كمان بتعلم طبيخ من جديد و مره هيك و مره هيك بس هايني بحاول

احنا اول يوم بس "بنحوس" اللحمه مع بصل لانو هيك اخواني بيحبوها؛ طول اليوم و هما رايحين جايين بدكيش تعملينا اللحمه؟

بالآخر ابوي كسفهم و حكالهم "مشوها" اليوم ما في طبيخ:)

 

مياسي

منيح منا انا بدنا نتعلم اصلاطن
مش فاهمه ليش الاضطهاد هاد

هاد اللي صار امبارح...مشيناها بدون طبيخ :)

 

ضحكتيني بجد اللله..ما بعرف حاسستها طلعت سبانخ بالاخر..ليه ما بعرف..
مرت اخوكي قالتلك زاكيه..شكلها مورطه عطول بالطبيخ وبدها من الله حدا يشيل عنها..فقالت يالله بلكي بتزبط وبتلاقي حدا يساعدها..حتى لو طبيخه مووووو زاكي..
اخوكي الزغير بيتهيالي اما بياكل منك اتلات كتير وخايف او انه المسكين لسا كتير زغير وما بيعرف طعم تمو

كل عيد وانتو بخير المهم ما حدا يوصل الطواريء..الدنيا عيد ما مستاهله..:))

بوست لزيز بطعم الملوخيه

تحياتي

 

انا ..وهي

لاااا ملوخيه الله يسامحك
و اخوي الصغير راح يتخرج السنه من الجامعه وكمان ماشاء الله طوله 194 فاااا بدي رضاه و ما بتزبط معه الاتلات :)
وكل عام وانت بالف خير