Things I Like To Whisper About

Would You Hear Me Whispering

Welcome Fara7

Ladies and gentlemen let me present to u the first member of our small family new generation
Farrrooooooooooo77777777777777777aaaaaaaaaaaaaaaaaa


بسم الله ما شاء الله









Things makes me smile....laugh

Baby's can change my mood from any thing to happy,and they can bright up my day and some time's my week :)
what ever I'll write it can't explain my feeling's
baby clothes are another story...it makes me crazy really when I'm in a shop and see baby clothes i start coddle them and my voice become a disaster



Penguins....Dolphins and Pandas...OoOoOoh i can't stop my self from smiling ,I don't know what is the magic there..maybe because i feel them like baby's too....i dont know


My Favorite comedy show ever...





I got this stuffed toy as a gift from my brothers wife she say the moment I saw the way he is looking I knew that u will love it

look at the eyes...is't he adorable!!! bebeeee i love it


now i'm in a verry good mood...really :D

Sooo try it and think about things makes u smile and I assure you it will change your mood...yalla try :)



اطلع من راسي...وشكرا

اليوم بدي احكي و بدي افش قلبي

لمديري مدير مديريه الحاسوب اللي امبارح علمناه كيف يشغل الجهاز و ان الماوس مش ريموت كنترول وما ترفعه و خليه عالماوس باد يا معلم.....
اطلع من راسي


للموظف الجديد اللي ما الو اربع شهور و بطالب يصير رئيس قسم و بحكي انا مش جاي اشوف موظفين انا جاي اخد فلووس.....
اطلع من راسي


للمدير العام اللي قززني من الصبح طلبات وااحصائيات وتعديلات و ...و........
اطلع من راسي

لاخوي اللي عرف عن المدونه واكيد راح يقرأها اللي كل ما شبكت عالنت بيجي بدو يشيك ايميلو او بدو يشوف الفيس بوك....اطلع من راسي

لكل موظف او موظفه بكونو واقفين عند باب الشغل وانا مروحه وبيقعدو يجحرو كاني قاتلتهم امهم او ابوهم و يتطلعو من فوق لتحت....اطلعو من راسي


للموظف اللي بضل يحكيلي" لدّي علي جاي" وبحكي اسمي غلط و يتفلسف و هو وانا عارفين ان الواحد بس يحفظ كم من مصطلح انجليزي بشغله ويضل يكررهم بمكانهم ومش مكانهم ما بعني انو صار يفهمم....اطلع من راسي

لكل واحد بغلط باسمي و بحكيلي ايناس او نسرين بس لانه اسمي فيه سين و نون......اطلعو من راسي


الك انت..اه اه انت اللي بتقرا وما بتعليق ....
اطلع من راسي وعلق لو سمحت :)

لخالد السعود.....
شكرا على المتابعه والتعليقات :)

لاسكدنيا....
شكرا لانه عن طريق مدونتك خطرتلي فكره اني افش قلبي بمدونه خاصه فيي



جوله في محفظتي :)




بعد ما شفت كاريكاتير ابو محجوب اللي عجبني كتير كتير فكرت انا كمان اعمل جوله في محفظتي واشوف شو فيها وخصوصا انو حسيت ان في تشابه كبير بالموجودات

Prada محفظتي جلد اسود
اشي فاخر عالاخر جبتها معي من دبي السنه الماضيه يعني لساتها جديده ومش متدمره
بالنسبه للورق الاخضر..في ورق اخضر و الحمد لله لانه الدنيا اخر الشهر و مستلمين الراتب جديد ففي قوس قزح و كل الالوان بتلاقيها وانا حبيت اكتب اليوم وما ءاجل الكتابه لانه بعرف حالي اعطوني 24 ساعه بكون قاضيه عالراتب وبمشي حالي لاخر الشهر بالمعونات اللي بتعطيني اياهم ماما حبيبتي
وبما ان اخوي الكبير اجا من السفر ومقيم عنا ففي سلبطات كتير بدو يتحملها :)

في كشفين حساب من الصراف الآلي ,عاده عندي ما بعرف منيحه ويلا سيئه بحب اسحب كشف حساب مختصر وكشف اللي بتعطيني اياه الآله بعد ما اسحب
el "ATM" y3nee :D
طبعا عمري ما قارنت ولا عرفت شو مكتوب ولا انتبهت الشهر اللي بعده ازا صح المبلغ اللي خليته بس عاده و لازم اعملها ما بعرف الواحد بركي احتجتهم...اذا هي اول تشابه وصولات صراف الي قديمه :")

يانصيب لا ما في منو هالحكي ما بحبه وما بتعامل معه

اهااااااااا فواتير...بصراحه لقيت فاتوره اشترينا اواعي لاولاد اخواني اللي راح ينولدو على خير اخر الشهر انا عاده بحط الفواتير بالكيس و بكبهم بس اخد اللي بالكيس بس هدول هديه و مش حلوه يضلهم بالكيس فحطيت الفاتوره بالمحفظه ..هيني كبيتهم :")
هي تاني تشابه

ارقام تلفونات ..في كروت بس لناس بعرفهم وبتعامل معهم وبتصل فيهم فمش محسوبين

ههههههه صور...انا ست مين بحب يحتفظ بالصور
شوفو شو في معي
(بابا,ماما,اخواني ال 3,مره اخوي الكبير واكتشفت انو ما عندي صوره لمره اخوي التانيه...شو عيب منيح ما تشوف,بنت خالتي الصغيره,ابن بنت خالتي اللي بموت عليه,بنت صاحبتي القمر,صوره عمو الله يرحمه,صوره مره عمو اللي اعطتني اياها بالخاوا لما اخدت صوره عمو :$,صوره صاحبتي و ابنها وبنتها,صورتي وانا صغيره,صورتي بالصف الاول,صوره التخرج) بس والله محطوطين باشي خاص للصور ومرتبين يعني مش معفشكه المحفظه...هاي تالت تشابه

اللي بعده

فش مشابك..فش كروت اطباء...اكيد ما في صوره للمدام...هويه و رخصه بس بكامل قواهم ما في اشي مكسور ولا اشي محطم..كروت موبايل لأما في....اهااااااااا رساله غراميه...في عندي رساله لبنت خالتي وهي صغيره كاتبتلي انها بتحبني وراسمه عليها اشياء المفروض انها نمل..شو دخل ما بعرف بس هاي الرساله من 2002 ما بعرف تعتبر غراميه ويلا لأ.. خليناه نعطيها نص تشابه يلااا بس علشان ابو محجوب...هلا عمي

"بطاقه فيزا كرتونيه تباع مع المحفظه" لا هاي اساسا مش موجوده ما انا حكيتلكم
فلااا مش موجوده
Prada

ازا طلعنا بتلات تشابهات ونص :)

لاا الحمد لله مش كتير دمار الوضع طلع...انا بس شفت الكاريكاتير حكيت هاي محفظتي يا جماعه ولا شو
بس طلعت مش الي ....لاا لاااا طلع حجاج وابو محجوب بريئين :)

يا ترى انتو كمان لقيتو تشابه بالموجودات..تأكدو منيح ليكون ابو محجوب لاطشها من حدى فيكم ....




مطلوب "وطن"!! ‏‏






هذه المقالة للكاتب أحمد الزعبي تتحدث عن مبادرة السلطة الفلسطينيه الأرض مقابل السلام وقد منعت من النشر وقد نشرت في جريده السوسنه الأردنيه نقلاً عن موقع الكاتب الإلكتروني أترككم مع المقال

نشرت السلطة الوطنية الفلسطينية إعلانا مدفوع الأجر في ثلاث صحف يومية إسرائيلية وبمساحة صفحة كاملة، يتضمن نص المبادرة العربية (إياها) الأرض مقابل السلام، وذلك لاستمالة الشعب الإسرائيلي وإقناعه (إعلانيا) للتعايش مع الفلسطينيين في حال قبلت حكومته بتسوية ما ، في قرن ما (على خير وهداة بال)..أخيراً صارت تستعاد الأوطان بالإعلانات:

اعلان 1: ( مطلوب وطن "مفروز" ، يفضّل على منفذ بحري ، يضم 5ملايين لاجيء ، و3مليون محاصر، بدون وساطة الأمم المتّحدة، التشطيب غير مهم ديلوكس أو عالعظم لا فرق ، للجادّين فقط نرجو الاتصال على أرقام السلطة الوطنية ..).


اعلان 2: ( مطلوب شريك سلام ،لمشروع ناجح 100% ، وطن تحت التشغيل ، بشرط الاّ يكون لديه خبرة في المفاوضات ، وقادر على التعايش السلمي مع الآخر ).


اعلان 3: (مطلوب فوراً وطن للشراء أو للمبادلة ،تكملة إقساط ، جديد أو مستعمل ، استخدام سيّدة، قيادة بَوَرْ ، وحكومة اوتوماتيك)..


اعلان 4: (مطلوب لوطن تحت الاحتلال ، مقاومين من الجنسين ، الخبرات المطلوبة : أسر وتعذيب 5 سنوات، دورة متقدّمة في الانتفاضة،القدرة على التعامل مع الحصار، إجادة استخدام "المقليعة"، الشهادات المطلوبة: صورة طبقية مصدقة من مستشفى معتمد، وصورة عن كشف "جروح" ،وشهادة "استشهاد" أو محكومية)..
اذا كان اعلان تجاري مخطوط بالحبر، مكتوب بالعبري، مدفوع الأجر، سيستعيد وطناً؟؟ اذن فاحجزوا للكرامة العربية "صفحة كاملة في صفحات النعي".




شاهد عيان...

اقوال شاهد عيان لجريمه شنعاء حصلت مش عارفه وين بالزبط بالاردن
انا شخصيا مصدقه الشاهد ومتأكده 100% ان القاتل هو محمد مش طارق
اترككم مع التصوير للتحقيق الكامل مع الشاهد
الرجاء انكم تزودوني بوجهه نظركم ومين برأيكم القاتل....



very funny....loooooooool



3D Images ....Magic Images

I love 3D images v much and spend a lot of time fetching for the picture inside
hope u can see the picture right ;-)

at the bottom I'll write what u suppose to see :D

enjoy.....









  1. Spring
  2. Man in a boat
  3. Flaying smarties
  4. Swimming whale.
  5. Scare man
  6. Stop wasting your time get a life….." it's written there wallah :D "







Up to date joke :-)‏

One sunny day in January, 2009 an old man approached the White House from Across Pennsylvania Avenue, where he'd been sitting on a park bench. He spoke to the U.S. Marine standing guard and said, "I would like to go in and meet with President Bush."

The Marine looked at the man and said, "Sir, Mr. Bush is no longer president and no longer resides here."

The old man said, "Okay", and walked away.



The following day, the same man approached the White House and said to the same Marine, "I would like to go in and meet with President Bush."

The Marine again told the man, "Sir, as I said yesterday, Mr. Bush is no longer president and no longer resides here."

The man thanked him and, again, just walked away.



The third day, the same man approached the White House and spoke to the very same U.S. Marine, saying "I would like to go in and meet with President Bush."

The Marine, understandably agitated at this point, looked at the man and said, "Sir, this is the third day in a row you have been here asking to speak to Mr. Bush. I've told you already that Mr. Bush is no longer the president and no longer resides here. Don't you understand?"

The old man looked at the Marine and said, "Oh, I understand. I just love hearing it."



The Marine snapped to attention, saluted, and said, "See you tomorrow, Sir."


heheheheheheeeee


مـتــى تـغـضـــب ؟

مـتــى تـغـضـــب ؟

رائعة الدكتور عبد الغنـي التميمـي

أعيرونا مدافعَكُمْ ليومٍ... لا مدامعَكُمْ

أعيرونا وظلُّوا في مواقعكُمْ

بني الإسلام

ما زالت مواجعَنا مواجعُكُمْ

إذا ما أغرق الطوفان شارعنا

سيغرق منه شارعُكُمْ

يشق صراخنا الآفاق من وجعٍ

فأين تُرى مسامعُكُمْ ؟

************

ألسنا إخوةً في الدين قد كنا

وما زلنا

فهل هُنتم

وهل هُنّا

أنصرخ نحن من ألمٍ ويصرخ بعضكم: دعنا ؟

أيُعجبكم إذا ضعنا ؟

أيُسعدكم إذا جُعنا ؟

وما معنى بأن «قلوبكم معنا»؟

لنا نسبٌ بكم ـ والله ـ فوق حدودِ

هذي الأرض يرفعنا

وإنّ لنا بكم رحماً

أنقطعها وتقطعنا ؟

معاذ الله

إن خلائق الإسلام

تمنعكم وتمنعنا

ألسنا يا بني الإسلام إخوتكم ؟

أليس مظلة التوحيد تجمعنا ؟

************

أعيرونا مدافعَكُمْ

رأينا الدمع لا يشفي لنا صدرا

ولا يُبري لنا جُرحا

أعيرونا رصاصاً يخرق الأجسام

لا نحتاج لا رزّاً ولا قمحا

تعيش خيامنا الأيام

لا تقتات إلا الخبز والملحا

فليس الجوع يرهبنا

ألا مرحى له مرحى

بكفٍّ من عتيق التمر ندفعه

ونكبح شره كبحاً

أعيرونا وكفوا عن بغيض النصح بالتسليم

نمقت ذلك النصحا

أعيرونا ولو شبراً نمر عليه للأقصى

أتنتظرون أن يُمحى وجود المسجد الأقصى

وأن نُمحى

أعيرونا وخلوا الشجب واستحيوا

سئمنا الشجب و الردحا

************

أخي في الله

أخبرني متى تغضبْ ؟

إذا انتهكت محارمنا

إذا نُسفت معالمنا ولم تغضبْ

إذا قُتلت شهامتنا

إذا ديست كرامتنا

إذا قامت قيامتنا ولم تغضبْ

فأخبرني متى تغضبْ ؟

إذا نُهبت مواردنا

إذا نكبت معاهدنا

إذا هُدمت مساجدنا

وظل المسجد الأقصى

وظلت قدسنا تُغصبْ

ولم تغضبْ

فأخبرني متى تغضبْ ؟

************

إذا لم يُحْيِ فيك الثأرَ ما نلقى

فلا تتعبْ

فلست لنا ولا منا

ولست لعالم الإنسان منسوبا

فعش أرنبْ ومُت أرنبْ

ألم يحزنك ما تلقاه أمتنا من الذلِّ

ألم يخجلك ما تجنيه من مستنقع الحلِّ

وما تلقاه في دوامة الإرهاب والقتل

ألم يغضبك هذا الواقع المعجون بالهولِ

وتغضب عند نقص الملح في الأكلِ

************

أخي في الله قد فتكت بنا علل

ولكن صرخة التكبير تشفي هذه العللا

فأصغ لها تجلجل في نواحي الأرض

ما تركت بها سهلاً ولا جبلا

تجوز حدودنا عجْلى

وتعبر عنوة دولا

تقضُّ مضاجع الغافين

تحرق أعين الجهلا

فلا نامت عيون الجُبْنِ

والدخلاءِ والعُمَلا

************

عدوي أو عدوك يهتك الأعراض

يعبث في دمي لعباً

وأنت تراقب الملعبْ

إذا لله، للحرمات، للإسلام لم تغضبْ

فأخبرني متى تغضبْ ؟

رأيت هناك أهوالاً

رأيت الدم شلالاً

عجائز شيَّعت للموت أطفالاً

رأيت القهر ألواناً وأشكالاً

ولم تغضبْ

فأخبرني متى تغضبْ ؟

وتجلس كالدمى الخرساء بطنك يملأ المكتبْ

تبيت تقدس الأرقام

كالأصنام فوق ملفّها تنكبْ

رأيت الموت فوق رؤوسنا ينصب

ولم تغضبْ

فصارحني بلا خجلٍ لأية أمة تُنسبْ ؟

بالخاوااااا

في خبر جاء في جريده الغد "الامانه تقدر قيمه مخالفات السير في العام المقبل ب 23 مليون دينار"
يعني كيف قدرو وكيف حسبو و لقو ان العالم راح تخالف بهالمبلغ هاد
وكيف قدرو ان نسبه زياده المخالفات راح تزيد 15%

انا اللي بعرفه ان اي دوله بتحاول تقلل من نسبه المخالفات مش انها بتتنبأ و بتتفائل بزياده نسبه المخالفات الى 15% لدعم الموازنه
يعني بصراحه كتير كبيره يا امانه ومش قادره ابلعها...بلعنا كتير اشياء وبالخاوا برضو بس هاي مش قادره...مش ماشيه معي لا تحاولو

انا بصراحه عجبني هالتعليق جد بفش القلب

فاعل خير بحكي
لازم يا مواطن يا اردني تبرمج حالك لانه عليك عليك حتتخالف في 2009 علشان نغطي الموازنه تاعت الامانه وانا من جهتي بتبرع بقطع اشاره ضوئيه حمرا و وقوفين خاطىء وسرعه زايده ومكالمه خلوي اثناء القياده وذلك لدعم الموازنه



جد هالظروف بتطلع خفه دم المواطن الاردني....يعني بالاخر طلع الها فائده :)

علشان تقرأ الخبر السعيد اكبس هون

نواب اسخم...وحكومة ارحم!!!!

في مقاله للكاتبه المتميزه ابتسام عطيات في موقع عمون الاخباري بتتكلم عن ضريبه فلس الخلوي اللي بطالبو بفرضها النواب او "النوائب على راي الكاتبه المصايب يعني بالعربي" والحكومه رافضه الموضوع.
يعني ايش فيييي شو بدهم بالزبط...مش قادره افهم
المفروض ان واجبهم الاساسي واللي هو مصلحه العالم اللي انتخبوهم ما بقومو فيها ,بس هات تجميع فلوس واعفاءات وكوتات حج و..و... شو بدهم بالزبط ,ما في حد للشبع؟؟؟ بصراحه زوّادوووووووووووهاااااااااااا

بعد ما كانو ملائكه ما شاء الله عنهم وقت الانتخابات وهات يا صرف وهات يا مناسف وهات يا تزريق فلوس من تحت لتحت علشان يشترو اصوات....مش عارفه الحق علينا احنا اللي اخترنا هيك عالم يدافعو عن حقوقنا؟؟؟ ويلا الحق عليهم انهم غشونا وكانو حاطين اقنعه؟؟
حسبي الله ونعم الوكيل

اترككم مع المقاله..

طالعتنا الصحف حين نقلت وقائع جلسة مجلس نوابنا "نوائبنا " يوم امس الأول الاحد بان نوابنا الأكارم يطالبون ويلحّون على الحكومة بفرض ضريبة فلس الخلوي على المواطنين وهو ما طالبوا به سابقا لصالح ما اسموه صندوق دعم الثروة الحيوانية والحكومة ترفض ...

معذورين الجماعة لأن الهواتف ليست هواتفهم وانما هواتفنا نحن المواطنين الغلابى بينما هم يتقاضون بدل استخدامهم للهاتف يعني " مو فارقة معهم"..... وتقول الأخبار ايضا ان مجموعة من النواب تدرس اعداد مذكرة تطالب بحجب الثقة عن وزير المالية بسبب عدم موافقته السماح للنواب ببيع اعفاء جمرك السيارات الذي منحه مجلس الوزراء قبل ثلاث اسابيع....

حقا انه مجلس غريب ...هذا المجلس الذي ينسى مصالح مواطنيه ويهتم بمصلحة نفسه ... فمن اعفاء للسيارات الى كوتا للحج.. الى سفرات ومياومات ورواتب فوق الريح والمواطن يعاني الأمرّين جرّاء الوضع الاقتصادي الصعب ... هؤلاء النواب اثبتوا وبالدليل القاطع ان الحكومة ارحم منهم رغم ان المتعارف عليه ان الحكومة تكون اقسى قلبا لكن هذه المرة انقلبت الآية واصبحت الحكومة ارحم ونوابنا والله " اسخم " ... قد يقول البعض ان هذا المجلس هو ما افرزته صناديق الاقتراع التي ادلى بها مواطننا بصوته...

صحيح هذا الأمر لكن النواب عندما كانوا مرشحين كانوا غير ذلك كانوا مساكين يستجدون صوتنا وبعد ان تمسكنوا تمكنوا ووضعوا ايديهم حول رقابنا والامتيازات كلها لهم... ما يجري يجعل مواطننا يفكر الف مرة في الانتخابات القادمة لمن يعطي صوته او يحتفظ به لنفسه... احمد الله كثيرا ان المرشح الذي انتخبته لم ينجح في الانتخابات والا لكنت الآن قد ابتليت بدمه لو اصبح في هذا المجلس...يعين الله...

التهنئه لمين بالزبط :)




انا شايفه ان الكاتب بهني نفسه ...انتو شو رايكم :)

الهوت ميل الجديد....بدييييييش اياه

مش عارفه هو انا لحالي اللي كرهتووو ويلا في ناس زيي
يا جماعه بطلت احب اشيك ايميلي
اشي بزهق :S
وآآآآآآآل ايش احلى و اسهل...طيب كيف
مش عارفه اروح ولا اجي فيه
يعني اولا تاركين كل الشاشه وحاطين الايميل اللي بدي اقرأو بزاويه فسفوسه مش عارفه اتحكم فيها
.....يعني تاركين الشقه و قاعدين بئوضه وحده,يعني ازا في صور ما بعرف اشوف الصوره كامله لازم اضل انزل واطلع بالكيرسر
واشي تاني انا بحب اشوف كم حجم الايميل قبل ما افتحه...يعني ازا ما عندي وقت كبير اقعد عالنت بفتح اللي حجمهم صغير ...حره انا يا اخي...هيك انا بحب اعمل
هلأ كيف بدي اعرف حجم الايميل؟؟؟مش عارفه من وين :"(
من الاخر ماااااااااااااااااااااااااا بدي اياه...بدي الهوت ميل القديم
بدي ابعتلهم ايميل هلأ و احكيلهم انهم فاشلين :)

مغامرات عائليه :)

اليوم المفروض بدو يجي اخوي من السفر
احنا عنا عادات وتقاليد عائليه للروحه عالمطار وخصوصا ان هالشي بتكرر اكتر من مره على مدار السنه بحكم ان خواني التنين في الامارات و متزوجين يعني واحد بتيجي مرته بعدين بلحقها بعدين بيجي اخوي التاني وبعدين بنرجع نودعهم وهيك..يعني بتقدرو تعتبرو المطار بيتنا التاني :)

من الصبح بابا صاحي وبيفيق فينا يلا اليوم بدو يجي اخوكم...بدنا نلحق نروح عالصلاه و نرجع وفورا نطلع عالمطار طيب يا بابا يا حبيبي اخوي جاي عال 2:45 و هلأ الساعه 9:30 مش حاسس انو بكير :$
يعني بنروح عالصلاه وبنرجع ويا دوب صارت 12:30 طبعا هالحكي عالفاضي لانه لو كان اله تأثير كان من 1900 بطلنا نعاني من هالموضوع
انا بصراحه دايما بحزن عاللي بيجو من السفر وبيصيرو يدورو بين الوجوه على حد بيعرفوه بعدين ينفقسو ويوقفو على جنب يستنو اهلهم...والله لولا العيب والحيا نفسي اروح اسلم عليهم واحكيلهم بالنيابه عن كل عيلتكم في الاردن والخارج وكل جيرانكم بحكيلكم الف الحمد لله على السلامه D:
ما علينا نرجع لموضوعنا
افطرنا و رحنا عالصلاه و بعد الصلاه اتصلنا نتأكد من موعد الرحله طلع في تأخير ساعه..بس برضه بابا حكالنا ان الساعه 3 بالزبط بتكونو بالسياره حاضر امرك ولا يهمك....من الساعه 2 بدا بابا يعلن الكاونت داون للاقلاع...ضايل ساعه...ضايل نص ساعه...طيب حبيبي مش حكيتلنا عال 3 خلص والله لنكون جاهزين....ضايل ربع ساعه :$ الحمد لله اخيرا صارت 3 وكنا بالسياره و بدينا مغامرتنا

بابا الله يحماه عمره 66 سنه..بس بالسواقه انسى موضوعه...طول ما هو بسوق بتضلك تتشهد وتستدعي و بتختملك كم ختمه قرأن ما شاء الله مسيطر عالموضوع بس احنا بنتدمر شو نعمل المهم كنت انا وماما و اخوي ومره اخوي اللي بدنا نستقبله معنا وهي حامل بالشهر التاسع بدينا المشوار عادي سواقه طبيعيه هاديه..... شوي شوي بدا بابا يتسجم ..بس يعني بشكل مقبول نوعا ما فجأه الحراره عليت بالسياره..ايه ايه خير خير..السياره ما فيها مي...بابا بحكي:اه صحيح من امبارح انتبهت شكله في تسريب
بابا دايما بيعطينا محاضره عن ان الواحد بس يروح مشوار لازم يكون مخطط لكل شي..لازم يعمل حساب كل شي..يجهز اواعيه..حتى جراباته يكون محضرهم
طبعا كلنا ولا كلمه ولا نفس مع انوفي كلام كتير كنا بنقدر نحكيه بلحظتها بس اكيد كلنا بنعرف ان الانسان يكون ارنب سعيد ولا اسد تعيس وكنا حابين انام بالبيت الليله بصراحه

طبعا صف عاليمين و استنى ليبرد المش عارفه شو وافتحه شوي شوي و شغل السياره وعبي مي.طبعا هالشي اخد معنا تقريبا ربع ساعه بس بابا حكا لا مش مشكله بنوصل ان شاء الله عالموعد وانطلق بابا الانطلاقه العجيبه......بالطريق في سياره عرس مزينه وحوليها 4 سيارات ماشيين وبزمرو ..اتفاجأنا انو هلأ في عرس ..لسا بكير بصراحه..بس ما علينا شوي الاخوان سكرو الشارع وصارو يمشو على مهلهم ويزقفو ويزغردو ويرقصو السيارات...اه يرقصو السيارات كيف مش عارفه بس السياره كانت ترقص...المهم بابا زمر للي قدامه ما اتحرك..اخد بابا الشمال وزمر و اعطي ضو ما رضي يتحرك...من هون من هون يا ولاد الحلال افتحو الطريق ابدا...بابا عصب و بدا ولك يا...توووت توووت تووووت ..ولكم يا تووووووووووووووووت...وصار يلزق بالسياره ويزيح هون وهون واحنا مكلبشين ببعض انا ومره اخوي ....وبتحكيلي مره اخوي طبعا البيبي هلأ حاسسته ماسك بالقفص الصدري و متفاجأ باللي بصير
مسكينه وبعد 10 دقايق لزاحو قليلييين الزوووق بابا طبعا فش قلبه بكم من مسبه...و اخوي طل وحكالهم مبروووك الشارع
بس برضه ضل متوتر و طاير وصلنا المطار اخيرا يا دوب اول المطار, اخوي اللي جاي من السفر بتصل مع اخوي اللي معنا وينننننننننننننننكم يا جماعه...الي نص ساعه بستنا زي الهتيشه لحالي :$ بحكيلو اخوي ليش هو انت جاي اليوم ويلا بكره انصدم اخوي اللي بالمطار..بحكيلو نعم :-| ضحك وطمنه انا احنا على باب القادمون صرنا....وطلع اخوي واستقبلنا وضحكنا ولا كانو صار اشي D:
و روحنا واخدنا الهدايا وتغدينا المقلوبه اللي انطبخت بناءا على طلب اخوي اللي جاي من السفر

شهر ان شاء الله وبنرجع نروح نودع اخوي وبتبدا مغامره عائليه جديده

قصه هنود....:"(

قصه جديده سمعناها و قرأناها و انصدمنا في تفاصيلها
هنود طفله عمرها 9 سنوات بمنطقه الجيزه تم خطفها واختفت الطفله وبعد يوم تم العثور على الطفله ملفوفه بشوال وملقاه في قناه ماء تجمعت من الامطار...حسب موقع سرايا
و وكاله عمون

لهون الخبر مرعب ومقلق ومزعج يعني بنت مروحه من المدرسه ويخطفوها هيك عادي
اليوم تم العثور على الجاني
هاي لحالها صدمه مش طبيعيه
الجاني هو الاخ...اه اخ الغير الشقيق وعمره 19 سنه هو اللي خاطفها
وهو اللي المفروض وجد الجثه بعد ما تم فقدان الاخت و بدأت الشرطه والاهل بالبحث عنها
و نتيجه التشريح اثبتت ان الجاني خنقها بعد ان تم الاعتداء على الطفله....
يعني معقول في بني ادم هيك...اخته معقوووول

وكما ذكر في جريده الغد اعترف الاخ بجريمته و ادلى بتفاصيلها "انه استدرج شقيقته المسكينه هنود واعتدى عليها جنسيا دون ان تظهر اي مقاومه"....."ثم قام بقتلها حتى لا تكتشف امره" ولابعاد نفسه عن دائره الاتهام
وقام بتمثيل الجريمه....الله لا يوفقه منيح
وكان تبرير الاخ لما قام به "الشيطان بوز اللي عمره ما بنوز" فعلا انه حيوان
حسبي الله ونعم الوكيل



اطالب بالتغيير...الآن الآن وليس غدا :)

اشي كتير بدايقني بصراحه
ليش احنا شعب جامد وتقليدي....ليش كل شي عنا لازم يمشي عالاصول وعالتقاليد اللي الها 100 الف سنه
انا ما بقدر انكر ان في اساسيات بالحياه لازم تمشي عالاصول والتقاليد
بس في اشياء لو اتطورت و عملنالها شويه تحسينات كتير بتكون حلوه
يعني ستها لستي شافت خاله عم امها لما طبخت السمك كانت تقص راس السمكه...صارو كل الاجيال اللي وراها يقصوها لانهم بفكرو هاي الاصول..ولما ام فلان طبختها بدون ما تشيل الراس الكل جاب سيرتها وانو ام فلان ما بتعرف تطبخ والله يعينه لابو فلان عليها...وسمعتي بنت اخوها لام فتحي سمعت من بنت خالتها لمره ابنها ام علي ان ام فلان طبخه السمكه بالراس...له له له.....تسك تسك تسك...هي امها ما علمتها مع لفه التم شمال شرق و شمال غرب بطريقه متتابعه لخمس ست مرات بسرعه الضوء
بس اللي حصل انها الله يرحمها لخاله عم امها لست ستي ..ما كان عندها صينيه على قد السمكه كامله علشان هيك كانت تقص راسها للسمكه :$

طب يا اخوان جربو...شوفو بركي احسن بركي ازكى

اشي تاني بقهرني هو طريقه الزواج عنا
لافيها رومانسيه ولا فيها ذكرى حلوه
بيجي الشب مع امه واخته و خالته وجارتهم ام محمد ....لانه عندها نظره برضه
و بقعدو يجحرو بالبنت...وكل ما حد سالها سؤال الكل بسكت و بصفنو فيها ....طب كيف بدها تحكي...كيف بدها تكون على طبيعتها مثلا و 10 وجوه عم بيتطلعو عليها
طول عمري وانا بحب الافكار اللي بتيجي بالافلام....اه بالافلام مالها الافلام هلأ صارت مش منيحه
الشب بتعب و بتفق مع 20 من العالم علشان يفاجأ اللي بدو يتقدملها...بتعب بعمل اشي
احنا الشباب عنا ما بدهم يتعبو حالهم بالمره.....حتى في منهم ما بيجو من اصله لان رأي الماما بكفي وبوفي...وازا الماما ارتاحتلها اكيد انا راح ارتحلها... وأني ويييييييييز ازا ما عجبت الماما ما بئدر اخدها......طب سنحك وانتشب وانطز يا فصعون

اتركم مع الفيديو اللي قلب المواجع علي :"(




Abo MahJoob Live Sawalif ....loooool




مصطلحات شبابية.....

اولا كيف حالكم انتو!!!!

هاي بعض المصطلحات الشبابيه ....في اشياء قديمه وبنعرفها من قبل وفي اشياء جديده مثل طشطبون,عتعيت,ليون,على الطبزه و ريّح ربابتك


بس اشي من الاخر..طقع

اترككم مع المصطلحات :)

*نهفه : يطلق هذا المصطلح للتعبير عن خفة الدم المطلقه .
*طقع : تعبر عن مدى الاعجاب الكبير في الشيئ .
*غبر، غليها : اذهب.
*من الآخر : شيء أو حادثه أو شخص أو شخصه أو موقف، عالي الجودة.
*شحدنا الملح : تقال عند حاله الطفر.
*شلف (بالشدة المفتوحة على اللام): تفيد الهروب من موقف رغبة من تجنب تبعاته الموقف.وياتي مصطلح " فكح " بنفس المعنى ومعناه هرب.
*دندرة: لها في القاموس الشبابي الأردني العديد من المعاني، بحسب استخدامها في الجملة، فقد تعني الفوضى، أو الشجار، أو الصخب، أو ربما التعب الشديد الذي قد يصل إلى حد الهذيان.
*وضعي متضعضع : تقال للحاله الغير مستقره
*على راسي : عبارة لا تفيد شيء عملي تماماً وأنما تدل على الإمتنان العميق وتقدير الطرف الآخر.
*عواية: شيء رديء فوصف السيارة بالـ "عواية" يعني أنها قديمة، ورديئة، والأمر نفسه ينطبق على أمور أخرى، فوصف جامعة ما بالـ"عواية"، يعني أنها لا تقدم خدمات دراسية جيدة وهكذا.
*
طشطبون: أي الشاب غير المواكب للموضة، أو الذي لا يرتدي ملابس لائقة، ولا يهتم بمظهره الخارجي.
*" ليون" الأسد بالعربية: لها استخدامين متضادين:، أحدهما يعني الشجاع، والآخر يعني الشخص الخطّاء الذي لا يحسن التصرف في المواقف الصعبة، ويعتمد ذلك على موقعها في سياق الحديث.
*أسفنو: تستخدم هذه العبار لتدل على واقعة وشاية تمت على شخص غائب بدون علمه من شخص آخر, ويقال ضربوا إسفين عند فلان, وفلان هو صاحب العمل الذي قادر على أن يضر الشخص المؤسفن (بفتح الفاء).
*هلا عقالي: هلا حبيبي
*سنحك: ما ابرد وجهك
*لويش: لماذا
*لويه: لماذا
*انتشب: اخرس
*انطز: اقعد ساكت
*اطلع من بين الخبيزة: كذبتك انكشفت
*زنون: (Xenon) روعة
*خاروف: معاه مصاري وبعزم الشباب
*عتعيت: سرسري
*رخيص: ببيع صاحبو عشان بنت
*خز: زمان كان معناها خدوم ....بتحسو مؤدب الكاتب :)
*هزيز ذنب: مسّيح جوخ
*نقلة: تقال لشخص قليل القيمة
*طفران: مفلّس
*خرمان: حالة نقص مادة مسببة للإدمان مثل الدخان
*معجوق: متكركب مش عرف إيش بدي اعمل عندي الف شغلة اسويها
*متدعدر: تدل على حالة نفسية غير مألوفة مصحوبة باحتقار الذات
*فاقعة (معي): مش قادر استحمل
*متكندر: شايف الدنيا كندرة كبيرة بس أصغر من رجلي ....حاسستها من تأليف الكاتب :$
*الحصة: زلمتي صديقة خاصة أو حبيبة
*الجماعة: الحصة أو قد تكون زوجة أو خطيبة
*وضعك حريقة أو زنون: حياتك ماشية بشكل منيح
*وضعك فوق الريح: مصرياتك كتار
*ولا إشي: الذهول من حدث ما أو خبرية او عند رؤية فتاة بتجنن
*بس بلاش: تدل على الشك مع الذهول
*بشرفك: تقال للتحليف
*بعرضك: تقال للتحليف
*الدواوين: ناس عاطلين عن العمل على الأغلب ولما بحكي كل التكاسي المارة بتوقف من كثرة استعمال اليدين
*التشبير: استعمال اليدين اثناء الكلام دلالة القوة والقدرة على سحب الموس خلال المشاداة الكلامية
*الطنطات: أصحاب اصوات نسائية وبنطلونات ساحلة وشعر غارق بالجل عادة يكون الحارس الشخصي للطنط اخته
*مهسهس: يتصرف مثل متعاطي مخدرات ، ومهلّس: يحكي مثل متعاطي مخدرات
*محبحب: متعاطي مخدرات حبوب
*مكرّز: رعشة اليدين عند التوقف او الامتناع عن التعاطي
*مسفّح : يقوم بعمل متهور
*(إشي) بشلق: بخنق شيء خارق للعادة قد تكون مصيبة أو فتاة رائعة الجمال
*بفلج: يسبب "فالج" او جلطة قلبية من روعته
*متكركب: تقال عند الشعور بالكركبة أو الضياع النفسي
*مربّي قلق: أحدهم يقلق راحة احد الأشخاص
*منتوف: مفلّس او غير مسنود
*لابد: الشخص الذي يجلس دون حركة دلالة على الذهول او الخوف
*هوّاية: الشخص الذي يفتعل المشاكل بين الناس
*كوندشن: هوّاية في مرحلة متقدمة
*(الوضع) مترندل: متأزم مع مشاكل مادية أو معنوية
*مقلّع: صاحب خبرة كبيرة بالمشاكل
*داقق على سنانو: مقلّع بشرط أن يكون دواوين
*فصعون: صغير السن، الحجم أو قليل القيمة
*داير على مراقع فقس: يبحث عن ما لا يفيده
*على مطرياتي: حسب علمي
*البين يسطك: دعوة بالموت
*اول امسات: أوّل امبارح
*على الطبزه: على التلة
*بلا قافيه: تقال بعد كلمه أو عبارة تفهم بوجه آخر عادة ما يكون فهم قذر للكلمه, وعادة ما يستخدمها الشباب بكثره امام الأشخاص الذين يتصيدون مثل هذه الكلمات مزدوجة المعنى
*ريّح ربابتك: بمعنى اسكت أو انطم

للامانه و علشان عيب وحرام السرقه (مش لانه ممكن تكونو شايفينها هناك لأ لاني منيحه و مؤدبه) منقول من موقع اجبد