Things I Like To Whisper About

Would You Hear Me Whispering

سمعت...بس اول مره بشوف :$

طبيعه شغلي بتطلب مني اني اروح على مواقع خارجيه....الضمان الاجتماعي,مديريه التقاعد, وزاره الاتصالات وغيرها من المؤسسات
اليوم كانت زيارتي لوحده اعفاءات الديوان الملكي
الله يعين العالم والله يعين الموظفين
كله فوق بعضه وعجئه
عالباب وانا داخله في موظف امن...لانه عاده بروح بعرفني وبدخلني فورا
وانا واقفه كنت واقفه جنب بنت...لابسه كت اورنج وبنطلون اخضر واشي من الاخر-زكرتني باغنيه ابو لطفي بيضوي ويطفي...خصوصا اني جديد سامعتها :) - والشعر القصير المسشور وريتها ما تبلى النظارات الشمسيه....بصراحه البنت مش حلوه وفي اشي غريب بوجها بس حكيت لحالي هاي يمكن من قله الحيا اشي طفا وجها

المهم البنت واقفه وبتدافش والكل بيتطلع عليها و بصورها بالموبايل....انا استغربت من شغله التصوير...يعني اي نعم شكلها ملفت بس مش لدرجه التصوير..بس ما علينا لانه كل شي بيتطلع من شعبنا الكريم

دخلت عند الموظفين وبديت اشتغل شغلي اللي بدي اياه ....فجأه البنت صارت بنص المكتب طلع واحد من الموظفين مدخلها...اه يا عمي واسطه
بحكيلي الموظف اللي جنبي شايفه على هالاشكال اللي بتراجعنا...بحكيله بصراحه الله يقرفها على هاللبس
حشش الموظف وبحكيلي...قصدك الله يقرفه
يقرفه!!!!
وطلعت البنت او اللي كنت مفكرتها بنت شب :$
وبيتدلع وإنو ومش إنوو...و please و I want it only one time وايش هالئرف شو هالعالم اوووفت
طبعا انا جنبها خنشوره و متل اخوها الكبير
انصدمت...سمعت عنهم...و انحكالي قصص وقرأت بالجرايد...بس يا عمي عالطبيعه غير
اشي بقشعر البدن

احلى شي في حج كبير بستنى دوره...بس شافه بحكي...اه وبتسالو ليش ما بتشتي الدنيا.....هههههههههههههه

بس لا اخفيكم.....كان نفسي اخدلها...قصدي اخدله صوره او اروح للي صورها واخليه يبعتلي الصوره
بصراحه اشي بيحب الواحد يحتفظ فيه :")

1 التعليقات :

eno 3ade t3awadna 3al manazer hade ... bas fekra 7elweh eno el nas kanat tsawer .. cuz feena ... nshufoo online ... el nas btenbeset 3al osas hade ....
fe3lan el deniah lesh ma 3am tshate :D

nas bedha 7are22222222 :D keefek ente :D