Things I Like To Whisper About

Would You Hear Me Whispering

زين كلمتك مسمووووعه!!!!!

في اشي غريب لاحظته في المسجات اللي بتوصلنا على الموبايل من شركه زين
انه ببعتو مسجات لكل واحد شكل حسب اهتماماته
يعني انا مثلا موبايلي مليان اناشيد ....كل شوي ببعتولي عن الاشتراك بقناه العفاسي..او تنزيل اناشيد
وبرضه ببعتولي عن الخصومات من محلات الحجابات
اخوي موبايله فيه كل اغاني عمرو دياب ...ما بوصلو اشي عن العفاسي والاناشيد بوصله عن الاغاني ونزل اغنيه عمرو دياب الفلانيه و من هالشغلات
احكي يلااا انه بالصدفه واهتمامات الشباب غير ومن هالحكي .....ماشي خلينا انمشيها

بس الاشي الغريب ان اخوي بحكي مع صاحبه
بحكيله انه بفكر ادرس ماستر ..بحكيلي ما في يومين اللا زين باعته مسج عن دراسات الماستر بالاردن
وعن جامعات وتسجيل الماستر @_@ ايه....كيف عرفوووو !!!!!!

بالاخر توصلت انه شكلهم بتسمعو على مكالماتنا الجماعه و ببحبشو بموبايلاتنا ...... وعيني عينك ومش مخبيين

هلأ فهمت شو يعني .....زين كلمتك مسمووووعه :"(

3 التعليقات :

لا بتمزحي ..
هيك انا وضعي سيء ! وعشان هيك ما بصلني ولا اي مسج ..
مش عارف اذا هالحكي صحيح عنجد بكون كلمتك مسموعة .

 

بس ما تكون المواضيع اللي بتحكي فيها ما بدها مسجات...بدها جلب واحضار :$
دير بالك

 

اولا ... كلمتك مسموعة شعار أمنية , مش زين


تانيا ... انا ملاحظ هالاشي كمان , وعن جد ببعتولي عروض غير عن اللي ببعتوها لغيري


والله يستر من الفضايح اللي بنعملها :)