Things I Like To Whisper About

Would You Hear Me Whispering

مش عارفه مين التيس

اليوم وانا مروحه من الشغل...بصراحه كنت معجوئه ومستعجله...مع ان هاي مش عادتي بالسواقه
المهم
وانا بالطريق حظي الحلو وعلشان تكمل معي كان قدامي سياره تعليم سواقه
تزكرت اخوي...وانا بتدرب سواقه بس يجي المدرب بحكيلي اخوي سياره "لسا تيس" بتستناك طبعا كنت انقهر بس اعمل حالي انه دمه خفيف...طبعا اول 10 مرات وبعديها قزييييت واعترفتله انه من اول يوم مش نغش فبكفي

المهم ارجع لموضوعي
السياره طبعا ماشيه بطيء هاد عادي بس المشكله انه بتروح شمال ويمين بالمسرب بطريقه غريبه....وانا طبعا وراي اجتماع الكونجرس و عم برنو علي لاني تأخرت شديت و اعطيتها كيك داون..."لا مش واضح اني متعلمه الكلمه جديد وما صدقت استخدمها"
وانا ماشيه جنب السياره واذ بالاخت اللي بتتدرب بتحكي موبايل...وبتسوق بايد وحده...والمدرب فاتح تمه ومبتسم ليش مش فاهمه...
يعني هاد اسمه بطيخ مش تدريب

وين التعليم ووين التدريب و وين اساسيات السواقه وطبعا بتروح على الامتحان بتتناغشلها نغنوشتين... و بتنجح
كلنا بنعرف ان النجاح بامتحان السواقه عباره عن اوامر من فوق انه نجحو 10 على زوقكم ونجحو التاليه اسمائهم..حسب قوه ورنين اسم الفيتامين اللي جاي من طرفه

بس انا ما جلطني غير المدرب اللي بتبسم وكانه ولا اله دخل...وين امانه العمل...هاي ارواح ناس ...روح البنت اللي راح تاخد رخصه وتسوق وروح اللي معاها بالسياره وروح الماشيين بالشارع

فانا ساعتها عرفت عباره "LT"
على مين بتدل بالزبط :D



2 التعليقات :

المفروض تحكيلنا كيف هي البنت الي بتتدرب ..
لأنه اكيد المدرب مبتسم عشانها والها ..
يمكن مش مصدق حاله !!
ما انت عارفة كيف بكون الوضع وبتعرفي رجالنا كيف بصير بحالتهم مع البنات!!

 

والله يا صديقي ما انتبهت للبنت...بتعرف مع الكيك داون والعجئه يا دوب لمحت التلفون وايد وحده عالستيرنج...والمدرب المنشكح :)

بس معك حق بنقطه انو كيف بتصير حالتهم مع البنات :$