Things I Like To Whisper About

Would You Hear Me Whispering

مش عارفه ليش!!!!

اشي كتير بستغربه بالحياه
مش عارفه انا بس ويلا في ناس غيري
ليش دايما بنتلاقى مع الاشخاص اللي ممكن يكون الهم تأثير كبير بحياتنا ...بس مش هلأ....لو انا تلاقينا فيهم باماكن وظروف واوقات تانيه
وليش بس توصل لمرحله انه تحس حالك بتعرف اللي قدامك زي ما بتعرف نفسك..بتصير تفكر ان انا مرات ما بعرف نفسي..ولا بفهم انا بشو بفكر

كتير اشياء مرت بحياتنا...بعد بفتره بنسال حالنا...احنا ليش اخدنا هاد القرار...انا ليش تصرفت بطريقه عكس تفكيري وعكس الاشياء اللي بأمن فيها
برجع بحكي لحالي...اكيد لازم نمر بهيك مواقف علشان يصير عنا اشي اسمه"تجارب بالحياه" لازم نسقط مره ومرتين ولازم نتوجع مره ومرتن علشان نتعلم معنى الحياه صح

اكيد مش كل قراراتنا غلط...ولا كل تجاربنا كانت من بعد الآم و اوجاع
اكيد في اشياء مفرحه بتصير للانسان بتعلمه درس منيح ...بس بحس انها نادره.....متل لما الانسان يكون صادق وصريح مع نفسه ومع الاخرين بتعلم درس منيح...اعتقد :$

و مرات بس قليله بتعلم الانسان من تجارب غيره...مع انو ما بحس انه بتعلم الدرس منيح ايلا ازا هو شخصيا مر بهالتجربه..زي بس تحكي للطفل ان كاسه الشاي سخنه..وانها بتحرق وتصير تمثل قدامه انك انحرقت..بلف بلف وبمسكها و بنحرق...بعدها هو بس يشوف كاسه الشاي بيصير يحكيلك انها سخنه...كلنا مهما كانت اعمارنا اطفال وبنجرب كل شي و ما بنسمع الكلام وما بنتعلم ايلا بس نحس بايدينا وبقلوبنا و بعقلنا

وللاسف لسا في اشياء كتيره عندي تحت جمله...."مش عارفه ليش!!!!"

2 التعليقات :

وكم سنيقى على حافة الأسئلة ؟!..
وكم ستبقينا الحافة على اطرافها ؟!
ومن ثم ،
هل هي الهاوية بعد الحافة ؟!!

 

اتمنى انها ما تكون الهاويه
اعتقد ان بعد الحافه...بنسقط على حافه جديده ونبدا من جديد :S

شكرا على التعليق اخي خالد