Things I Like To Whisper About

Would You Hear Me Whispering

يعيش شهر ديسمبر



طبعا زيي زي اي موظفه وموظف بالعالم بعشق العطل وبضل بحسبلها قبل بسنه
فانا من هلأ بستنى شهر 12 يجي :D

الجمعة

الخميس

الأربعاء

الثلاثاء

الاثنين

الأحد

السبت

5

4

3

2

1



12

11عيد الاضحى

10 عيد الاضحى

9 عيد الاضحى

8 عيد الاضحى

7 وقفة عرفة

6

19

18

17

16

15

14

13

26

25الكريسمس

24

23

22

21

20


1/1/2009 رأس السنة

31

30

29

28 رأس السنة الهجرية

27






عامر بني هاني









عامر بني هاني ....لو سمعنا بهالاسم قبل سنه كان ما عرفنا غير انه شاب اردني...(واضح من الاسم )
ولو شفنا الصوره بالجريده بنتوقع انه عامل اشي مهم للبلد...مشروع تخرج هندسي او تكنولوجي بساعد الناس وما بخطرلنا انه هالشب رجل اعمال ونصاب كبير.

عامر بني هاني هو من اكبر مالكي شركات الاسهم العالميه, السلطات كانت تدور عليه وقبضت عليه اليوم بعد ما سرق اموال المودعين بشركته اللي اسمها بني هاني والمراشده,كان يوزع ارباح شهريه تعادل 30% من راس المال وبشهر وقف وخبرت الشركه المودعين انها راح تأجل الارباح للشهر اللي وراه ويعطوهم ارباح شهرين, تبين انه سرق الفلوس وهرب.
المهزله انه بشهر
5 عملوله او بالاحرى عمل لحاله حفله تكريم ودعو النواب ورجال الاعمال وفنانون اردنيون وعرب ورجال الصحافة والاعلام وعدد كبير من القنوات الفضائية والمحليه ووكالات الانباء...اللي معظمهم ما عرفو مين هو اساسا.
صاحبنا عمره 24 سنه ويملك اكتر من 270 مليون دينار كلها مودعه بحسابات خارج البلد ولما بحثو في حساباته البنكيه داخل الاردن لقو انه ما معو غير76 دينار.

خلينا نشوف كيف راح تنتهي هالمهزله...هل يا ترى بترجع الفلوس لاصحابها؟؟؟ و يلا ما راح تثبت اي تهمه وراح يطلع منها هو وفلوسه (ناقصه كم من مليون طبعا بوزعها هون وهون ليطلع) ...وما بنعرف ممكن نشوفه بحفل تكريم مره تانيه ونطلع ظالمينه للشب الله اعلم...


أتفه دعايه بالتاريخ


ما توقعت بحياتي ان دعايه تعكر مزاجي وتعصبني بس اشوفها
بكرهااا هالدعايه لانها تافهه و مقرفه وما الها معنى غير وقاحه وقله الادب






مراكز المساج بالاردن

وبعدين مع هالشغله مش المفروض ان قبل فتره لفو عليهم وسكروهم
يعني هلأ بحكو انهم سكرو 36 مراكز للمساج بالشمع الاحمر لانهم مسكوهم متلبسين باعمال الرذيله و بالدعاره بالزات...وانه خلص سكروهم كلهم وما ضل مراكز للمساج.

قبل فتره حكو انهم عملو كشف على 350 مركز مساج بالاردن وبس بقي منهم 36 مركز صوبو وضعهم القانوني علشان هيك خلوهم وهي هلأ ال 36 مركز سكروهم طيب ليش من اولها سمحو لحد يضل فاتح مكلنا عارفين انه هالمراكز مش للمساج اساسا..المشكله انهم هلأ بحكو ان في مركزين ممكن يرجعو يفتحوهم ازا صوبو وضعهم...يعني علشان بعد كم شهر يرجعو يسكروهم من هلأ يسكروهم وخلص وما يعطو تراخيص لمراكز جديده تفتح

يعني مهي ناقصها البلد بكفي المناظر والقصص اللي الواحد بسمعها ...وبكفي ال 300 نادي ليلي اللي بس تمر بالغلط من قدامهم بتحس حالك ابصر وين...يعني انا قبل كم يوم رحت اجيب كيك من محل كيك كتيييير زاكي بشارع مكه (يا اصدقاء...ي بديش احكي اسمه ماشي) وانا بالمحل بنات اشكالهم غريبه واللبس و الميك اب اشي عجيب بحكي لاخوي مالهم هدول شو هالمناظر بحكيلي ما انتبهتي شو في جنب المحل....وانا طالعه انتبهت طلع نادي ليلي غريب كله شبابيك صغيره و باب النادي صغير زي باب بيت وعليه بودي جارد ما شاء الله زي الحيط ....بحكي لاخوي طيب وين بدها الناس تقعد شكله غرف مش صاله...بحكيلي طيب مهاد المطلوب
والله اشي بخزي....حسبي الله ونعم الوكيل

صحيح نسيت احكيلكم ان هاي المراكز بس بالعاصمه ...اما اللي بالعقبه بتراقبها سلطه العقبه مش وزاره الصحه و وزاره الداخليه واعتقد ان هناك ما خفي كان اعظم :$


يا جار الرضاااا.....

قبل 4 سنين تقريبا فضيت الشقه اللي قبالنا وانعرضت للبيع...بابا فكر ياخدها لخواني المسافرين حكا بقعدو فيها بس يجو اجازات...المهم ما سمعنا ايلا ان الشقه انباعت لواحد سعودي
انسم بدنا ...طبعا وللاسف عنا بالبلد بس يكون جارك خليجي, ازا انسى..مشاكل وازعاجات
بس عرفنا انه شب عمره 25 سنه متزوج من اردنيه عمرها 40 سنه ...لا مش غلطانه بالاعمار هي اكبر منه

وبعدين عرفنا ان الست مطلقه وعندها ابن عايش مع ابوه بالسعوديه

اللي متعودين عليه ان البنات بتزوجو خليجي علشان فلوسهم..هون العكس الشب متزوج علشان تصرف عليه وعلى دراسته وجابتله سياره
طبعا انسى المشاكل والاصوات والضرب اللي بضربها اياه اشي بخوف بصراحه
بس خلص الشب دراسه الماستر طلقها ورجع عالسعوديه....واجا ابنها سكن معها قبل ما يسافر زوجها بمده وبرضه الاصوات والضرب بس هالمره ابنها بضربها ..اشي مخزي والله بس اسمع صوتها بصير قلبي يدق و بموت خوف

كل هاد عادي...مش عادي طبعا بس مش هون مشكلتنا
المشكله ان الست مريضه نفسيا...عرفنا هالحكي من اخوها ان عندها مرض اسمه الاسقاط واللي هو انها بتتخيل اشي و بتسقطه عالواقع كانه صار يعني زي اللي بكزب كزبه وبصدقها

اكتر من مره تعمللنا مشاكل ولكل الجيران و وجعه راس من المشاكل انها مره راحت عند جيران النا و كانت عند الجاره صاحبتها وبس طلعت غابت نص ساعه ورجعت تبكي وتصرخ وتحكيلهم يا سراقين وين محفظتي والله لاجيبلكم الشرطه وفضيحه لولا ان ربنا سترها واجا ابنها وضبها

من المشاكل اللي صارت جديد انها راحت شكت على بابا عند المحافظ ان اخوي الصغير بضل يخربش على باب بيتها و بيضل يرسم عليه
راح بابا واخوي الصغير و اخوها عند المحافظ
صحيح اخوي الصغير ....سنه رابعه جامعه طوله 194 سم ...طبعا بس شافه المحافظ فرط ضحك حكاله انت اللي بتخربش عالباب...حكاله اخوي اه بتربع عالارض وبقعد ارسم ههههههههههه
اخوها حكا للمحافظ عن مرض الاخت وفرجاه التقارير جابها المحافظ وكتبها تعهد بعدم ازعاجنا مره تانيه ومن يومها وبس نشوف بعض كل واحد بلف وجهه الجهه التانيه وحتى سلام ما بنسلم
لانه ازا حكيتلها السلام عليكم...بتورطني باشي

صدق اللي حكا الجار قبل الدار
هينا بندعي يا نطلع يا هي تطلع :$


انا ابيع صاحبي علشان بنت!!!!

طبعا هاي الكلمه دايما بنسمعها من الشباب و دايما الحكي انو البنت بتبيع ابوها علشان شب مش بس صاحبتها
وللاسف انا بالجامعه حضرت مشكلتين بين بنات وشد شعر على شب و الشب بكون واقف على جنب بستنى ان يروح مع المنتصره
وبنفس الوقت اكتر من مشكله بين الشباب و بتطلع بالاخر علشان بنت
فالمفروض ما يكون في تعميم ..في هيك وفي هيك

بدي احكيلكم قصه حصلت مع اخوي...اخوي سنه رابعه جامعه و احنا والحمد لله كتير قراب من بعض يمكن بحكم ان ما ضل غيرنا بالبيت والباقي تزوج وطلع
المهم...بحكيلي ان تلاقى هو وصاحبه و صاحب صاحبه خلينا نسميه فلان

المهم فلان بحب بنت بتدرس بجامعه تانيه و متعلق فيها كتير...وطلب من اخوي طلب غبي ان يعطيه رقم تلفون البنت اللي هو بحبها على اساس انو بدو يختبرها... وللاسف كتير شباب بعملو هالشي...المهم اخوي ما كزب خبر بحكيلي اخدت الرقم ورنيت عالبنت ...خلصو كل الرنات وما جاوبت
طبعا نفش ريشه فلان وصار يحكي شايف يا زلمه ما احسنها...حتى عالارقام الغريبه ما بتجاوب..انا حاسسها عالبنت غير ...شايف الادب...شايف الاخلاق...شايف...قطع كلامه صوت رنه موبايل اخوي...بتطلع عالرقم ويلا مين يا معلم...رقم البنت :)

رد اخوي عالتلفون...بحكيلي سحبت عليها فيلم على اساس انو هي صاحبتي وانا بستناها بالكوفي شوب وهي تأخر
وبدا اخوي...انا كم مره حكيتلك ما بحب تتاخري علي واضل استنى...وبعدين مع هالعاده اللي فيكي..بحكيلي البنت بلّمت و بعد فتره بتحكيلو عفوا مين معي
بحكيلها انت مش فلانه..حكتله لأ انا لقيت مسد كول على موبايلي من رقمك وكنت بعيده عن التفلون..حكالها اهااا انا اسف كتير عالازعاج
..هي بدت تساله...انت بتدرس ويلا بتشتغل..حكالها بدرس وبحكيلي صارت البنت تتناغش وشو بتدرس و اي سنه وكم طولك وتمد المكالمه نص ساعه ...بحكيلي اخوي انا انسيت فلان اللي قاعد وفاتح تمه وخانس المسكين...بحكيلي انهيت المكالمه وحكيتلها يلا انا مضطر اروح
طبعا فلان اصفر و كش...بحكيلي اخوي ما عرفت شو احكيله...

المشكله ان البنت بعد ساعتين ردت حكت...بحكيلي اخوي ان البنت من الاخر حسب الوصف وانا حكيت خلص مدامها طلعت هيك شو بده فيها فلان...فبحكيلي هلأ بكون رخيص ازا كملت مع البنت؟؟؟؟

طبعا حاليا اخوي والبنت على اتصال...وفلان طلع من الموضوع وبدوش يتعرف على اخوي ولا صاحبه ....وصاحب اخوي ندم انه مش هو اللي حكى :)
وبرجع بحكي....ان الشباب لا يمكن يبيعو صحابهم علشان بنت!!!!
اه ماااااااااشييييييييي صدقتك

ابتسم فأنت في الأردن


إذا مشيت بالشارع يوم من الأيام ... وشفت سياره تكسي صفرا
من جوا ضو أزرق ... وسي دي معلق على المراي ... وجواتها شب مربي سكسوكه ولابس بنطلون كونز ومعبي السيارة من برا تعليقات وملصقات ... فأنت تسير في شوارع الأردن

إذا كنت واقف على الإشارة ولما تصير صفرا بتسمع سبعين واحد بيزمرو وراك .... فأنت في الأردن

إذا كنت ماشي وعلى بعد 200 متر إشارة خضرا .. وشفت كل السيارات بتتجاوز عنك عن اليمين .. عن الشمال ... مش فارقه .. المهم يلحقوا الإشارة خضرا .... بتكون في الأردن

إذا دخلت أي دائرة حكومية وشفت الموظف قاعد ماد بوزه ومكشر ووجهه فلتبتسم لانك في إحدى الدوائر الحكومية في الأردن

اذا سمعت الحوار التالي
- ألو
- ألو
- مرحبا
- هلا .. هلا
- كيف الحال
- والله الحمد لله ... انت شو أخبارك
- تمام الله يسلمك
- شو فيه ما فيه
- والله صافيه وافيه .. مين معي
- انت الطالب .. مين حضرتك
- مش تليفون ابو غازي
- لا يا خوي النمره غلط
- آه ... حقك علي يابه
- ولا يهمك .. كسبنا سماع هالصوت
- يا سيدي الله يحي اصلك .. من وين انت
- انا من الملاطشه
- هاظا احنا قرايب، شو بكونلك مزعل الملاطشة.
- والله ما بعرف، اكيد من هالعيلة، عدم مؤاخذه الملاطشة كثار، هو شو بشتغل مزعل.
- خابرة لواء بالدائرة.
- اهههههههه هاظ بكون ابن عم ابوي الخي البي، وامبارح سهر عنا
- يا سيدي حياك الله ... مع السلامه
- هلا .. هلا .. الله معك
طبعا اذا سمعت مثل كل هذا الحوار ... والنمره غلط ... فأنت أكيد في الاردن

اذا كنت تتحدث مع شخص عن أسعار الاراضي ... وقالك انه الارض الفلانيه اللي بعبدون كانت لجده وكان يزرع فيها بندوره وفقوس .. وباعها بثلاثمية ليره بالستينات ... فأنت اكيد في الاردن

اذا كنت ماشي بالشارع ... وشفت واحد بيجح بخلقتك .. هيك بدون سبب ... لا هو مسلِم ... ولا هو مبتسم لك ... بس بيجح كانك قاتل ابوه .... فانت ماشي في الاردن

اذا رن عليك واحد مش شايفه صار لك عشرطعشر سنه ... وساعه وهو يسلم عليك ويمدح فيك وآخر اشي سألك : بالله وين محول راتبك .... اكيد بتكون بالاردن

اذا كنت قاعد بمكان عام ... وكل اللي حواليك ماسكين موبايلاتهم وسمعت .. ' بالله شغل البلوتوث .. بدي أبعث لك شغله طقع ' ... بتكون بالاردن

اذا سمعت كلمة صافيه وافيه ... وهي لا صافيه ولا وافيه .. بتكون بالاردن

اذا شفت بكم ديانا موديل الف وتسعميه وخشبه محمل بندوره والشوفير شاد الشماغ على راسه ومش شايف لا شمال ولا يمين .. ويا أرض اشتدي ما عليكي أدي .. بدي أسبق كل التكاسي .. بتكون بالاردن

اذا الدنيا رشت شوية بَرَد ...ووزارة التربية علَقت الدراسه .. والحكومة اعلنت عطلة رسمية بسبب خوفها من الثلج الغادر .. والتلفزيون بث مسرحية العيال كبرت .... معناته انت كمان بالاردن

اذا شفت الجو ..هَه .. برشرش ثلج والناس بتقدر تركظ عالخبز والكاز بس ما بتقدر تروح تداوم ... برضه بتكون بالاردن

ملطوووووووووووووووش للامانه والحقوق الفكريه والطبع وحقوق الانسان

العدوى..

كلنا بنعرف ان في حركات بعملها الشخص قدامك تلقائيا بتحس حالك بتعملها متل بس حد يتاوب قدامك ...شوي بتلاقي حالك بتتاوب
بس الاشي الجديد اللي عرفته هو عدوى الخشوع او عدم الخشوع بالصلاه
يعني انا بصلاه التراويح بس اوقف جنب وحده وبتكون خاشعه بحس حالي كتير خاشعه او بس انا اكون واقفه اصلي واللي جنبي بتتحرك كتير فانا بركز وبخشع هي تلقائيا بتخشع...طبعا مش دايما بس معظم الاحيان
ونفس الشي عدم الخشوع يعني بس وانا بصلي اصير افكر هاي الركعه الاولى ويلا التانيه وبس نرفع من السجود بضل قاعده وتقريبا الاربعه اللي جنبي تنتين من كل جهه بضلو قاعدين و بتطلع الركعه الاولى ولازم نوقف .....بنكون كلنا غلطنا لانه ولا وحده فينا للاسف خاشعه :$

بحكو ان في هاله حول كل انسان بتأثر عالي حواليه (الكرما اعتقد اسمها) والتأثير بكون ايجابي او سلبي
يعني لو انت مبسوط وقعدت مع حد منكد و طول الوقت بشكي تلقائيا بتغير مزاجك وبتصير مكتئب وانت مش عارف ليش والعكس لما تكون انت مكتئب وتقعد مع حد متفائل بتعدل مزاجك
فالواحد لازم يبعد عن الناس السلبيين و يلغيهم من حياته
حتى ما تنتقل الا العدوى بالتفاؤل وبالسعاده و بالخشوع :)

نكته

يقال أن أحد الحدائق الخليجية أحضرت أسد من دولة أفريقية.
فرح الأسد وقال بس بنشبع من الكبسة والمندي والحاشي والمضغوط
في اليوم الأول أحضر الحارس للأسد الطعام، فرما له موز في القفص
في اليوم الثاني فعل نفس الشيء ورما له موز على العشاء أيضاً
إستغرب الأسد من ذلك التصرف

و في اليوم الثالث الأسد مسك الحارس وقال له: أنا ايش ؟
رد الحارس : أسد
طيب وش آكل ؟
رد الحارس: لحم
طيب وين اللحم ؟
رد الحارس:
أنت جاي بتأشيرة قرد

مسكين الأسد ما سمع بالأنظمة اللي عندنا

ههههههههههههههههههههههههههههه

يا حرام......ولا اشي

هاي قائمه باسماء ناس بدهم يغيرو اسماءهم بالكويت....الله يعينهم



حال الاكتتابات في سوق الأسهم

يوم من الأيام ‏توجه ‏فؤاد ‏إبن المدينة إلى الريف ' ‏وإتفق مع ‏فلاح ‏وإشترى حمارا ‏بمئة دولار، على أن يستلم منه الحمار في اليوم التالي .

في الموعد ‏المحدد للتسليم أتاه ‏الفلاح ‏وقال :' أعذرني يا ‏أبني ‏عندي خبر سيء. الحمار مات '.

أجابه ‏فؤاد : ' ‏بسيطة ، رجعلي مصرياتي '.

قال ‏الفلاح : ' ‏بس أنا صرفت المصاري '.

فؤاد : ' ‏كمان بسيطة ، بآخد منك الحمار الميت '.

سأله ‏الفلاح : ' ‏وشو بدك تعمل بالحمار الميت ‏؟ '.

فؤاد : ' ‏بدي أعمل عليه سحب يانصيب '.

الفلاح : ' ‏معقول تعمل سحب يانصيب على حمار ‏ميت؟ !'.

فؤاد : ' ‏إيه ليش لا، أنا ما راح خبّر حدا إنه ميت. إنتظر وشوف '.

وبعد مرور شهر ‏إلتقى ‏الفلاح ‏بفؤاد ‏وسأله : ' شو صار بالحمار الميت ‏؟

فؤاد : ' ‏عملت عليه سحب يانصيب، وبعت 500 بطاقة كل واحدة ثمنها ‏دولارين، وفي النهاية ربحت 998,00 دولار '.

الفلاح : ' ‏وما حدا إعترض ؟ ! '.

فؤاد : ' ‏ما حدا إعترض إلا الشخص الذي ربح السحب، فرجعتله ‏الدولارين

------

هذا حال الاكتتابات في سوق الأسهم

الطريق الصح

هاد عنوان برنامج بيجي على قناه المحور على 6:15 و بنعاد عال 8:30 تقريبا
البرنامج جدا جدا رائع ...لقاء مع الداعيه معز مسعود
اسلوب رائع في الحوار....وطريقه جدا رائعه بشرح الايات و شرح المواقف
يمكن لان الداعيه شب صغير بالعمر وهو نفسه ما كان كتير قريب للدين فتره الجامعه
حلقه امبارح حكا عن نفسه وكيف قرب للدين... كان شاب مسلم عادي مثل معظم الشباب المسلمين في عمره..بصلي وبصوم والدته دايما بتنصحه بالالتزام بالصلاه و بالامور الدينيه...بحكي كنت ما احب اشوف برنامج ديني وبس حد يجيب سيره اي شي عن الدين احكيله خلص والف وجهي واغير الموضوع وازا حد جاب سيره الموت احكيله ايش هالنكد هاد واغير الموضوع.....مش موضوعنا كيف انهدى الشب
بس البرنامج كتير حلو ما في تزمت ولا في تشدد
شرح بسيط كيف بتقدر تقرب من الله وتقرب من الدين اكتر وتعيش حياتك العاديه وانت ما بتغضب ربنا ... بنصح الجميع بمتابعته

Don't Be a Victim....Fight Back!


نصيرات: صيام الشعب العربي جوع كلاب و لن يغفر له ذنب في رمضان

هاد عنوان الخبر في عرب نيوز عن مقاله كتبها الكاتب كامل النصيرات بجريده الدستور

بغض النظر عن موضوع المقاله اللي بحكي اللي بنفكر فيه كلياتنا
عن الغلاء المعيشي وعن ان السياسه وصلت للدين وللخطب في المساجد وتوظيف الدين لاهداف سياسيه كله ماشي
وان كيف برمضان التلفزيون بصير يعرض كل ما هو مخل و غير اخلاقي بهاي الفتره وبتزيد نسبه العري بالفضائيات كله ما اختلفنا

بس انه الكاتب المبجل يحكم ويطلق صفه عامه ويشبه الشعب العربي بانه كلاب هاد اللي ما فهمته
باي حق واي صفه بيحكم على صيامنا و باي حق واي صفه بيعطي لنفسه صلاحيه يحكم انا شعب قليلو الادب
وباي صفه واي حق بيحكم انه لن تغفر لنا ذنوب!!!!!!

بصراحه انا شايفه ان طريقه كتابته بتدل انه بيحكي عن نفسه وعن شخصيته وبدل على اسلوب تفكير سطحي وانه ما بمثل غير نفسه
يعني بصراحه المقاله بتضم مضمون كتير حلو بس للاسف الكاتب خرب وضيع قيمه الموضوع بطريقه صياغته

نهفووووووت



funny baby